ಇಬ್ರಿಯ 6:9 - ಕೊಡವ ಬೈಬಲ್

⁹ ಪ್ರೀತಿರ ಜನಳೇ, ನಂಗ ಇನ್ನನೆ ಎಣ್ಣ್‌ಚೇಂಗಿಯು, ನಿಂಗಡ ಪಕ್ಕ ನಲ್ಲದ್ ಪಿಂಞ ರಕ್ಷಣೆರ ವಿಷಯ ಉಂಡ್‍ೕಂದ್ ನಂಗ ನಂಬಿಯಂಡುಂಡ್.

ಇಬ್ರಿಯ 6:9 ပူးပေါင်းရင်းမြစ်များ

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

1 ಕೊರಿಂಥ 10:14

ಆನಗುಂಡ್ ನಾಡ ಪ್ರೀತಿರ ಜನಳೇ, ವಿಗ್ರಹ ಆರಾದನೆ ಮಾಡ್‌ವದ್‍ನ ಬುಟ್ಟಿತ್ ಓಡಂಡು.

2 ಕೊರಿಂಥ 12:19

ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್‍ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್‍ನೆಲ್ಲಾ ಮಾಡಿಯಂಡುಳ್ಳ.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

2 ಕೊರಿಂಥ 7:10

ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

ಇಬ್ರಿಯ 10:39

ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

2 ಪೇತ್ರ 3:1

ಪ್ರೀತಿರ ಜನಳೇ, ನಾನ್ ನಿಂಗಕ್ ಇಕ್ಕ ಒಳ್‍ದ್‍ವದ್ ದಂಡನೆ ಕಾಗದ. ನಾನ್ ಒಳ್‍ದ್‍ನ ಈ ದಂಡ್ ಕಾಗದ‍ತ್‍ಲು, ನಿಂಗಡ ಮನಸ್ಸ್‌ರ ಞಾಪಕತ್‍ನ ಎಪ್ಪ್‌ಚಿಡ್‌ವಕ್ ಪಿಂಞ ಚೆನ್ನ ವಿಷಯತ್‍ನ ಗೇನ ಮಾಡ್‍ಚಿಡ್‌ವಕ್ ನಾನ್ ಪೇಚಾಡಿಯಂಡುಂಡ್.

1 ಯೋಹಾನ 2:7

ಪ್ರೀತಿರ ಮಕ್ಕಳೇ, ನಾನ್ ನಿಂಗಕ್ ಒಳ್‍ದಿಯಂಡುಳ್ಳ ಈ ಆಜ್ಞೆ ಪುದಿಯದಲ್ಲ. ಇದ್ ಪಳೆಯದೇ. ಆದಿಯಿಂಜಲೆ ನಿಂಗಕ್ ಇಂಜದ್. ಪಳೆಯ ಆಜ್ಞೆನ ನಿಂಗ ಮಿಂಞಲೇ ಕ್‍ೕಟಿತುಳ್ಳಿರ.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.