ಇಬ್ರಿಯ 7:11 - ಕೊಡವ ಬೈಬಲ್

¹¹ ಆನಗುಂಡ್, ಲೇವಿಯರ ಯಾಜಕತ್‍ರ ಸೇವೇರ ಪ್ರಕಾರ ನ್ಯಾಯಪ್ರಮಾಣತ್‍ನ ಜನ ಪಡ್ಂದತ್. ಆ ಲೇವಿಯರ ಯಾಜಕತ್‍ರ ಸೇವೇರಗುಂಡ್ ಜನ, ಪೂರ್ತಿ ಪವಿತ್ರ ಆಪಕಿಂಜತೇಂಗಿ, ದೇವ ಎನ್ನಂಗ್ ಆರೋನಂಡ ಪದ್ದತಿರ ಪ್ರಕಾರ ಅಲ್ಲತೆ, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಬೋರೆ ಒರ್ ಯಾಜಕಂಡ ಸೇವೇನ ಎಪ್ಪ್‌ಚಿಡಂಡು?

ಇಬ್ರಿಯ 7:11 ပူးပေါင်းရင်းမြစ်များ

ಗಲಾತ್ಯ 2:21

ನಾನ್ ದೇವಡ ಕೃಪೇನ ಮುಂಡತೆ ಪಾಳ್ ಮಾಡಿಯಂಡಿಪಂವೊ ಅಲ್ಲ; ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪದಿಂಜ ನಂಗ ನೀತಿವಂತಯಿಂಗಳಾಪದಾಚೇಂಗಿ, ಕ್ರಿಸ್ತ ಚತ್ತಾಂಗ್ ಅರ್ಥ ಇಲ್ಲೆ.

ಗಲಾತ್ಯ 4:3

ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್‌ಪ್ಪಕ, ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್.

ಗಲಾತ್ಯ 4:9

ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್‍ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್‌ವಕ್ ಕಯ್ಯು, ನಿಂಗ ದಾರ್‍ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು?

ಇಬ್ರಿಯ 5:10

ಮೆಲ್ಕಿಜೆದೇಕಂಡ ನೇಮ ಪ್ರಕಾರ ದೇವ ಅಂವೊನ ಮಹಾ ಯಾಜಕನಾಯಿತ್ ಅರಿಚಿಟ್ಟತ್.

ಇಬ್ರಿಯ 5:6

ಅನ್ನನೆ ದೇವಡ ವಾಕ್ಯತ್‍ಲ್ ಇಂಞೊರ್ ಜಾಗತ್‍ಲ್ ನೀನ್ ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಕಾಲಕಾಲಕು ಯಾಜಕನಾಯಿತ್ ಇಪ್ಪಿಯಾಂದ್ ಎಣ್ಣಿತುಂಡ್.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 7:10

ಎನ್ನನೆ ಎಣ್ಣ್‌ಚೇಂಗಿ, ಮೆಲ್ಕಿಜೆದೇಕ ಅಬ್ರಹಾಮಂಗ್ ವಂದನೆ ಮಾಡಿತ್ ಅಂವೊಂಡ ಕೈಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ಪಕ, ಲೇವಿ, ಅಬ್ರಹಾಮಂಡ ಸಂತಾನವಾಯಿತ್ ಅಂವೊಂಡ ಒಳ್‍ಲ್ ಇಂಜತಲ್ಲಾ?

ಇಬ್ರಿಯ 7:12

ಯಾಜಕ ಸೇವೆ ಬದ್‍ಲಾಯಿ ಪೋಪದಾಚೇಂಗಿ, ನ್ಯಾಯಪ್ರಮಾಣವು ಬದ್‍ಲಾಯಿ ಪೋಕಂಡು.

ಇಬ್ರಿಯ 7:13

ಇದೆಲ್ಲಾ ದಾಡ ವಿಷಯತ್‍ನ ಎಣ್ಣಿಯಂಡುಂಡೋ, ಅಂವೊ ಬೋರೆ ಕುಲತ್ಂಜ ಬಂದಿತುಂಡಲ್ಲಾ? ಆ ಕುಲತ್‍ಲ್ ಒಬ್ಬ ಸಹ ದೇವಕ್ ಬಲಿಪೀಠತ್‍ಲ್ ಸೇವೆ ಮಾಡಿತ್‌ಲ್ಲೆ.

ಇಬ್ರಿಯ 7:15

ಮೆಲ್ಕಿಜೆದೇಕರನೆಕೆ ಬೋರೆ ಒಬ್ಬ ಯಾಜಕ ಬಪ್ಪಾಂದ್ ಎಣ್ಣಿತುಳ್ಳಾಂಗ್, ಇಲ್ಲಿಕತ್ತನೆ ಎಣ್ಣ್‌ನದ್ ಎಚ್ಚಕ್ ನೇರಾಯಿತುಂಡ್.

ಇಬ್ರಿಯ 7:21

ಆಚೇಂಗಿ, ಯೇಸು ಆಣೆ ಇಟ್ಟಿತ್ ಯಾಜಕನಾಪಕ, ಒಡೆಯ ಸತ್ಯ ಮಾಡ್‍ಚಿ, ಅಂವೊಂಡ ಮನಸ್ಸ್ ಬದ್‍ಲಾಪದು ಇಲ್ಲೆ. ನೀನ್ ಎಕ್ಕಾಲು ಯಾಜಕನಾಯಿತ್ ಇಪ್ಪಿಯಾಂದ್ ದೇವ ಎಣ್ಣ್‌ಚಿ.

ಇಬ್ರಿಯ 8:7

ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್ ತಪ್ಪ್ ಇಲ್ಲತೆ ಇಂಜಿತ್ಂಜತೇಂಗಿ, ದಂಡನೆ ಕುರಿ ಒಪ್ಪಂದ ಮಾಡ್‌ವಕ್ ಅವಸ್ಯ ಇಲ್ಲತೆ ಆಯಿತ್‌ಪ್ಪ.

ಇಬ್ರಿಯ 9:6

ಇನ್ನನೆ ಗುಡಾರ ತಯಾರಾಯಂಡಿಪ್ಪಕ, ಯಾಜಕಂಗ ಆರಾದನೆರ ನೇಮತ್‍ನ ನೆರೆವೇರಿಚಿಡುವಕಾಯಿತ್ ಆದ್ಯ ಕೋಂಬರೇಕ್ ದಿನಾಲು ಪೋಯಂಡ್ ಇಂಜತ್.