ಇಬ್ರಿಯ 8:7 - ಕೊಡವ ಬೈಬಲ್

⁷ ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್ ತಪ್ಪ್ ಇಲ್ಲತೆ ಇಂಜಿತ್ಂಜತೇಂಗಿ, ದಂಡನೆ ಕುರಿ ಒಪ್ಪಂದ ಮಾಡ್‌ವಕ್ ಅವಸ್ಯ ಇಲ್ಲತೆ ಆಯಿತ್‌ಪ್ಪ.

ಇಬ್ರಿಯ 8:7 ပူးပေါင်းရင်းမြစ်များ

ಗಲಾತ್ಯ 3:21

ಅನ್ನನಾಚೇಂಗಿ, ನ್ಯಾಯಪ್ರಮಾಣ ದೇವ ಮಾಡ್‍ನ ವಾಗ್ದಾನಕ್ ವಿರೋದವಾ? ಅನ್ನನೆ ಇಲ್ಲವೇ ಇಲ್ಲೆ. ನ್ಯಾಯಪ್ರಮಾಣ ಎಣ್ಣ್‌ವನೆಕೆ ನಡ್‍ಪ ಮನುಷ್ಯಂಗಕ್ ಜೀವ ಕ್‍ಟ್ಟ್‌ಚೇಂಗಿ, ಎಲ್ಲಾರು ದೇವಡ ಪಕ್ಕ ನೀತಿವಂತಯಂಗಳಾಯಿತ್ ಬದ್‍ಕ್‍ವಯಿಂಜತ್.

ಇಬ್ರಿಯ 7:11

ಆನಗುಂಡ್, ಲೇವಿಯರ ಯಾಜಕತ್‍ರ ಸೇವೇರ ಪ್ರಕಾರ ನ್ಯಾಯಪ್ರಮಾಣತ್‍ನ ಜನ ಪಡ್ಂದತ್. ಆ ಲೇವಿಯರ ಯಾಜಕತ್‍ರ ಸೇವೇರಗುಂಡ್ ಜನ, ಪೂರ್ತಿ ಪವಿತ್ರ ಆಪಕಿಂಜತೇಂಗಿ, ದೇವ ಎನ್ನಂಗ್ ಆರೋನಂಡ ಪದ್ದತಿರ ಪ್ರಕಾರ ಅಲ್ಲತೆ, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಬೋರೆ ಒರ್ ಯಾಜಕಂಡ ಸೇವೇನ ಎಪ್ಪ್‌ಚಿಡಂಡು?

ಇಬ್ರಿಯ 7:18

ಮಿಂಞತ್‍ರ ಆಜ್ಞೆ ಬಲಹೀನದಾಯಿತು ಪ್ರಯೋಜನ ಇಲ್ಲತದಾಯಿತು ಇಂಜಗುಂಡ್ ಅದ್‍ನ ಬದ್‍ಲ್ ಮಾಡ್‍ಚಿ.

ಇಬ್ರಿಯ 8:6

ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.