ಇಬ್ರಿಯ 7:3 - ಕೊಡವ ಬೈಬಲ್

³ ಈ ಮೆಲ್ಕಿಜೆದೇಕಂಗ್ ಅಪ್ಪನು ಅವ್ವಳು, ವಂಶಾವಳಿಯು ಇಲ್ಲೆ, ಇಂವೊ ಜೀವತ್‍ರ ತೊಡಕ ಪಿಂಞ ಚಾವ್ ಇಲ್ಲತಂವೊನಾಯಿತ್ ಇಂಜತ್. ದೇವಡ ಮೋಂವೊಂಡನೆಕೆ ಎಕ್ಕಾಲು ಯಾಜಕನಾಯಿತ್ ನಿಂದಂಡುಂಡ್.

ಇಬ್ರಿಯ 7:3 ပူးပေါင်းရင်းမြစ်များ

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 7:1

ಈ ಮೆಲ್ಕಿಜೆದೇಕ ಸಾಲೇಮ್ ಎಣ್ಣುವ ಪಟ್ಟಣಕ್ ರಾಜನಾಯಿತು, ದೇವಾದಿ ದೇವಡ ಯಾಜಕನಾಯಿತು ಇಂಜತ್. ರಾಜಂಗಳ ಚೋಪ್‍ಚಿಟ್ಟಿತ್ ಬಂದ ಅಬ್ರಹಾಮಂಗ್ ಇಂವೊ ವಂದನೆ ಮಾಡ್‌ವಕ್ ಪೋಯಿತ್ ಅಬ್ರಹಾಮನ ಆಶೀರ್ವಾದ ಮಾಡ್‍ಚಿ.

ಇಬ್ರಿಯ 7:17

ನೀನ್ ಕಾಲಕಾಲಕು ಮೆಲ್ಕಿಜೆದೇಕಂಡ ನೇಮ ಪ್ರಕಾರ, ಯಾಜಕನಾಯಿತ್ ಇಪ್ಪಿಯಾಂದ್ ಪ್ರವಾದನೆಯಾಯಿತ್ ಎಣ್ಣಿತುಂಡ್.

ಇಬ್ರಿಯ 7:2

ಮೆಲ್ಕಿಜೆದೇಕಂಗ್ ಅಬ್ರಹಾಮ ಅಂವೊಂಡ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‍ತತ್. ಮೆಲ್ಕಿಜೆದೇಕ ಎಣ್ಣುವ ಅಂವೊಂಡ ಆದ್ಯ ಪೆದಕ್ ನೀತಿರ ರಾಜಾಂದು, ಪಿಂಞ ಸಾಲೇಮ್‍ರ ರಾಜ ಎಣ್ಣುವ ಪೆದಕ್ ಸಮಾದಾನತ್‍ರ ರಾಜಾಂದು ಅರ್ಥ ಆಪ.

ಇಬ್ರಿಯ 7:6

ಆಚೇಂಗಿಯು, ಮೆಲ್ಕಿಜೆದೇಕ ಲೇವಿರ ವಂಶಾವಳಿಲ್ ಬರತೆ ಪೋಚೇಂಗಿಯು, ಅಬ್ರಹಾಮಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ತಿತ್ ವಾಗ್ದಾನ ಕ್‍ಟ್ಟ್‌ನಂವೊನ ಆಶೀರ್ವಾದ ಮಾಡ್‍ಚಿ.