ಇಬ್ರಿಯ 6:10 - ಕೊಡವ ಬೈಬಲ್

¹⁰ ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

ಇಬ್ರಿಯ 6:10 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:31

ಗರೀಬನ ಹಿಂಸೆಪಡ್‌ತವಂವೊ ಅಂವೊನ ಸೃಷ್ಟಿ ಮಾಡನಂವೊನ ಕಮ್ಮಿಯಾಯಿತ್‌ ನೋಟಿಯಂಡುಂಡ್. ಗರೀಬಂಗ್‌ ಕರುಣೆ ಕಾಟ್‌ವಂವೊ ಅಂವೊನ ಗನಪಡ್‌ತುವ.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಮತ್ತಾಯ 10:42

ಎಲ್ಲಾ ಶಿಷ್ಯಂಗಕಿಂಜ ಸಾದುವಾನ ಒರ್ ಶಿಷ್ಯಂಗ್, ನಾಡ ಶಿಷ್ಯಾಂದ್ ಗೊತ್ತಾನಗುಂಡ್, ನಿಂಗ, ಒರ್ ಲೋಟ ನೀರ್ ಕೊಡ್‍ತಕ, ಕಂಡಿತವಾಯಿತ್ ಅದ್ಂಡ ಫಲ ಕ್‍ಟ್ಟತೆ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 20:7

ಅದ್ಂಗ್ ಅಯಿಂಗ: ನಂಗಳ ದಾರೂ ಕೆಲಸಕ್ ಕಾಕಿತ್‌ಲ್ಲೇಂದ್ ಎಣ್ಣ್‌ಚಿ. ಅಕ್ಕ ಅಂವೊ ಅಯಿಂಗಳ ನೋಟಿತ್: ಅನ್ನನಾಚೇಂಗಿ ನಿಂಗಳು ನಾಡ ತೋಟತ್‍ಲ್ ಪಣಿಕ್ ಪೋಯೀಂದ್ ಅಯಿಚತ್.

ಮತ್ತಾಯ 25:17

ಅನ್ನನೆ ದಂಡ್ ಬಾಗ ಕ್‍ಟ್ಟ್‌ನಂವೊ, ವ್ಯಾಪಾರ ಮಾಡಿತ್ ಇಂಞು ದಂಡ್ ಬಾಗತ್‍ನ ಸಂಪಾದನೆ ಮಾಡ್‍ಚಿ.

ಮಾರ್ಕ 9:41

ನಿಂಗ ಕ್ರಿಸ್ತಂಡಯಿಂಗಳಾನಗುಂಡ್ ದಾರ್ ನಿಂಗಕ್ ಒರ್ ಲೋಟ ನೀರ್ ಕುಡಿಪಕ್ ತಪ್ಪಾ, ಅಯಿಂಗಕ್ ಕಂಡಿತವಾಯಿತ್ ಅದ್ಂಡ ಫಲ ಕ್‍ಟ್ಟತೆ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 10:31

ಕೊರ್ನೇಲ್ಯನೇ, ನೀಡ ಪ್ರಾರ್ಥನೆ ಪಿಂಞ ಗರೀಬಂಗಕ್ ಮಾಡ್‍ನ ದಾನ ದರ್ಮತ್‍ನ ದೇವ ಕಂಡಿತುಂಡ್.

ಅಪೊಸ್ತಲ 10:4

ಅಂವೊ ಆ ದೂತಂಡ ಮೂಡ್‍ನ ಪೋಡಿಲ್ ನೋಟಿತ್: ಎಂತಾ ಸ್ವಾಮೀಂದ್ ಕ್‍ೕಟತ್. ಅದ್ಂಗ್ ದೇವದೂತ: ನೀಡ ಪ್ರಾರ್ಥನೆಲ್ ಪಿಂಞ ದಾನ ದರ್ಮತ್‍ಲ್ ದೇವ ಕುಶಿ ಪಟ್ಟಿತುಂಡ್. ನೀನ್ ಅಯಿಂಗಕ್ ಮಾಡ್‍ನಾನೆಲ್ಲ ದೇವ, ಅಂವೊಂಗ್ ಮಾಡ್‍ನ ಕಾಣಿಕೆರನೆಕೆ ಸ್ವೀಕಾರ ಮಾಡಿತುಂಡ್.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

2 ಕೊರಿಂಥ 9:1

ದೇವಡ ಮಕ್ಕಕ್ ಮಾಡ್‌ವಕುಳ್ಳ ಪಣ ಸಹಾಯತ್‍ರ ವಿಷಯತ್ ನಿಂಗಕ್ ನಾನ್ ದುಂಬ ಒಳ್‍ದಂಡೂಂದ್ ಇಲ್ಲೆ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 10:32

ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.

1 ಯೋಹಾನ 1:9

ನಂಗ ನಂಗಡ ಪಾಪತ್‍ನ ನೇರಾಯಿತ್ ಅಂವೊಂಡ ಪಕ್ಕ ಒತ್ತಂಡತೇಂಗಿ, ದೇವ ಅಂವೊಂಡ ತಕ್ಕ್‌ನ ಮೀರತೆ, ನಂಗಡ ಪಾಪತ್‍ನ ಮನ್ನಿಚಿಟ್ಟಿತ್ ನಂಗಡಲ್ಲಿ ಉಳ್ಳ ಸಕಲ ಕೆಟ್ಟ ಗುಣತ್‍ನ ಶುದ್ದ ಮಾಡ್‌ವಕ್ ಅಂವೊ ನೀತಿವಂತಂವೊನಾಯಿತ್ ಉಂಡ್.