ಇಬ್ರಿಯ 9:10 - ಕೊಡವ ಬೈಬಲ್

¹⁰ ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.

ಇಬ್ರಿಯ 9:10 ပူးပေါင်းရင်းမြစ်များ

ಮಾರ್ಕ 7:4

ಅದ್ ಅಲ್ಲತೆ ಪೇಟೇಯಿಂಜ ಬಂದ ಪಿಂಞ ಕುಳಿಕತೆ ಉಂಬಕಿಂಜಿಲೆ. ಅನ್ನನೆ ಕುಡಿಪ ಕಪ್ಪ್‌ನ, ಕುಡಿಕೆನ, ಚೆಂಬ್ ಪಾತ್ರತ್‍ನ ಚಾಯಿತೆ ಕತ್ತತೆ ಉಪಯೋಗಿಚಿಡುವಕಿಂಜಿಲೆ.

ಗಲಾತ್ಯ 4:9

ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್‍ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್‌ವಕ್ ಕಯ್ಯು, ನಿಂಗ ದಾರ್‍ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು?

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

ಎಫೆಸ 2:15

ನ್ಯಾಯಪ್ರಮಾಣತ್‍ನ ಪಿಂಞ ಅದ್ಂಡ ನೇಮತ್‍ನ ತಾಂಡ ತಡೀರಗುಂಡ್ ನಾಶ ಮಾಡ್‍ಚಿ. ಅನ್ನನೆ ಈ ದಂಡ್ ಜನತ್‍ನ ತಾಂಡ ಮೂಲಕ ಒರೇ ಪುದಿಯ ಮನುಷ್ಯನಾಯಿತ್ ಸೃಷ್ಟಿ ಮಾಡಿತ್, ಸಮಾದಾನ ಮಾಡ್‍ಚಿ.

ಕೊಲೊಸ್ಸೆ 2:16

ಆನಗುಂಡ್, ನಿಂಗ ತಿಂಬಕುಳ್ಳ ವಿಷಯವಾಡ್, ಕುಡಿಪಕುಳ್ಳ ವಿಷಯವಾಡ್, ನಮ್ಮೆ ಮಾಡ್‌ವ ವಿಷಯವಾಡ್, ಕರ್ತಬಾವುರ ವಿಷಯವಾಡ್, ಸಬ್ಬತ್ ದಿವಸತ್‍ರ ವಿಷಯವಾಡ್, ದಾರೂ ನಿಂಗಳ ತೀರ್ಪ್ ಮಾಡತೆ ಇರಡ್.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

ಇಬ್ರಿಯ 2:5

ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ವಿಷಯತ್‍ನ ನಂಗ ತಕ್ಕ್ ಪರ್ಂದಂಡುಂಡಲ್ಲಾ? ಅದ್‍ನ ದೂತಂಗಡ ಅದಿಕಾರತ್‍ರ ಅಡಿಕ್ ದೇವ ಕೊಡ್‍ತಿತ್‌ಲ್ಲೆ.

ಇಬ್ರಿಯ 6:2

ದೀಕ್ಷಾಸ್ನಾನತ್‍ರ ಬೋದನೆ, ಬೋರೆಯಿಂಗಡ ಮಂಡೆಕ್ ಕೈ ಬೆಪ್ಪದ್, ಚತ್ತಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪದ್, ನಿತ್ಯ ನ್ಯಾಯತೀರ್ಪ್, ಇನ್ನತಾನ ಅಡಿಪಪಾಯತ್‍ರ ಬೋದನೆನ ಪುನಃ ನಿಂಗಕ್ ಬೋದನೆ ಮಾಡತೆ, ಪೂರ್ತಿಯಾಯಿತ್ ಬೊಳಿಯುವನೆಕೆ ನಡ್‌ಕನ.

ಇಬ್ರಿಯ 6:5

ದೇವಡ ನಲ್ಲ ವಾಕ್ಯತ್‍ನ ಪಿಂಞ ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ಶಕ್ತಿನ ಅನುಬವಿಚಿಟ್ಟಿತ್ ಸಹ, ಆ ನಿಂಬಿಕೇನ ಬುಟ್ಟಿತ್ ಪೋನಯಿಂಗ,

ಇಬ್ರಿಯ 7:12

ಯಾಜಕ ಸೇವೆ ಬದ್‍ಲಾಯಿ ಪೋಪದಾಚೇಂಗಿ, ನ್ಯಾಯಪ್ರಮಾಣವು ಬದ್‍ಲಾಯಿ ಪೋಕಂಡು.

ಇಬ್ರಿಯ 7:16

ಯೇಸು ತಡೀರ ಮೂಲಕ ನ್ಯಾಯಪ್ರಮಾಣತ್‍ರಗುಂಡ್ ಯಾಜಕನಾಯಿತ್ ಆಯಿತ್‌ಲ್ಲೆ, ಆಚೇಂಗಿ, ನಾಶ ಆಕತ ಜೀವತ್‍ರ ಶಕ್ತಿರ ಪ್ರಕಾರ ಯಾಜಕನಾಚಿ.

ಇಬ್ರಿಯ 9:1

ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್, ಆರಾದನೆ ಎನ್ನನೆ ಮಾಡಂಡೂಂದ್ ಉಳ್ಳ ಪದ್ದತಿ ಪಿಂಞ ಆರಾದನೆಕಾಯಿತ್ ಈ ಲೋಕತ್‍ಲ್ ಪವಿತ್ರವಾನ ಜಾಗ ಇಂಜತ್.