ಇಬ್ರಿಯ 7:10 - ಕೊಡವ ಬೈಬಲ್

¹⁰ ಎನ್ನನೆ ಎಣ್ಣ್‌ಚೇಂಗಿ, ಮೆಲ್ಕಿಜೆದೇಕ ಅಬ್ರಹಾಮಂಗ್ ವಂದನೆ ಮಾಡಿತ್ ಅಂವೊಂಡ ಕೈಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ಪಕ, ಲೇವಿ, ಅಬ್ರಹಾಮಂಡ ಸಂತಾನವಾಯಿತ್ ಅಂವೊಂಡ ಒಳ್‍ಲ್ ಇಂಜತಲ್ಲಾ?

ಇಬ್ರಿಯ 7:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 46:26

ಯಾಕೋಬಂಡ ಮೈಮಕ್ಕಳ ಬುಟ್ಟಿತ್, ಯಾಕೋಬಂಡ ಮೂಲಕ ಪುಟ್ಟ್‌ನ ಅಂವೊಂಡ ಮಕ್ಕ, ಕರ್ಮಕ್ಕಳ ಒಟ್ಟ್‌ ಕೂಟಿತ್‌ ಯಾಕೋಬಂಡ ಕೂಡೆ ಐಗುಪ್ತ ದೇಶಕ್‌ ಪೋನಯಿಂಗ ಅರ್ವತ್ತಾರ್‌ ಜನಯಿಂಜತ್.

ಇಬ್ರಿಯ 5:6

ಅನ್ನನೆ ದೇವಡ ವಾಕ್ಯತ್‍ಲ್ ಇಂಞೊರ್ ಜಾಗತ್‍ಲ್ ನೀನ್ ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಕಾಲಕಾಲಕು ಯಾಜಕನಾಯಿತ್ ಇಪ್ಪಿಯಾಂದ್ ಎಣ್ಣಿತುಂಡ್.

ಇಬ್ರಿಯ 7:11

ಆನಗುಂಡ್, ಲೇವಿಯರ ಯಾಜಕತ್‍ರ ಸೇವೇರ ಪ್ರಕಾರ ನ್ಯಾಯಪ್ರಮಾಣತ್‍ನ ಜನ ಪಡ್ಂದತ್. ಆ ಲೇವಿಯರ ಯಾಜಕತ್‍ರ ಸೇವೇರಗುಂಡ್ ಜನ, ಪೂರ್ತಿ ಪವಿತ್ರ ಆಪಕಿಂಜತೇಂಗಿ, ದೇವ ಎನ್ನಂಗ್ ಆರೋನಂಡ ಪದ್ದತಿರ ಪ್ರಕಾರ ಅಲ್ಲತೆ, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಬೋರೆ ಒರ್ ಯಾಜಕಂಡ ಸೇವೇನ ಎಪ್ಪ್‌ಚಿಡಂಡು?

ಇಬ್ರಿಯ 7:5

ಲೇವಿರ ಮಕ್ಕಡಲ್ಲಿ ಯಾಜಕನಾಪಯಿಂಗಳು, ಅಬ್ರಹಾಮಯಿಂಜ ಬಂದ ಸಂತಾನಕಾರಂಗಳಾನ ತಾಂಡ ಅಣ್ಣತಮ್ಮಣಂಗಡಲ್ಲಿಯು ನ್ಯಾಯಪ್ರಮಾಣತ್‍ರ ಪ್ರಕಾರ ಪತ್ತ್‌ಲ್ ಒರ್ ಬಾಗತ್‍ನ ಪಡೆಯುವಕ್ ಅಪ್ಪಣೆ ಕ್‍ಟ್ಟ್‌ಚಿ.

ಇಬ್ರಿಯ 7:9

ಪತ್ತ್‌ಲ್ ಒರ್ ಬಾಗತ್‍ನ ಎಡ್‌ಪ ಲೇವಿ ಸಹ ಅಂವೊಂಡ ಮುತ್ತಜ್ಜನಾನ ಅಬ್ರಹಾಮಂಡ ಮೂಲಕ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‌ತತ್‍ೕಂದ್ ಎಣ್ಣುವಕ್ ಆಪ.