ಇಬ್ರಿಯ 7:1 - ಕೊಡವ ಬೈಬಲ್

¹ ಈ ಮೆಲ್ಕಿಜೆದೇಕ ಸಾಲೇಮ್ ಎಣ್ಣುವ ಪಟ್ಟಣಕ್ ರಾಜನಾಯಿತು, ದೇವಾದಿ ದೇವಡ ಯಾಜಕನಾಯಿತು ಇಂಜತ್. ರಾಜಂಗಳ ಚೋಪ್‍ಚಿಟ್ಟಿತ್ ಬಂದ ಅಬ್ರಹಾಮಂಗ್ ಇಂವೊ ವಂದನೆ ಮಾಡ್‌ವಕ್ ಪೋಯಿತ್ ಅಬ್ರಹಾಮನ ಆಶೀರ್ವಾದ ಮಾಡ್‍ಚಿ.

ಇಬ್ರಿಯ 7:1 ပူးပေါင်းရင်းမြစ်များ

ಮಾರ್ಕ 5:7

ಅಂವೊ ಜೋರಾಯಿತ್ ಕೂತ್ ಕೊಡ್‌ತಂಡ್: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು, ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ದೇವಡ ಮೇಲೆ ಆಣೇಂದ್ ಎಣ್ಣ್‌ಚಿ.

ಅಪೊಸ್ತಲ 16:17

ಆ ಕಣಿಯತಿ, ಪೌಲ ಪಿಂಞ ನಂಗಡ ಬೆಂಬರತ್ ಬಂದಿತ್: ಈ ಮನುಷ್ಯಂಗ ದೇವಾದಿ ದೇವಡ ಸೇವಕಂಗ; ರಕ್ಷಣೆರ ಬಟ್ಟೇನ ನಂಗಕ್ ಎಣ್ಣಿ ಕೊಡ್‍ಪಯಿಂಗಾಂದ್ ಕೂತ್ ಕೊಡ್‌ತಂಡ್ ಇಂಜತ್.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 7:2

ಮೆಲ್ಕಿಜೆದೇಕಂಗ್ ಅಬ್ರಹಾಮ ಅಂವೊಂಡ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‍ತತ್. ಮೆಲ್ಕಿಜೆದೇಕ ಎಣ್ಣುವ ಅಂವೊಂಡ ಆದ್ಯ ಪೆದಕ್ ನೀತಿರ ರಾಜಾಂದು, ಪಿಂಞ ಸಾಲೇಮ್‍ರ ರಾಜ ಎಣ್ಣುವ ಪೆದಕ್ ಸಮಾದಾನತ್‍ರ ರಾಜಾಂದು ಅರ್ಥ ಆಪ.

ಇಬ್ರಿಯ 7:3

ಈ ಮೆಲ್ಕಿಜೆದೇಕಂಗ್ ಅಪ್ಪನು ಅವ್ವಳು, ವಂಶಾವಳಿಯು ಇಲ್ಲೆ, ಇಂವೊ ಜೀವತ್‍ರ ತೊಡಕ ಪಿಂಞ ಚಾವ್ ಇಲ್ಲತಂವೊನಾಯಿತ್ ಇಂಜತ್. ದೇವಡ ಮೋಂವೊಂಡನೆಕೆ ಎಕ್ಕಾಲು ಯಾಜಕನಾಯಿತ್ ನಿಂದಂಡುಂಡ್.

ಇಬ್ರಿಯ 7:6

ಆಚೇಂಗಿಯು, ಮೆಲ್ಕಿಜೆದೇಕ ಲೇವಿರ ವಂಶಾವಳಿಲ್ ಬರತೆ ಪೋಚೇಂಗಿಯು, ಅಬ್ರಹಾಮಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ತಿತ್ ವಾಗ್ದಾನ ಕ್‍ಟ್ಟ್‌ನಂವೊನ ಆಶೀರ್ವಾದ ಮಾಡ್‍ಚಿ.