ಇಬ್ರಿಯ 9:7 - ಕೊಡವ ಬೈಬಲ್

⁷ ದಂಡನೆ ಕೋಂಬರೆರ ಒಳ್‍ಕ್ ಮಹಾ ಯಾಜಕ ಮಾತ್ರ, ಕಾಲಕ್ ಒಮ್ಮ ಚೋರೆನ ಕೈಯಿಲ್ ಎಡ್‍ತಂಡ್ ಒಳ್‍ಕ್ ಪೋಪ. ಆ ಚೋರೆನ ತಾಂಗಾಯಿತ್ ಪಿಂಞ ಜನ ಮಾಡ್‍ನ ಪಾಪಕಾಯಿತ್ ಅರ್ಪಿಚಿಡುವ.

ಇಬ್ರಿಯ 9:7 ပူးပေါင်းရင်းမြစ်များ

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

ಇಬ್ರಿಯ 10:3

ಅನ್ನನೆ ಬಲಿನ ನಿಪ್ಪ್‌ಚಿಡತಗುಂಡ್, ಪಾಪ ಇಂಞು ಉಂಡ್‍ೕಂದ್ ಓರೋರ್ ಕಾಲಕು ಅದ್ಂಡ ಮೂಲಕ ಗೇನ ಬಂದಂಡುಂಡ್.

ಇಬ್ರಿಯ 6:19

ಆ ನಂಬಿಕೆ ನಂಗಡ ಆತ್ಮಕ್ ಬಲವುಳ್ಳದಾಯಿತು ಸ್ತಿರವಾಯಿತು ಉಂಡ್. ದೇವಡ ಆಲಯತ್‌ರ, ಪಡಿರ ಬಟ್ಟೇರ ಒಳ್‍ಕ್ ಉಳ್ಳ ಅತಿಪವಿತ್ರವಾನ ಜಾಗಕ್ ನಂಗ ಪೋಪನೆಕೆ ಮಾಡಿಯಂಡುಂಡ್.

ಇಬ್ರಿಯ 7:27

ಯೇಸು, ಬೋರೆ ಮಹಾ ಯಾಜಕಂಗಡನೆಕೆ, ದಿನಾಲು ತಾಂಡ ಸ್ವಂತ ಪಾಪಕಾಯಿತ್ ಬಲಿ ಕೊಡ್‍ತ ಪಿಂಞ ಜನತ್‍ರ ಪಾಪಕಾಯಿತ್ ಬಲಿ ಕೊಡ್‍ಕಂಡೂಂದ್ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಜನಡ ಪಾಪಕಾಯಿತ್ ತಾನೆ ಬಲಿಯಾಪಕ, ಒರೇ ಕುರಿ ಅಂವೊನ ಅರ್ಪಿಚಿಟ್ಟತ್.

ಇಬ್ರಿಯ 9:3

ಪಿಂಞ ಪಡಿರ ಬಟ್ಟೆ ಇಂಜತ್. ಅದ್ಂಡ ಬಯ್ಯ ದಂಡನೆ ಕೋಂಬರೆ ಇಂಜತ್. ಅದ್ಂಗ್ ಅತಿಪವಿತ್ರವಾನ ಸ್ತಳಾಂದ್ ಪೆದ.