ಇಬ್ರಿಯ 8:2 - ಕೊಡವ ಬೈಬಲ್

² ಅಲ್ಲಿ ಅಂವೊ, ಪರಲೋಕತ್‍ರ ಗುಡಾರತ್‍ಲ್ ಸೇವೆ ಮಾಡಿಯಂಡುಂಡ್. ಈ ಗುಡಾರ ಮನುಷ್ಯಂಗಡಗುಂಡ್ ಮಾಡ್‍ನ ಗುಡಾರ ಅಲ್ಲ, ಒಡೆಯನಗುಂಡ್ ಮಾಡ್‍ನ ನೇರಾನ ಗುಡಾರವಾಯಿತುಂಡ್.

ಇಬ್ರಿಯ 8:2 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ರೋಮ್ 15:8

ದೇವ ನೇರಾನಂವೋಂದ್ ನಿರೂಬಿಚಿಡ್‍ವಕಾಯಿತ್, ದೇವ ನಂಗಡ ಮುತ್ತಜ್ಜಂಗಕ್ ಮಾಡ್‍ನ ವಾಗ್ದಾನತ್‍ನ ನೆರೆವೇರಿಚಿಡುವನೆಕೆ, ಯೇಸು ಕ್ರಿಸ್ತ ಯೆಹೂದ್ಯಂಗಕ್ ಸೇವಕನಾಯಿತ್ ಬಾತ್‍ೕಂದ್ ನಾನ್ ಎಣ್ಣ್‌ವಿ.

2 ಕೊರಿಂಥ 5:1

ಇಕ್ಕ, ಈ ಲೋಕತ್‍ರ ಗುಡಾರವಾಯಿತುಳ್ಳ ಮಣ್ಣ್‌ರ ಮನೇರನೆಕೆ ಉಳ್ಳ ನಂಗಡ ತಡಿ ಪಾಳಾಯಿ ಪೋಚೇಂಗಿಯು, ಕೈಯಿಲ್ ಮಾಡತ, ದೇವ ಕೆಟ್ಟ್‌ನ ನಿತ್ಯ ಮನೆಲ್ ನಂಗಕಾಯಿತ್ ಮಾಡ್‍ನ ನಿತ್ಯ ತಡಿ ಪರಲೋಕತ್‍ಲ್ ಬೆಚ್ಚಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

ಕೊಲೊಸ್ಸೆ 2:11

ಅದಲ್ಲತೆ, ನಿಂಗ ಕ್ರಿಸ್ತಂಡಲ್ಲಿ ಉಳ್ಳಗುಂಡ್, ಯೆಹೂದ್ಯಂಗ, ತಡೀಲ್ ಮಾಡ್‌ವ ಸುನ್ನತಿರನೆಕೆ ಅಲ್ಲ, ಆಚೇಂಗಿ ತಡೀಲ್ ಪಾಪ ವಾಸ ಮಾಡ್‌ವ ನಂಗಡ ಪಾಪತ್‍ರ ಗುಣತ್‍ನ ಕೆತ್ತಿತ್ ಕಳೆಯುವನೆಕೆ ಕ್ರಿಸ್ತಂಡಿಲ್ಲಿ ಆತ್ಮೀಯ ಸುನ್ನತಿ ಪಡ್ಂದಿತುಳ್ಳಿರ.

ಇಬ್ರಿಯ 10:11

ಏದ್ ಯಾಜಕನು, ದಿನಾಲು ಸೇವೆ ಮಾಡ್‍ವಂವೊನಾಯಿತು, ಪಾಪಕ್ ಏದ್ ಕಾಲತ್‍ಲು ವಿಮೋಚನ ತಪ್ಪಕ್ ಕಯ್ಯತ ಒರೇ ತರ ಬಲಿನ ಪುನಃ ಪುನಃ ಅರ್ಪಿಚಿಡುವಂವೊನಾಯಿತು ಇಂಜತ್.

ಇಬ್ರಿಯ 10:21

ಪಿಂಞ ದೇವಡ ಮನೆರ ಮೇಲೆ ಅದಿಕಾರಿಯಾಯಿತುಳ್ಳ ಮಹಾ ಯಾಜಕನಾನ ಒಬ್ಬ ನಂಗಕಾಯಿತ್ ಉಂಡ್.

ಇಬ್ರಿಯ 11:10

ಎನ್ನಂಗೆಣ್ಣ್‌ಚೇಂಗಿ, ದೇವ ತಯಾರ್ ಮಾಡಿತ್ ರೂಪ್‍ಚಿಡುವ, ಅಡಿಪಾಯ ಉಳ್ಳ ಪಟ್ಟಣಕಾಯಿತ್ ಪಾರಕಾತಂಡಿಂಜತ್.

ಇಬ್ರಿಯ 9:1

ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್, ಆರಾದನೆ ಎನ್ನನೆ ಮಾಡಂಡೂಂದ್ ಉಳ್ಳ ಪದ್ದತಿ ಪಿಂಞ ಆರಾದನೆಕಾಯಿತ್ ಈ ಲೋಕತ್‍ಲ್ ಪವಿತ್ರವಾನ ಜಾಗ ಇಂಜತ್.

ಪ್ರಕಟನೆ 21:3

ಸಿಂಹಾಸನತ್ಂಜ ಒರ್ ಬಲ್ಯ ಸದ್ದ್ ನಾಕ್ ಕ್‍ೕಟತ್: ನೋಟಿ, ಮನುಷ್ಯಂಡ ಮದ್ಯತ್‍ಲ್ ದೇವ ವಾಸ ಮಾಡ್‌ವ ಜಾಗ ಉಂಡ್, ಅಯಿಂಗಡಲ್ಲಿ ಅಂವೊ ವಾಸ ಮಾಡಿಯಂಡಿಪ್ಪ; ಅಯಿಂಗ ಅಂವೊಂಡ ಜನವಾಯಿತ್‌ಪ್ಪ, ದೇವ ತಾನೆ ಅಯಿಂಗಡ ಕೂಡೆ ಇಂಜಿತ್ ಅಯಿಂಗಡ ದೇವನಾಯಿತ್‌ಪ್ಪ.