ಇಬ್ರಿಯ 9:25 - ಕೊಡವ ಬೈಬಲ್

²⁵ ಮಹಾ ಯಾಜಕ ಪವಿತ್ರವಾನ ಜಾಗಕ್ ಒರ್ ಮೃಗತ್‍ರ ಚೋರೆರ ಮೂಲಕ ಕಾಲಕೊಮ್ಮ ಪೋಪನೆಕೆ ಕ್ರಿಸ್ತ, ಪರಲೋಕಕ್ ತಾನ್ ಪುನಃ ಪುನಃ ಬಲಿಯಾಪಕಾಯಿತ್ ಪೋಯಿತ್‌ಲ್ಲೆ.

ಇಬ್ರಿಯ 9:25 ပူးပေါင်းရင်းမြစ်များ

ಇಬ್ರಿಯ 10:10

ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 10:19

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಯೇಸುರ ಚೋರೆರ ಮೂಲಕ ಅತಿಪವಿತ್ರವಾನ ಜಾಗಕ್ ಪೋಪಕುಳ್ಳ ದೈರ್ಯ ನಂಗಕ್ ಇಕ್ಕ ಕ್‍ಟ್ಟ್‌ಚಿ.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಇಬ್ರಿಯ 9:2

ಒರ್ ಗುಡಾರ ಮಾಡಿತ್ಂಜತ್, ಆ ಗುಡಾರತ್‍ಲ್ ದಂಡ್ ಕೋಂಬರೆ ಇಂಜತ್. ಅದ್ಂಡ ಮೊದಲನೆ ಕೋಂಬರೆಲ್ ಕುತ್ತ್ ಬೊಳ್‍ಚ, ಮೇಜಿ ಪಿಂಞ ಪವಿತ್ರವಾನ ಒಟ್ಟಿಯು ಇಂಜತ್; ಈ ಜಾಗಕ್ ಪವಿತ್ರ ಸ್ತಳಾಂದ್ ಪೆದ.

ಇಬ್ರಿಯ 9:26

ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.

ಇಬ್ರಿಯ 9:7

ದಂಡನೆ ಕೋಂಬರೆರ ಒಳ್‍ಕ್ ಮಹಾ ಯಾಜಕ ಮಾತ್ರ, ಕಾಲಕ್ ಒಮ್ಮ ಚೋರೆನ ಕೈಯಿಲ್ ಎಡ್‍ತಂಡ್ ಒಳ್‍ಕ್ ಪೋಪ. ಆ ಚೋರೆನ ತಾಂಗಾಯಿತ್ ಪಿಂಞ ಜನ ಮಾಡ್‍ನ ಪಾಪಕಾಯಿತ್ ಅರ್ಪಿಚಿಡುವ.