ಇಬ್ರಿಯ 8:10 - ಕೊಡವ ಬೈಬಲ್

¹⁰ ಆ ಕಾಲ ಆನ ಪಿಂಞ ನಾನ್ ಇಸ್ರಾಯೇಲ್ ಜನತ್‍ರಕೂಡೆ ಮಾಡ್‌ವ ಒಪ್ಪಂದ ಇನ್ನನೆ ಇಪ್ಪ. ನಾಡ ನ್ಯಾಯಪ್ರಮಾಣತ್‍ನ ಅಯಿಂಗಡ ಮನಸ್ಸ್‌ಲ್ ಬೆಚ್ಚಿತ್, ಅಯಿಂಗಡ ಹೃದಯತ್‍ಲ್ ಅದ್‍ನ ಒಳ್‍ದ್‍ವಿ; ನಾನ್ ಅಯಿಂಗಡ ದೇವನಾಯಿತ್ ಇಪ್ಪಿ, ಅಯಿಂಗ ನಾಡ ಜನಳಾಯಿತ್ ಇಪ್ಪ.

ಇಬ್ರಿಯ 8:10 ပူးပေါင်းရင်းမြစ်များ

ಮತ್ತಾಯ 22:32

ಅನ್ನನಾಚೇಂಗಿ ಅಂವೊ ಚತ್ತ್ ಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವನಾಯಿತುಂಡ್‍ೕಂದ್ ಎಣ್ಣ್‌ಚಿ.

ರೋಮ್ 11:27

ನಾನ್ ಅಯಿಂಗಡ ಪಾಪತ್‍ನ ದೂರ ಮಾಡ್‌ವಾಂದ್ ಉಳ್ಳದೇ, ನಾನ್ ಅಯಿಂಗಡ ಕೂಡೆ ಮಾಡ್‌ವ ಒಪ್ಪಂದಾಂದ್ ಒಳ್‍ದಿತುಂಡ್.

1 ಕೊರಿಂಥ 6:16

ವ್ಯಬಿಚಾರಿಯಡ ಕೂಡೆ ಕೂಡ್‍ವಂವೊ, ಅವಡ ಕೂಡೆ ಒರೇ ತಡಿಯಾಯಿತ್ ಇಪ್ಪಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ದಂಡಾಳು ಒರೇ ತಡಿಯಾಯಿತ್‌ಪ್ಪಾಂದ್ ದೇವಡ ವಾಕ್ಯತ್‍ಲ್ ಎಣ್ಣಿತುಂಡಲ್ಲ?

2 ಕೊರಿಂಥ 3:3

ಎನ್ನಂಗೆಣ್ಣ್‌ಚೇಂಗಿ ನಿಂಗ, ನಂಗ ಮಾಡ್‍ನ ಸೇವೇರ ಫಲವಾಯಿತ್ ಕ್‍ಟ್ಟ್‌ನ ಕ್ರಿಸ್ತಂಡ ಕಾಗದವಾಯಿತುಳ್ಳಿರಾಂದ್ ಎಲ್ಲಾರು ಕಾಂಬನೆಕೆ ಆಚಿ; ಅದ್ ಮಸಿಯಿಂಜ ಅಲ್ಲ ಆಚೇಂಗಿ ಜೀವವಾಯಿತ್ತುಳ್ಳ ದೇವಡ ಆತ್ಮತ್‍ರಗುಂಡ್ ಪಿಂಞ ಕಲ್ಲ್‌ರ ಅಟ್ಟತ್‍ಲ್ ಅಲ್ಲ, ಆಚೇಂಗಿ, ಮನುಷ್ಯಂಡ ಹೃದಯವಾನ ಅಟ್ಟತ್‍ಲ್ ಒಳ್‍ದಿ ಬೆಚ್ಚಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.