ಇಬ್ರಿಯ 7:18 - ಕೊಡವ ಬೈಬಲ್

¹⁸ ಮಿಂಞತ್‍ರ ಆಜ್ಞೆ ಬಲಹೀನದಾಯಿತು ಪ್ರಯೋಜನ ಇಲ್ಲತದಾಯಿತು ಇಂಜಗುಂಡ್ ಅದ್‍ನ ಬದ್‍ಲ್ ಮಾಡ್‍ಚಿ.

ಇಬ್ರಿಯ 7:18 ပူးပေါင်းရင်းမြစ်များ

ಅಪೊಸ್ತಲ 13:39

ಮೋಶೇರ ನ್ಯಾಯಪ್ರಮಾಣತ್‍ರಗುಂಡ್ ನಿಂಗ ನೀತಿವಂತಯಿಂಗಳಾಯಿತ್ ಆಪಕ್ ಕಯ್ಯತೆ ಇಂಜಿರ. ಆಚೇಂಗಿ, ಯೇಸುರ ಮೂಲಕ, ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಇಡ್‌ವ, ಅಯಿಂಗೆಲ್ಲ ನೀತಿವಂತಯಿಂಗಳಾಯಿತ್ ಆಪಕ್ ಅಂವೊ ಮಾಡ್‍ಚಿ.

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 8:3

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ.

ಗಲಾತ್ಯ 3:15

ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಬದ್‍ಕಿಂಜ ಒರ್ ಉದಾರಣೆ ತಂದಿತ್ ಎಣ್ಣ್‌ವಿ; ಒರ್ ವಿಷಯತ್‍ಲ್ ದಂಡ್ ಮನುಷ್ಯಂಗ ಒತ್ತಂಡ್, ಆ ವಿಷಯಕ್ ಒಪ್ಪಂದ ಮಾಡ್‍ಚೇಂಗಿ, ಅಯಿಂಗ ಅಲ್ಲತ ಬೋರೆ ದಾರ್‌ಕು ಆ ಒಪ್ಪಂದತ್‍ನ ಪೊಳಿಪಕ್ ಕಯ್ಯುಲೆ. ಅದ್ಂಗ್ ಬೋರೆ ಒಂದು ಕೂಟ್‌ವಕೂ ಕಯ್ಯುಲೆ.

ಗಲಾತ್ಯ 3:17

ಆನಗುಂಡ್ ನಾನ್ ಎಂತ ಎಣ್ಣಿಯಂಡುಳ್ಳ್‍ೕಂದ್ ಎಣ್ಣ್‌ಚೇಂಗಿ, ಕ್ರಿಸ್ತಂಡ ವಿಷಯತ್‍ಲ್ ಮಿಂಞಲೇ ದೇವ ಅಬ್ರಹಾಮಂಡ ಕೂಡೆ ದೃಡವಾಯಿತ್ ಮಾಡ್‍ನ ಒಪ್ಪಂದತ್‍ನ, ನಾನೂಟ್ಯ ನುಪ್ಪದ್ ಕಾಲಕ್ ಬಯ್ಯ ಬಂದ ನ್ಯಾಯಪ್ರಮಾಣ ಪೊರಮೆ ತಳ್ಳಿತ್ ವಾಗ್ದಾನತ್‍ನ ಒಂದು ಇಲ್ಲತನೆಕೆ ಮಾಡ್‌ವಕ್ ಕಯ್ಯುಲೆ.

ಗಲಾತ್ಯ 3:21

ಅನ್ನನಾಚೇಂಗಿ, ನ್ಯಾಯಪ್ರಮಾಣ ದೇವ ಮಾಡ್‍ನ ವಾಗ್ದಾನಕ್ ವಿರೋದವಾ? ಅನ್ನನೆ ಇಲ್ಲವೇ ಇಲ್ಲೆ. ನ್ಯಾಯಪ್ರಮಾಣ ಎಣ್ಣ್‌ವನೆಕೆ ನಡ್‍ಪ ಮನುಷ್ಯಂಗಕ್ ಜೀವ ಕ್‍ಟ್ಟ್‌ಚೇಂಗಿ, ಎಲ್ಲಾರು ದೇವಡ ಪಕ್ಕ ನೀತಿವಂತಯಂಗಳಾಯಿತ್ ಬದ್‍ಕ್‍ವಯಿಂಜತ್.

ಗಲಾತ್ಯ 4:21

ನ್ಯಾಯಪ್ರಮಾಣ ಎಣ್ಣ್‌ವನಕೆ ನಡ್‍ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್‍ೕಂದ್ ಕ್‍ೕಪ್‌ಲೆಯಾ? ಇದ್‍ನ ನಿಂಗ ನಾಕ್ ಎಣ್ಣಿ.

ಗಲಾತ್ಯ 4:9

ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್‍ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್‌ವಕ್ ಕಯ್ಯು, ನಿಂಗ ದಾರ್‍ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು?

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.