ಇಬ್ರಿಯ 9:13 - ಕೊಡವ ಬೈಬಲ್

¹³ ಪಳೆಯ ನೇಮತ್‌ಲ್, ಆಡ್ ಪಿಂಞ ಎತ್ತ್‌ರ ಚೋರೆನ ಪಿಂಞ ಒರ್ ಕಡ್‍ಚಿನ ಬಲಿ ಕೊಡ್‌ತಿತ್, ಅದ್‍ಯಿಂಜ ಕ್‍ಟ್ಟುವ ಬೂದಿನ ಎಡ್‍ತಿತ್ ಅಶುದ್ದ ಆನ ಒಬ್ಬಂಡ ಮೇಲೆ ತಳಿಪಗುಂಡ್, ಅಂವೊ ತಡೀಲ್ ಶುದ್ದ ಆಪಕಿಂಜತ್.

ಇಬ್ರಿಯ 9:13 ပူးပေါင်းရင်းမြစ်များ

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಇಬ್ರಿಯ 10:4

ಎನ್ನಂಗೆಣ್ಣ್‌ಚೇಂಗಿ, ಎತ್ತ್ ಪಿಂಞ ಕೋಬಾಡ್‍ರ ಚೋರೆ, ಒಬ್ಬನ ಪಾಪತ್ಂಜ ವಿಮೋಚನ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 9:19

ಎನ್ನನೆ ಎಣ್ಣ್‌ಚೇಂಗಿ, ಮೋಶೆ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನನೆಕೆ ಎಲ್ಲಾ ಜನಕು, ಎಲ್ಲಾ ಆಜ್ಞೆನ ಎಣ್ಣಿತಾನ ಪಿಂಞ, ಕಡ್‍ಚಿ ಪಿಂಞ ಕೋಬಾಡ್‍ರ ಚೋರೆನ ನೀರ್‌ಲ್ ಬೆರಕಿತ್, ಆಡ್‍ರ ತಲ್‍ಮಿರಗುಂಡ್ ಮಾಡ್‍ನ ಚೋಂದ ನಾರ್ ಬಟ್ಟೆ ಪಿಂಞ ಹಿಸ್ಸೋಪ್ ಗಿಡತ್‌ರ ಕೊಂಬ್‌ಲ್ ಎಡ್‍ತಿತ್, ನ್ಯಾಯಪ್ರಮಾಣ ಪುಸ್ತಕತ್‍ರ ಮೇಲೆ ಪಿಂಞ ಜನತ್‍ರ ಮೇಲೆ ತಳಿಚತ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.