ಇಬ್ರಿಯ 7:14 - ಕೊಡವ ಬೈಬಲ್

¹⁴ ನಂಗಡ ಒಡೆಯ ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೋಂದ್ ಎಲ್ಲಾರ್‌ಕು ಗೊತ್ತುಂಡ್; ಯೆಹೂದ್ಯ ಕುಲತ್‍ರ ಜನ ಯಾಜಕ ಸೇವೆ ಮಾಡ್‌ವ ವಿಷಯತ್ ಮೋಶೆ ಒಂದು ಎಣ್ಣಿತ್‌ಲ್ಲೆ.

ಇಬ್ರಿಯ 7:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 46:12

ಯೆಹೂದಂಡ ಮಕ್ಕ ಏರ, ಓನಾನ, ಶೇಲಾಹ, ಪೆರೆಚ, ಜೆರಹ ಎಣ್ಣುವಯಿಂಗಳೇ. ಇಯಂಗಡಲ್ಲಿ ಏರ್‌ ಪಿಂಞ ಓನಾನ ಕಾನಾನ್‌ ದೇಶತ್‌ಲ್‌ ಚತ್ತ್‌ ಪೋಚಿ. ಪೆರೆಚಂಡ ಮಕ್ಕ ಹೆಚ್ರೋನ, ಹಾಮೂಲ ಎಣ್ಣುವಯಿಂಗಳೇ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮತ್ತಾಯ 2:6

ಯೂದಾಯ ಪ್ರಾಂತ್ಯತ್‍ರ ಬೇತ್ಲೆಹೇಮೇ, ಯೆಹೂದ್ಯಂಡ ಅದಿಕಾರತ್ ನೀ ಚೆರಿಯದಲ್ಲ; ನಾಡ ಇಸ್ರಾಯೇಲ್ ಜನಳ ಆಳುವ ಅದಿಪತಿ ನೀಡಗುಂಡ್ ಪುಟ್ಟ್‌ವಾಂದ್ ಪ್ರಾವಾದಿಯ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:43

ನಾಡ ಒಡೆಯಂಡ ಅವ್ವ ನಾಡ ಪಕ್ಕ ಬಪ್ಪಚ್ಚಕ್ ಬಾಗ್ಯ ನಾಕ್ ಎನ್ನನೆ ಕ್‍ಟ್ಟ್‌ಚಿ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:33

ನಹಸ್ಸೋನ ಅಮ್ಮಿನಾದಾಂಡ ಮೋಂವೊ; ಅಮ್ಮಿನಾದಾ ಅರಾಮಂಡ ಮೋಂವೊ; ಆರಾಮ ಎಸ್ರೋನಂಡ ಮೋಂವೊ; ಎಸ್ರೋನ ಪೆರೇಸಂಡ ಮೋಂವೊ; ಪೆರೇಸ ಯೂದಂಡ ಮೋಂವೊ; ಯೂದ ಯಾಕೋಬಂಡ ಮೋಂವೊ;

ಯೋಹಾನ 20:13

ಅಯಿಂಗ ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾಂದ್ ಕ್‍ೕಟತ್. ಅಯಿಂಗಕ್ ಅವ: ನಾಡ ಒಡೆಯನ ದಾರೋ ಎಡ್‍ತಂಡ್ ಪೋಯಿರ್‌ತ್, ಅಯಿಂಗ ಎಲ್ಲಿ ಇಟ್ಟತೋ ನಾಕ್ ಗೊತ್ತಿಲ್ಲೇಂದ್ ಅವ ಎಣ್ಣ್‌ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

ರೋಮ್ 2:3

ಅನ್ನನೆ ಪಾಪ ಮಾಡ್‌ವಯಿಂಗಳ ತೀರ್ಪ್ ಮಾಡ್‌ವ ಮನುಷ್ಯಂಗಳೇ, ಆ ಪಾಪತ್‍ನ ನಿಂಗಳೇ ಮಾಡ್‍ಚೇಂಗಿ, ದೇವಡ ನ್ಯಾಯ ತೀರ್ಪ್‌ಯಿಂಜ ನಿಂಗ ಬಚಾವ್ ಆಪಿರಾಂದ್ ಗೇನ ಮಾಡ್‌ವಿರ?

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಇಬ್ರಿಯ 7:13

ಇದೆಲ್ಲಾ ದಾಡ ವಿಷಯತ್‍ನ ಎಣ್ಣಿಯಂಡುಂಡೋ, ಅಂವೊ ಬೋರೆ ಕುಲತ್ಂಜ ಬಂದಿತುಂಡಲ್ಲಾ? ಆ ಕುಲತ್‍ಲ್ ಒಬ್ಬ ಸಹ ದೇವಕ್ ಬಲಿಪೀಠತ್‍ಲ್ ಸೇವೆ ಮಾಡಿತ್‌ಲ್ಲೆ.

ಇಬ್ರಿಯ 7:15

ಮೆಲ್ಕಿಜೆದೇಕರನೆಕೆ ಬೋರೆ ಒಬ್ಬ ಯಾಜಕ ಬಪ್ಪಾಂದ್ ಎಣ್ಣಿತುಳ್ಳಾಂಗ್, ಇಲ್ಲಿಕತ್ತನೆ ಎಣ್ಣ್‌ನದ್ ಎಚ್ಚಕ್ ನೇರಾಯಿತುಂಡ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 5:5

ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.