ಇಬ್ರಿಯ 8:9 - ಕೊಡವ ಬೈಬಲ್

⁹ ಅಯಿಂಗಡ ಮುತ್ತಜ್ಜಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಪ್ಪಕಾಯಿತ್, ನಾನ್ ಅಯಿಂಗಡ ಕೈಯಿನ ಪುಡ್‌ಚಿತ್, ಅಯಿಂಗಡ ಪಕ್ಕ ಮಾಡ್‍ನ ಒಪ್ಪಂದತ್‍ರನೆಕೆ ಇದ್ ಇಪ್ಪುಲೆ; ಅಯಿಂಗಡ ಕೂಡೆ ಮಾಡ್‍ನ ಒಪ್ಪಂದತ್‍ಲ್, ಅಯಿಂಗಕ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಕಯಿಂಜಿತ್‌ಲ್ಲೆ ಅಲ್ಲ! ನಾನ್ ಸಹ ಅಯಿಂಗಳ ತ್‍ಕ್ಕಾರ ಮಾಡಿಯೇಂದ್ ಒಡೆಯ ಎಣ್ಣಿಯಂಡುಂಡ್.

ಇಬ್ರಿಯ 8:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:16

ಅಂವೊ ತಡಮಾಡ್‌ವಕ ಯೆಹೋವ ಅಯಿಂಗಡ ಮೇಲೆ ಕರುಣೆ ಕಾಟ್‌ನಂಗ್‌ ಆ ದೇವದೂತಂಗ ಅಂವೊಂಡ ಕೈಯಿನ, ಅಂವೊಂಡ ಪೊಣ್ಣ್‌ರ ಕೈಯಿನ, ಅಂವೊಂಡ ದಂಡ್‌ ಮೂಡಿ ಮಕ್ಕಡ ಕೈಯಿನ ಪುಡಿಚಿತ್, ಅಯಿಂಗಳ ಪಟ್ಟಣತ್‌ರ ಪೊರಮೆ ಕಾಕಿಯಂಡ್‌ ಪೋಯಿತ್‌ ಬುಟ್ಟ್‌ರ್‌ತ್.

ಮಲಾಕಿ 2:13

ಇಂಞೊರ್‌ ಕಾರ್ಯತ್‌ನ ಸಹ ನಿಂಗ ಮಾಡ್‌ವಿರ. ಒಡೆಯನಾನ ಯೆಹೋವಂಡ ಬಲಿಪೀಠತ್‌ನ ಕಣ್ಣೀರಿಂಜ, ಗೋಳಾಡ್‌ವದಿಂಜ, ನಿಟ್ಟುಸಿರ್ಯಿಂಜ ದುಂಬ್‌ವಿರ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ಇಂಞು ಮಿಂಞಕ್‌ ನಿಂಗಡ ಕಾಣಿಕ್ಕ್‌ ಮರ್ಯಾದಿಯು ತಪ್ಪುಲೆ, ಅದ್‌ನ ನಿಂಗಡ ಕೈಯಿಂಜ ಕುಶೀಲ್‌ ಸ್ವೀಕಾರವು ಮಾಡುಲೆ.

ಮಾರ್ಕ 8:23

ಯೇಸು ಆ ಮನುಷ್ಯಂಡ ಕೈ ಪುಡ್‍ಚಿ ಕಾಕಿಯಂಡ್ ಊರ್‌ರ ಆಬರಿಕ್ ಪೋಯಿತ್, ಆ ಮನುಷ್ಯಂಡ ಕಣ್ಣ್‌ಕ್ ತುಪ್ಪಿತ್, ಅಂವೊಂಡ ಮೇಲೆ ಕೈ ಬೆಚ್ಚಿತ್, ನೀಕ್ ಎಂತೇಂಗಿಯು ಕಾಂಬಕ್ ಕಯ್ಯುವಾಂದ್ ಕ್‍ೕಟತ್.

ಅಪೊಸ್ತಲ 13:11

ನೋಟ್ ಇಕ್ಕ, ಒಡೆಯಂಡ ಕೈ ನೀಕ್ ವಿರೋದವಾಯಿತ್ ಉಂಡ್. ಆನಗುಂಡ್ ಇಕ್ಕಲೆ ನೀನ್ ಕುರ್‌ಡನಾಯಿತ್ ಚೆನ್ನ ಕಾಲ ಸೂರ್ಯನ ಕಾಂಗತೆ ಇಪ್ಪಿಯಾಂದ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅಂವೊಂಡ ಕಣ್ಣ್‌ರ ಮೇಲೆ ಮಂಜ್ ಬಂತ್, ಕಣ್ಣ್ ಕಾಂಗತೆ ಆಚಿ. ಅಕ್ಕ, ಕೈ ಪುಡ್‌ಚಿತ್ ಸಹಾಯ ಮಾಡ್‌ವಯಿಂಗಳ ತ್‍ೕಡ್‌ಚಿ.

ಅಪೊಸ್ತಲ 7:36

ಇಂವೊನೇ ಅಯಿಂಗಳ ಐಗುಪ್ತ ದೇಶತ್ಂಜ ಪೊರಮೆ ಕಾಕಿಯಂಡ್ ಬಂದಂವೊ. ಇಂವೊ, ಐಗುಪ್ತ ದೇಶತ್‍ಲ್, ಚೋಂದ ಸಮುದ್ರತ್‍ರ ಪಕ್ಕ ಪಿಂಞ ನಾಪದ್ ಕಾಲವಾಯಿತ್ ಮಣಬೂಮಿಲ್ ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅಯಿಂಗಳ ನಡ್‍ತಿಯಂಡ್ ಬಾತ್.

ಅಪೊಸ್ತಲ 9:8

ಸೌಲ ನೆಲತ್ಂಜ ಎದ್ದಿತ್ ಕಣ್ಣ್ ತೊರ್‌ಪಕ ಅಂವೊಂಗ್ ಒಂದು ಕಾಂಬಕಯಿಂಜಿತ್‌ಲ್ಲೆ. ಅಕ್ಕ ಅಯಿಂಗ ಅಂವೊಂಡ ಕೈ ಪುಡ್‍ಚಂಡ್ ದಮಸ್ಕ ಎಣ್ಣುವ ಪಟ್ಟಣತ್‍ರ ಒಳ್‍ಕ್ ಕಾಕಿಯಂಡ್ ಪೋಚಿ.

ಗಲಾತ್ಯ 4:24

ಇದ್ ನಿಂಗಕ್ ಅರ್ಥ ಆಪಕುಳ್ಳ ದಂಡ್ ಉದಾರಣೆಯಾಯಿತುಂಡ್. ಈ ದಂಡ್ ಪೊಣ್ಣಾಳುವ ದೇವಡ ದಂಡ್ ಒಪ್ಪಂದತ್‍ರ ಗುರ್‌ತ್. ಆದ್ಯವಳಾನ ಹಾಗರ್ ಎಣ್ಣುವವ ಸೀನಾಯಿ ಪರ್ವತತ್‍ಲ್ ಆನ ಒಪ್ಪಂದ. ಇದ್ಂಜ ಕ್‍ಟ್ಟ್‌ನ ನ್ಯಾಯಪ್ರಮಾಣ ಜನತ್‍ನ, ಅದ್ಂಗ್ ಅಡಿಯಾಳಾಯಿತ್ ಮಾಡ್‍ಚಿ.