ಯಾಕೋಬ 1:14 - ಕೊಡವ ಬೈಬಲ್

¹⁴ ಆಚೇಂಗಿ ಒಬ್ಬೊಬ್ಬನು ತಾಂಡ ಸ್ವಂತ ಇಚ್ಛೆರಗುಂಡ್ ಬಲ್‍ಚಿಪೋಯಿತ್, ಬುದ್ದಿತ್ ಸೋದನೆ ಪಟ್ಟಂಡುಂಡ್.

ಯಾಕೋಬ 1:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:6

ಅಕ್ಕ ಆ ಪೊಣ್ಣಾಳ್‌ಕ್, ಈ ಮರತ್‌ರ ಪಣ್ಣ್‌ ತಿಂಬಕ್‌ ನಲ್ಲದಾಯಿತು, ನೋಟ್‌ವಕ್‌ ಚಾಯಿ ಉಂಡ್‍ೕಂದು, ಅವಕ್‌ ಜ್ಞಾನ ಕ್‌ಟ್ಟ್‌ವಕ್‌ ಅದ್‌ ಬೋಂಡ್‍ೕಂದು ಗೊತ್ತಾಯಿತ್, ಅದ್‌ನ ಪರಿಚಿತ್‌ ಅವ ತಿಂದತ್. ಅವಡ ವಡಿಯಂಗು ಕೊಡ್‌ಪಕ, ಅಂವೊನು ಅದನ ತಿಂದತ್.

ಆದ್ಯತ್‌ರ ಪುಸ್ತಕ 6:5

ಮನುಷ್ಯಂಗಡ ದುಷ್ಟತನ ಬೂಮಿರ ಮೇಲೆ ದುಂಬಿತ್‌ ಅಯಿಂಗ ಗೇನಮಾಡ್‌ವದೆಲ್ಲಾ ಎಕ್ಕಾಲು ಕೆಟ್ಟದಾಯಿತ್‌ ಉಂಡ್‍ೕಂದ್‌ ಯೆಹೋವ ನೋಟ್‌ಚಿ.

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಜ್ಞಾನತ್‌ರ ಪಡಿಮ 4:23

ನೀಡ ಹೃದಯತ್‌ನ ಜಾಗೃತೆಲ್‌ ಚಾಯಿತೆ ಬೆಚ್ಚ; ಎನ್ನಂಗೆಣ್ಣ್‌ಚೇಂಗಿ ಅದ್‌ಂಜಲೇ ಜೀವತ್‌ರ ಎಲ್ಲಾ ವಿಜಯವು ಜಲನೀರ್‌ರನೆಕೆ ಬಪ್ಪ.

ಮತ್ತಾಯ 15:18

ಆಚೇಂಗಿ ಬಾಯಿಂಜ ಬಪ್ಪದ್, ಹೃದಯತ್‍ಲ್ ಎಂತ ಉಂಡೋ ಅದೇ ಪೊರಮೆ ಬಪ್ಪ; ಅದೇ ಮನುಷ್ಯನ ಅಶುದ್ದ ಮಾಡ್‌ವ.

ಮತ್ತಾಯ 15:20

ಇಂತ ವಿಷಯವೇ ಒರ್ ಮನುಷ್ಯನ ಅಶುದ್ದ ಮಾಡ್‌ವ. ಕೈ ಕತ್ತತೆ ಉಂಬದ್ ಮನುಷ್ಯನ ಪಾಳ್ ಮಾಡುಲೇಂದ್ ಯೇಸು ಎಣ್ಣಿ ಕೊಡ್‍ತತ್.

ಮತ್ತಾಯ 4:1

ಪಿಂಞ ಸೈತಾನ ಯೇಸುನ ಸೋದನೆ ಮಾಡ್‌ವಕಾಯಿತ್ ಪವಿತ್ರಾತ್ಮ ಅಂವೊನ ಮಣಬೂಮಿಕ್ ಕಾಕಿಯಂಡ್ ಪೋಚಿ.

ಮತ್ತಾಯ 5:28

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ಬೋರೆ ಪೊಣ್ಣಾಳ್‍ನ ಆಸೆಯಿಂಜ ನೋಟ್‍ಚೇಂಗಿ ಸಹ, ಅಂವೊ ತಾಂಡ ಹೃದಯತ್‍ಲ್ ಅವಡ ಕೂಡೆ ವ್ಯಬಿಚಾರ ಮಾಡ್‍ನನೆಕೆ.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 7:13

ಅನ್ನನೆ ಆಚೇಂಗಿ, ನಲ್ಲದಾಯಿತುಳ್ಳ ನ್ಯಾಯಪ್ರಮಾಣ, ನಾಡ ಚಾವ್‍ಕ್ ಕಾರಣ ಆಚೀಂದ್ ಎಣ್ಣುವಕ್ ಕಯ್ಯುವ? ಅನ್ನನೆ ಅಲ್ಲ, ಪಾಪವೇ ನಾಡ ಚಾವ್‍ಕ್ ಕಾರಣ ಆಚಿ; ಪಾಪ ನ್ಯಾಯಪ್ರಮಾಣತ್‍ರಗುಂಡ್ ಇಂಞು ದುಂಬ ಪಾಪವಾಯಿತ್ ಪಿಂಞ ನಲ್ಲದ್‍ನಗುಂಡ್ ನಾಕ್ ಚಾವ್ ಕೊಂಡ್ ಬಾತ್. ಆನಗುಂಡ್, ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಚ್ಚಕ್ ಕ್ರೂರವಾನ ಪಾಪಾಂದ್ ನಂಗ ಕಾಂಬಕ್ ಆಚಿ.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

ಯಾಕೋಬ 1:13

ನಿಂಗಕ್ ಸೋದನೆ ಬಪ್ಪಕ, ದೇವ ನನ್ನ ಪಾಪ ಮಾಡ್‌ವಕ್ ಸೋದನೆ ಮಾಡಿಯಂಡುಂಡ್‍ೕಂದ್ ಎಣ್ಣುವಕ್ಕಾಗ. ದೇವ ದುರಾಸೇಲ್ ಸೋದನೆ ಪಡ್‌ವಂವೊನು ಅಲ್ಲ, ನಿಂಗಳ ಅನ್ನನೆ ಮಾಡ್‌ವಂವೊನು ಅಲ್ಲ.

ಯಾಕೋಬ 1:15

ಪಿಂಞ ಇಚ್ಛೆ ಕುಳಿಮೆಯಾಯಿತ್ ಪಾಪ ಪುಟ್ಟ್‌ವ, ಪಾಪ ಪೂರ್ತಿಯಪಕ ಚಾವ್ ಬಪ್ಪ.