ಇಬ್ರಿಯ 6:20 - ಕೊಡವ ಬೈಬಲ್

²⁰ ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 6:20 ပူးပေါင်းရင်းမြစ်များ

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 2:10

ಎಲ್ಲಾನ ತಾಂಗಾಯಿತ್ ತಾಂಡಗುಂಡ್ ಸೃಷ್ಟಿ ಮಾಡ್‍ನಂವೊ, ದುಂಬ ಜನಳ ಮಹಿಮೆಲ್ ಕೊಂಡ್ ಬಪ್ಪನೆಕೆ ಮಾಡ್‍ಚಿ. ಅನ್ನನೆ ಅಯಿಂಗಳ ಕೊಂಡ್ ಬಪ್ಪಕ, ಅಯಿಂಗಡ ರಕ್ಷಣೆರ ನಾಯಕನಾಯಿತುಳ್ಳ ಅಂವೊಂಗ್‌ ಕಷ್ಟ ಕೊಡ್‌ತಿತ್ ಅಂವೊನ ಪೂರ್ತಿಮಾಡ್‍ವದ್ ದೇವಕ್ ಸರೀಂದ್ ಆಚಿ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 5:10

ಮೆಲ್ಕಿಜೆದೇಕಂಡ ನೇಮ ಪ್ರಕಾರ ದೇವ ಅಂವೊನ ಮಹಾ ಯಾಜಕನಾಯಿತ್ ಅರಿಚಿಟ್ಟತ್.

ಇಬ್ರಿಯ 5:6

ಅನ್ನನೆ ದೇವಡ ವಾಕ್ಯತ್‍ಲ್ ಇಂಞೊರ್ ಜಾಗತ್‍ಲ್ ನೀನ್ ಮೆಲ್ಕಿಜೆದೇಕಂಡ ನೇಮ ಪ್ರಕಾರ ಕಾಲಕಾಲಕು ಯಾಜಕನಾಯಿತ್ ಇಪ್ಪಿಯಾಂದ್ ಎಣ್ಣಿತುಂಡ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

1 ಯೋಹಾನ 2:12

ಪ್ರೀತಿರ ಚೆರಿಯ ಮಕ್ಕಳೇ, ಕ್ರಿಸ್ತಂಡ ಪೆದತ್‍ರಗುಂಡ್ ನಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ನಗುಂಡ್ ನಿಂಗಕ್ ಇದ್‍ನ ಒಳ್‍ದ್‍ವಿ.