ಇಬ್ರಿಯ 6:12 - ಕೊಡವ ಬೈಬಲ್

¹² ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.

ಇಬ್ರಿಯ 6:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:24

ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊ ಆಳ್‌ವಿಕೆ ಮಾಡುವ. ಆಚೇಂಗಿ, ಸೋಮಾರಿ ಅಡಿಯಾಳಪ.

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 15:19

ಸೋಮಾರಿಯಡ ಬಟ್ಟೆ ಮುಳ್ಳ್ ಬೇಲಿಕ್‌ ಸಮಾನ, ಆಚೇಂಗಿ ನೀತಿವಂತಂವೊಂಡ ಬಟ್ಟೆ ರಾಜಂಡ ಬಟ್ಟೆರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 18:9

ತಾಂಡ ಕೆಲಸತ್‌ ಮಂಕ್‌ ಆಯಿತ್‌ ಇಪ್ಪಂವೊನು ನಾಶ ಮಾಡುವಂವೊನು ಅಣ್ಣತಮ್ಮಣಂಗಳೇ.

ಜ್ಞಾನತ್‌ರ ಪಡಿಮ 2:20

ಆನಗುಂಡ್, ನೀನ್‌ ನಲ್ಲ ಮುನುಷ್ಯಂಗಡ ಬಟ್ಟೆಲ್‌ ನಡ್‌ಂದಿತ್, ನೀತಿವಂತಯಿಂಗಡ ಬದ್‌ಕ್‌ರನೆಕೆ ಬದ್‌ಕೊಂಡು.

ಜ್ಞಾನತ್‌ರ ಪಡಿಮ 26:14

ಪಡಿ ತಿರ್‌ಗಣೆಲ್‌ ಜೂಂಗಾಡುವನಕೆ, ಸೋಮಾರಿಯು ತಾಂಡ ಮೆತ್ತೆರ ಮೇಲೆ ತಿರುವ.

ಜ್ಞಾನತ್‌ರ ಪಡಿಮ 28:10

ಸತ್ಯವಂತಯಿಂಗಳ ಬಟ್ಟೆತಪ್ಪಿಪೋಪನೆಕೆ ನಡ್‌ತ್‌ವಂವೊ ತಾನ್‌ ತೋಡ್‌ನ ಕುಂಡ್‌ಕ್‌ ತಾನೇ ಬುದ್ದ್ ಪೋಪ. ಆಚೇಂಗಿ ಸತ್ಯವಂತಯಿಂಗ ನಲ್ಲದ್‌ನ ಬಾದ್ಯತೆಯಾಯಿತ್‌ ಪಡೆಯುವ.

ಮತ್ತಾಯ 22:32

ಅನ್ನನಾಚೇಂಗಿ ಅಂವೊ ಚತ್ತ್ ಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 25:26

ಅಕ್ಕ ಅಂವೊಂಡ ಎಜಮಾನ: ಒಂದಂಗೂ ಪ್ರಯೋಜನ ಇಲ್ಲತ ಮೋಸಕಾರನು ಸೋಮಾರಿಯು ಆನ ಆಳ್ ನೀನ್! ನಾನ್ ಬಿತ್ತ್ ಇಡತ ಜಾಗತ್‍ಲ್ ಕೊಯ್ಯುವೀಂದು, ಬಿತ್ತ್ ಚದ್‍ರತ ಜಾಗತ್‍ಲ್ ಕೂಟ್‍ವೀಂದು ನೀಕ್ ಗೊತ್ತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22

ಇನ್ನನೆ ಇಪ್ಪಕ ಬಿಕ್ಷೆಕಾರ ಚತ್ತ್ ಪೋಚಿ. ಅಂವೊನ ದೇವದೂತಂಗ ಎಡ್‍ತಂಡ್ ಪೋಯಿತ್ ಅಬ್ರಹಾಮಂಡ ಪಕ್ಕ ಅಳ್‍ಪ್‍ಚಿಟ್ಟತ್. ಪಿಂಞ ಆ ಐಶ್ವರ್ಯವಂತಂವೊನು ಚತ್ತ್ ಪೋಚಿ, ಅಂವೊನ ಪೂತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:15

ನಲ್ಲ ಮಣ್ಣ್‌ಕ್ ಬಿತ್ತ್‌ನ ಜನ ಕುಶೀಲ್ ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್‍ನ ಅಯಿಂಗಡ ನಲ್ಲ ಪಿಂಞ ಸತ್ಯವಾನ ಹೃದಯತ್‍ಲ್ ಬೆಚ್ಚಿತ್ ತಾಳ್ಮೆಯಿಂಜ ಫಲ ಕೊಡ್‍ಪ.

ರೋಮ್ 12:11

ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ರೋಮ್ 4:12

ಅಬ್ರಹಾಮ, ಸುನ್ನತಿ ಮಾಡ್‍ನಯಿಂಗಕ್, ಅಯಿಂಗ ಸುನ್ನತಿ ಮಾಡ್‍ನಗುಂಡ್ ಮಾತ್ರ ಅಪ್ಪನಾಯಿತ್ ಅಲ್ಲತೆ, ಅಂವೊ ಸುನ್ನತಿ ಮಾಡ್‌ವಕ್ ಮಿಂಞ ಅಂವೊಂಗ್ ಇಂಜ ನಂಬಿಕೇರನೆಕೆ, ಸುನ್ನತಿ ಮಾಡ್‍ನಯಿಂಗ ನಂಬಿಕೆ ಇಡ್‍ವಕ, ಅಂವೊ ಅಯಿಂಗಕ್ ಅಪ್ಪನಾಯಿತ್ ಆಪನೆಕೆ ಆಚಿ.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

2 ಥೆಸಲೊನೀಕ 1:4

ಆನಗುಂಡ್, ನಿಂಗಕ್ ಬಪ್ಪ ಎಲ್ಲಾ ಹಿಂಸೆನೆ ಪಿಂಞ ತೊಂದರೇನ ಸಹಿಸಿಯಂಡ್, ನಿಂಗಡ ತಾಳ್ಮೆನ ಪಿಂಞ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ಗಟ್ಟಿಯಾಯಿತ್ ಪುಡ್‌ಚಂಡುಳ್ಳಾಂಗ್, ನಿಂಗಡ ವಿಷಯತ್‍ನ ಬೋರೆ ಜಾಗತ್‍ಲ್ ಉಳ್ಳ ದೇವಡ ಸಬೇಲ್ ಎಣ್ಣಿತ್ ನಂಗ ಹೊಗಳಿಯಂಡ್ ಉಂಡ್.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

ಇಬ್ರಿಯ 10:36

ನಿಂಗ ದೇವಡ ಚಿತ್ತತ್‍ರನೆಕೆ ಮಾಡಿತ್ ವಾಗ್ದಾನ ಮಾಡ್‍ನದ್‍ನ ಪಡೆಯುವಕ್ ನಿಂಗಕ್ ದುಂಬ ತಾಳ್ಮೆ ಬೋಂಡಿತುಂಡ್.

ಇಬ್ರಿಯ 11:33

ನಂಬಿಕೇರ ಮೂಲಕ ಅಯಿಂಗ ರಾಜ್ಯಂಗಳ ಗೆದ್ದತ್, ನೀತಿಲ್ ಆಳ್ವಿಕೆ ಮಾಡ್‍ಚಿ, ವಾಗ್ದಾನ ಪಡ್ಂದತ್, ಸಿಂಹತ್‍ರ ಬಾಯಿನ ಮುಚ್ಚತ್.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.

ಇಬ್ರಿಯ 5:11

ಈ ಮೆಲ್ಕಿಜೆದೇಕಂಡ ವಿಷಯತ್‍ನ ನಂಗಕ್ ಎಣ್ಣ್‌ವಕ್ ಇಂಞು ದುಂಬ ಉಂಡ್. ಆಚೇಂಗಿ, ಅರ್ಥ ಮಾಡ್‌ವಕ್ ನಿಂಗ ಕಷ್ಟಟಪಡುವಗುಂಡ್ ಆ ವಿಷಯತ್‍ನ ನಿಂಗಕ್ ವಿವರಿಚಿಡುವದ್ ಕಷ್ಟ ಆಪ.

ಇಬ್ರಿಯ 6:15

ಅನ್ನನೆ ಅಬ್ರಹಾಮ ತಾಳ್ಮೆಲ್ ಪಾರಕಾತಂಡಿಂಜಿತ್, ವಾಗ್ದಾನ ಮಾಡ್‍ನದ್‍ನ ಪಡ್ಂದತ್.

ಯಾಕೋಬ 1:3

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ನಂಬಿಕೇರ ಪರೀಕ್ಷೆ, ತಾಳ್ಮೆನ ಪಡಿಪ್‌ಚಿಡ್‌ವಾಂದ್ ನಿಂಗಕ್ ಗೊತ್ತುಂಡ್.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.