ಇಬ್ರಿಯ 8:5 - ಕೊಡವ ಬೈಬಲ್

⁵ ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.

ಇಬ್ರಿಯ 8:5 ပူးပေါင်းရင်းမြစ်များ

ಮತ್ತಾಯ 2:12

ಪಿಂಞ ದೇವ ಅಯಿಂಗಕ್ ಸ್ವಪ್ನತ್‌ಲ್: ನಿಂಗ ಹೆರೋದ ರಾಜಂಡ ಪಕ್ಕ ಪೋಂಡಾಂದ್ ಎಚ್ಚರ ಮಾಡ್‍ನಗುಂಡ್ ಅಯಿಂಗ ಅಲ್ಲಿಂಜ ಬೋರೆ ಬಟ್ಟೇಕಾಲೆ ಅಯಿಂಗಡ ಊರ್‌ಕ್ ಪೋಚಿ.

ಅಪೊಸ್ತಲ 7:44

ಇಂಞು, ನೀಕ್ ನಾನ್ ಕಾಂಬ್‌ಚಿಟ್ಟನೆಕೆ, ನಾಡ ಗುಡಾರತ್‍ನ ಮಾಡ್‍ೕಂದ್ ಮೋಶೇಕ್ ಎಣ್ಣ್‌ವ ದೇವಡ ಪ್ರಸನ್ನತ್‍ರ ಗುಡಾರತ್‍ನ, ನಂಗಡ ಮುತ್ತಜ್ಜಂಗ ಅಯಿಂಗಡ ಕೂಡೆ ಮಣಬೂಮಿಲ್ ಪೊರ್‍ತಂಡ್ ಪೋಚಿ.

ಕೊಲೊಸ್ಸೆ 2:17

ಇದೆಲ್ಲಾ, ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯಕ್ ನೆಳರ್‌ನೆಕೆ ಉಂಡ್. ಸತ್ಯ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತನೇ.

ಇಬ್ರಿಯ 10:1

ನ್ಯಾಯಪ್ರಮಾಣಾಂದ್ ಎಣ್ಣುವದ್, ಇಂಞು ಮಿಂಞಕ್ ಬಪ್ಪಕುಳ್ಳ ನಲ್ಲ ವಿಷಯಕ್ ಒರ್ ನೆಳವಾಯಿತ್ ಮಾತ್ರ ಇಂಜತ್, ಅದಾಯಿತೇ ನೇರಾನದ್ ಅಲ್ಲ. ಈ ಕಾರಣಕಾಯಿತ್, ಕಾಲಕಾಲಕ್ ಎಡೆಬುಡತೆ ಮಾಡ್‌ವ ಒರೇ ತರ ಬಲೀರಗುಂಡ್, ಆರಾದನೆ ಮಾಡ್‌ವಕ್ ಬಪ್ಪಯಿಂಗಳ ಏದ್ ಕಾಲಕು ದೇವಡ ಮಿಂಞತ್ ತ್‍ೕರ ಪೂರ್ತಿ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 13:10

ದೇವಡ ಗುಡಾರತ್‍ಲ್ ಸೇವೆ ಮಾಡ್‌ವಯಿಂಗಕ್ ಅದ್‍ಂಜ ತಿಂಬಕ್ ಅದಿಕಾರ ಇಲ್ಲತ ಒರ್ ಬಲಿಪೀಠ ನಂಗಕ್ ಉಂಡ್.

ಇಬ್ರಿಯ 9:9

ಆ ಗುಡಾರ ಇಕ್ಕತ್‍ರ ಕಾಲಕ್ ಒರ್ ಗುರ್‌ತಾಯಿತ್ ಉಂಡ್; ಅದ್ಂಗ್ ತಕ್ಕಂತೆ, ಅರ್ಪಿಚಿಡ್‌ವ ಕಾಣಿಕೆಯು, ಬಲಿಯು ಆರಾದನೆ ಮಾಡ್‌ವಂವೊಂಡ ಮನಸಾಕ್ಷಿನ ಶುದ್ದ ಮಾಡ್‌ವಕ್ ಕಯ್ಯುಲೆ.

ಪ್ರಕಟನೆ 15:5

ಇದಾನ ಪಿಂಞ ನಾನ್ ನೋಟ್‍ವಕ: ಪರಲೋಕತ್‍ಲ್ ಉಳ್ಳ ದೇವಡ ಸಾಕ್ಷಿರ ಗುಡಾರವಾನ ಆಲಯ ತೊರ್ಂದತ್.