ಇಬ್ರಿಯ 7:5 - ಕೊಡವ ಬೈಬಲ್

⁵ ಲೇವಿರ ಮಕ್ಕಡಲ್ಲಿ ಯಾಜಕನಾಪಯಿಂಗಳು, ಅಬ್ರಹಾಮಯಿಂಜ ಬಂದ ಸಂತಾನಕಾರಂಗಳಾನ ತಾಂಡ ಅಣ್ಣತಮ್ಮಣಂಗಡಲ್ಲಿಯು ನ್ಯಾಯಪ್ರಮಾಣತ್‍ರ ಪ್ರಕಾರ ಪತ್ತ್‌ಲ್ ಒರ್ ಬಾಗತ್‍ನ ಪಡೆಯುವಕ್ ಅಪ್ಪಣೆ ಕ್‍ಟ್ಟ್‌ಚಿ.

ಇಬ್ರಿಯ 7:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 46:26

ಯಾಕೋಬಂಡ ಮೈಮಕ್ಕಳ ಬುಟ್ಟಿತ್, ಯಾಕೋಬಂಡ ಮೂಲಕ ಪುಟ್ಟ್‌ನ ಅಂವೊಂಡ ಮಕ್ಕ, ಕರ್ಮಕ್ಕಳ ಒಟ್ಟ್‌ ಕೂಟಿತ್‌ ಯಾಕೋಬಂಡ ಕೂಡೆ ಐಗುಪ್ತ ದೇಶಕ್‌ ಪೋನಯಿಂಗ ಅರ್ವತ್ತಾರ್‌ ಜನಯಿಂಜತ್.

ಇಬ್ರಿಯ 5:4

ಇದ್‍ಲ್ಲತೆ, ಆರೋನ ಎಣ್ಣ್‌ವಂವೊನ ದೇವ ಕಾಕ್‍ನನೆಕೆ, ಕಾಕಿತಿಲ್ಲೇಂಗಿ, ಏದ್ ಒರ್ ಮನುಷ್ಯನು ತಾನಾಯಿತೇ ಈ ಬಲ್ಯ ಸೇವೇನೆ ಎಡ್‌ತವಕ್ ಕಯ್ಯುಲೆ.

ಇಬ್ರಿಯ 7:10

ಎನ್ನನೆ ಎಣ್ಣ್‌ಚೇಂಗಿ, ಮೆಲ್ಕಿಜೆದೇಕ ಅಬ್ರಹಾಮಂಗ್ ವಂದನೆ ಮಾಡಿತ್ ಅಂವೊಂಡ ಕೈಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ಪಕ, ಲೇವಿ, ಅಬ್ರಹಾಮಂಡ ಸಂತಾನವಾಯಿತ್ ಅಂವೊಂಡ ಒಳ್‍ಲ್ ಇಂಜತಲ್ಲಾ?