ಇಬ್ರಿಯ 7:4 - ಕೊಡವ ಬೈಬಲ್

⁴ ಇಂವೊ ಎಚ್ಚಕ್ ಬಲ್ಯಂವೋಂದ್ ನೋಟಿ; ನಂಗಡ ಗೋತ್ರತ್‍ರ ಮುತ್ತಜ್ಜನಾನ ಅಬ್ರಹಾಮ ಸಹ ಅಂವೊ ಯುದ್ದ ಮಾಡಿತ್ ಗೆಲ್ಲ್‌ವಕ ಎಡ್‌ತ ಬಂದ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಮೆಲ್ಕಿಜೆದೇಕಂಗ್ ಕೊಡ್‍ತತ್.

ಇಬ್ರಿಯ 7:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 14:20

ನೀಡ ಶತ್‌ರುವಳ ನೀಡ ಕೈಕ್‌ ಒಪ್ಪ್‌ಚಿಟ್ಟ ಉನ್ನತವಾನ ದೇವಂಗ್‌ ಸ್ತೋತ್‌ರಾಂದ್‌ ಎಣ್ಣ್‌ಚಿ. ಅಲ್ಲಿಂಜ ಅಬ್ರಾಮ ತಾನ್‌ ಗೆದ್ದಿತ್‌ ಕೊಂಡಬಂದ ಎಲ್ಲಾ ಸಾಮಾನತ್‌ಲ್‌ ಪತ್ತ್‌ಲ್‌ ಒರ್‌ ಬಾಗತ್‌ನ ಅಂವೊಂಗ್‌ ಕೊಡ್‌ತತ್.

ಅಪೊಸ್ತಲ 2:29

ಅಣ್ಣತಮ್ಮಣಂಗಳೇ, ಇದ್‍ನ ಗೇನ ಮಾಡಿಯೊಳಿ, ನಂಗಡ ಗೋತ್ರತ್‍ರ ಅಜ್ಜನಾನ ದಾವೀದ ಇದ್‍ನ ಎಣ್ಣ್‌ವಕ ಅಂವೊಂಡ ವಿಷಯತ್‍ನ ಎಣ್ಣಿತಿಲ್ಲೇ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಚತ್ತ್ ಪೋಚಿ, ಅಂವೊನ ಪೂತತ್, ಅಂವೊಂಡ ಗೋರಿ ಇಕ್ಕಲು ನಂಗಡ ಮದ್ಯತ್‍ಲ್ ಉಂಡ್‍ೕಂದ್ ನಾನ್ ದೈರ್ಯತ್‍ಲ್ ಎಣ್ಣುವಕಯ್ಯು.

ಯಾಕೋಬ 2:23

ಅನ್ನನೆ ಅಬ್ರಹಾಮ ದೇವನ ನಂಬ್‍ಚಿ. ಅದ್ಂಗ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚೀಂದ್ ಎಣ್ಣ್‌ವ ದೇವಡ ವಾಕ್ಯ ಪೂರ್ತಿಯಾಚಿ. ಇದ್‍ನಗುಂಡ್ ದೇವ ಅಂವೊನ ದೇವಡ ಸ್ನೇಹಿತಾಂದ್ ಕಾಕ್‍ಚಿ.