ಇಬ್ರಿಯ 8:6 - ಕೊಡವ ಬೈಬಲ್

⁶ ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.

ಇಬ್ರಿಯ 8:6 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

ರೋಮ್ 9:4

ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

1 ತಿಮೊಥೆಯ 2:5

ದೇವ ಒಬ್ಬನೇ, ದೇವ ಪಿಂಞ ಮನುಷ್ಯಂಗಕ್ ಮದ್ಯಸ್ತನು ಒಬ್ಬನೇ. ಅಂವೊನೇ ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

ಇಬ್ರಿಯ 7:22

ಇನ್ನನೆ ಆಣೆ ಇಟ್ಟಗುಂಡ್, ಯೇಸು ವಿಶೇಷವಾಯಿತ್ ಎಲ್ಲಾಕಿಂಜ ಬಲ್ಯ ಒಪ್ಪಂದಕ್ ಜವಾಬ್ದಾರನಾಚಿ.

2 ಪೇತ್ರ 1:4

ಇದ್‍ನಗುಂಡ್, ಅಂವೊ ನಂಗಕ್ ದುಂಬ ಬಲ್ಯ ಬೆಲೆಯುಳ್ಳ ವಾಗ್ದಾನವೆಲ್ಲ ತಂದಿಯತ್. ಅನ್ನನೆ, ಇದ್ಂಡ ಮೂಲಕ ದೇವಡ ಗುಣತ್‍ಲ್ ನಂಗ ಪಾಲ್‍ದಾರಂಗಳಾಯಿತ್ ಈ ಲೋಕತ್‍ಲ್ ಉಳ್ಳ ಇಚ್ಛೆರ ಮೂಲಕ ಬಪ್ಪ ಕ್‍ೕಡ್‍ಕ್ ತಪ್ಪ್‌ಚಿಡ್‌ವನೆಕೆ ಮಾಡ್‍ಚಿ.