ಇಬ್ರಿಯ 8:13 - ಕೊಡವ ಬೈಬಲ್

¹³ ಪುದಿಯ ಒಪ್ಪಂದಾಂದ್ ಒಡೆಯ ಎಣ್ಣ್‌ವಗುಂಡ್ ಮೊದಲನೆ ಒಪ್ಪಂದತ್‍ನ ಅಂವೊ ಪಳೆಯದಾಯಿತ್ ಮಾಡಿರ್‌ತ್; ಪಳೆಯದಾನಗುಂಡ್ ಅದ್ ದುಂಬ ಕುಂದಿ ಪೋಯಿತ್, ಕಾಂಗತೆ ಆಯಿ ಪೋಪಕ್ ಸಮಯ ಪಕ್ಕ ಬಾತ್.

ಇಬ್ರಿಯ 8:13 ပူးပေါင်းရင်းမြစ်များ

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

1 ಕೊರಿಂಥ 13:8

ಪ್ರೀತಿ, ಎಕ್ಕಾಲು ಬುದ್ದ್ ಪೋಪುಲೆ. ಪ್ರವಾದನೆ ಎಣ್ಣ್‌ವದ್ ಇಲ್ಲತಾಪ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿವದ್ ಇಲ್ಲತಾಯಿ ಪೋಪ, ಬುದ್ದಿಯು ಇಲ್ಲತಾಯಿ ಪೋಪ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

ಇಬ್ರಿಯ 1:11

ಅದೆಲ್ಲಾ ನಾಶ ಆಯಿಪೋಪ; ಆಚೇಂಗಿ ನೀನ್ ನೆಲಗೊಂಡಿಪ್ಪಿಯ. ಅದೆಲ್ಲಾ ಒರ್ ಬಟ್ಟೇರನೆಕೆ ಪಳೆಯದಾಪ;

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

ಇಬ್ರಿಯ 7:22

ಇನ್ನನೆ ಆಣೆ ಇಟ್ಟಗುಂಡ್, ಯೇಸು ವಿಶೇಷವಾಯಿತ್ ಎಲ್ಲಾಕಿಂಜ ಬಲ್ಯ ಒಪ್ಪಂದಕ್ ಜವಾಬ್ದಾರನಾಚಿ.

ಇಬ್ರಿಯ 8:6

ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.

ಇಬ್ರಿಯ 8:8

ಆಚೇಂಗಿ ಒಡೆಯ ಜನಡಮೇಲೆ ಕುತ್ತ ಕಂಡ್‍ಪುಡ್‌ಚಿತ್, ನೋಟಿ, ಇಸ್ರಾಯೇಲ್ ಪಿಂಞ ಯೆಹೂದ್ಯ ಜನತ್‍ರಕೂಡೆ, ನಾನ್ ಒರ್ ಪುದಿಯ ಒಪ್ಪಂದ ಮಾಡ್‌ವ ಕಾಲ ಬಂದಂಡುಂಡ್.

ಇಬ್ರಿಯ 9:15

ಈ ಕಾರಣಕಾಯಿತ್, ಪಳೆಯ ಒಪ್ಪಂದತ್‍ರ ಕಾಲತ್‍ಲ್ ಆಯಂಡಿಂಜ ಅಕ್ರಮಕ್ ವಿಮೋಚನವಾಯಿತ್ ಅಂವೊ ಚತ್ತಿತ್, ವಾಗ್ದಾನ ಮಾಡ್‍ನ ನಿತ್ಯ ಬಾದ್ಯತೇನ ಅಂವೊ ಕಾಕ್‌ನಯಿಂಗ ಪಡೆಯಂಡೂಂದ್, ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತ್ ಅಂವೊ ಆಚಿ.