ಇಬ್ರಿಯ 6:17 - ಕೊಡವ ಬೈಬಲ್

¹⁷ ಅನ್ನನೆ ದೇವ ಸಹ, ವಾಗ್ದಾನ ಮಾಡ್‍ನದ್‍ನ ಪಡೆಯುವಯಿಂಗಕ್, ತಾಂಡ ಆಲೋಚನೆರ ಬದ್‍ಲಾಕತ ನಿಶ್ಚಯತ್‍ನ ಪೂರ್ತಿಯಾಯಿತ್ ಕಾಂಬ್‍ಚಿಡುವಕ್ ಕುಶಿಪಟ್ಟಗುಂಡ್, ಒರೇ ಆಣೆರ ಮೂಲಕ ಸ್ತಿರಪಡ್‍ತ್‍ಚಿ.

ಇಬ್ರಿಯ 6:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 26:28

ಅದ್‌ಂಗ್‌ ಅಯಿಂಗ: ನೇರಾಯಿತ್‌ ಯೆಹೋವ ನೀಡ ಕೂಡೆ ಉಂಡ್‌ಂದ್‌ ನಂಗಕ್‌ ಚಾಯಿತೆ ಗೊತ್ತಾಚಿ. ಆಂಗಾಯಿತ್‌ ನೀಕು ನಂಗಕು ಮದ್ಯತ್‌ಲ್‌ ಒರ್‌ ಒಪ್ಪಂದ ಆಂಡೂಂದ್‌ ತೀರ್ಮಾನ ಮಾಡಿಯೆ.

ಜ್ಞಾನತ್‌ರ ಪಡಿಮ 19:21

ಮನುಷ್ಯಂಡ ಮನಸ್ಸ್‌ಲ್‌ ಅನೇಕ ಯೋಜನೆ, ಆಚೇಂಗಿಯು ಯೆಹೋವಂಡ ಚಿತ್ತವೇ ನೆರವೇರುವ.

ಮಲಾಕಿ 3:6

ನಾನ್‌ ಒಡಯನಾನ ಯೆಹೋವ, ನಾನ್‌ ಬದ್‌ಲಾಪುಲೆ; ಆನಗುಂಡ್‌ ಯಾಕೋಬಂಡ ಮಕ್ಕಳಾನ ನಿಂಗ ನಾಶ ಆಯಿತ್‌ಲ್ಲೆ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ರೋಮ್ 11:29

ದೇವಡ ಕೃಪೇರ ವರವು, ಅಂವೊ ಕಾಕ್‌ನದು ಎಕ್ಕಾಲು ಬದ್‍ಲಾಪುಲೆ.

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.

ಇಬ್ರಿಯ 6:12

ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.

ಇಬ್ರಿಯ 6:16

ಜನಳು ಅಯಿಂಗಡ ಬಲ್ಯಂಗಡ ಪೆದತ್‍ಲ್ ಆಣೆ ಇಡ್‌ವ. ಅನ್ನನೆ ಆಣೆನ ಸ್ತಿರಪಡ್‌ತ್‌ನ ಪಿಂಞ ಏದ್ ವಾದವು ಇಪ್ಪುಲೆ.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 3:7

ಅನ್ನನೆ, ವಡಿಯಂಗಳೇ! ನಿಂಗಡ ಪೊಣ್ಣಾಳುವ ತಡೀಲ್ ಬೆಲ ಇಲ್ಲತಯಿಂಗಳಾಯಿತ್ ಉಳ್ಳಾಂಗ್, ನಿಂಗಡ ಪ್ರಾರ್ಥನೆಕ್ ತಡೆ ಬರತನೆಕೆ, ಜ್ಞಾನತ್‍ಲ್ ಅಯಿಂಗಡ ಕೂಡೆ ಬದ್‌ಕಿತ್, ನಿಂಗಡ ಕೂಡೆ ಅಯಿಂಗಳು ಕೃಪೇರ ನಿತ್ಯ ಜೀವಕ್ ಪಾಲ್‍ದಾರಂಗಳಾನಗುಂಡ್, ಅಯಿಂಗಕ್ ಬೋಂಡಿಯಾನ ಮರ್ಯಾದೆನ ಕೊಡ್‍ಕಂಡು.