ಇಬ್ರಿಯ 6:7 - ಕೊಡವ ಬೈಬಲ್

⁷ ಎನ್ನನೆ ಎಣ್ಣ್‌ಚೇಂಗಿ, ನೆಲತ್‌ಲ್ ಅಕ್ಕಕ್ಕ ಮಳೆ ಪೊಜ್ಜಂಡಿಪ್ಪಕ, ಆ ಮಣ್ಣ್ ಮಳೆ ನೀರ್‌ನ ಕುಡಿಚಿತ್, ಆ ನೆಲತ್‌ಲ್ ಎತ್ತ್ ಬಿತ್ತ್ ಕೆಲಸ ಮಾಡ್‌ವಯಿಂಗಕ್ ಬೋಂಡಿಯಾನ ಬೊಳೆನೆ ಕೊಡ್‍ಪದಾಚೇಂಗಿ, ಅದ್‍ನ ದೇವ ಆಶೀರ್ವಾದ ಮಾಡ್‌ವ.

ಇಬ್ರಿಯ 6:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:11

ಅಲ್ಲಿಂಜ ದೇವ: ನೆಲ ಗಿಡತ್‌ನ, ಕುರು ತಪ್ಪ ಗಿಡತ್‌ನ ಪಿಂಞ ನಾನತರ ಕುರು ಉಳ್ಳ ಪಣ್ಣ್‌ ತಪ್ಪ ನಾನಾತರ ಜಾತಿರ ಮರ ಬರಡ್‍ೕಂದ್‌ ಎಣ್ಣ್‌ಚಿ, ಅದ್‌ ಅನ್ನನೆ ಆಚಿ.

ಆದ್ಯತ್‌ರ ಪುಸ್ತಕ 27:27

ಅಂವೊ ಪಕ್ಕ ಬಂದಿತ್‌ ಅಂವೊಂಗ್‌ ಮುತ್ತ್‌ ಕೊಡ್‌ತತ್. ಅಕ್ಕ ಇಸಾಕ ಬಟ್ಟೆರ ವಾಸನೆನ ಮೂಸಿ ನೋಟಿತ್: ಇದಾ, ನಾಡ ಮೋಂವೊಂಡ ಮೇಲೆ ಬಂದಂಡುಳ್ಳ ವಾಸನೆ ಯೆಹೋವ ಆಶೀರ್ವಾದ ಮಾಡಿತುಳ್ಳ ಬೇಲ್‌ರ ವಾಸನೆರನೆಕೆ ಉಂಡ್.

ಮಲಾಕಿ 3:10

ನಾಡ ಮನೆಲ್ ಆಹಾರ ಕಮ್ಮಿ ಆಕತನೆಕೆ ಪತ್ತ್‌ಲ್‌ ಒರ್‌ ಬಾಗತ್‌ನ ಪತ್ತಾಯ ಕೋಂಬರೆಕ್‌ ಕೊಂಡ ಬಾರಿ. ಅಕ್ಕ ನಾನ್‌ ಬಾನತ್‌ರ ಪಡಿನ ತೊರ್‌ಂದಿತ್, ಕೂಟಿ ಬೆಪ್ಪಕ್‌ ಜಾಗ ಇಲ್ಲತೆ ಪೋಪನೆಕೆ ನಿಂಗಡ ಮೇಲೆ ಆಶೀರ್ವಾದತ್‌ನ ತೊರಿಯುವನೋ ಇಲ್ಲೆಯೋಂದ್‌ ನನ್ನ ಪರೀಕ್ಷೆ ಮಾಡೀಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 7:8

ಎನ್ನಂಗೆಣ್ಣ್‌ಚೇಂಗಿ ದಾರೆಲ್ಲಾ ಕ್‍ೕಪ ಅಯಿಂಗಕ್ ಕ್‍ಟ್ಟುವ; ದಾರೆಲ್ಲ ತ್‍ೕಡ್‌ವ, ಅಯಿಂಗಕ್ ಕಾಂಬ; ದಾರೆಲ್ಲ ತಟ್ಟ್‌ವ, ಅಯಿಂಗಕ್ ಪಡಿ ತೊರ್‌ಪ.

2 ತಿಮೊಥೆಯ 2:6

ಕಷ್ಟಪಟ್ಟಿತ್ ವ್ಯವಸಾಯ ಮಾಡ್‌ವಂವೊ ಬೊಳ್‍ತ್‍ನ ಬೊಳೆರ ಆದ್ಯ ಫಲ ಅಂವೊಂಗ್ ಕ್‍ಟ್ಟಂಡು.

ಯಾಕೋಬ 5:7

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಒಡೆಯ ಬಪ್ಪಕತ್ತನೆ ನಿಂಗ ತಾಳ್ಮೆಯಾಯಿತ್ ಇಕ್ಕಂಡು. ನೋಟಿ, ಒರ್ ಮನುಷ್ಯ ಬೇಲ್‌ಲ್ ಕೆಲಸ ಮಾಡಿತ್‌ ಬೂಮಿರ ನಲ್ಲ ಪಸಲ್ ಕ್‍ಟ್ಟ್‌ವಕಾಯಿತ್, ಮಿಂಞತ್‍ರ ಪಿಂಞ ಬಯ್ಯತ್‌ರ ಮಳೆಕಾಯಿತ್ ಪಾರಕಾತಂಡ್ ಇಪ್ಪ.