ಇಬ್ರಿಯ 5:2 - ಕೊಡವ ಬೈಬಲ್

² ಅಂವೊನು ಸಹ, ದೇವಡ ಕೂಡೆ ಉಳ್ಳ ಐಕ್ಯತ್‍ಲ್ ಚಾಯಿ ಇಲ್ಲತಂವೊನಾನಗುಂಡ್, ಜ್ಞಾನ ಇಲ್ಲತಯಿಂಗಕು, ಪಾಳ್ ಬಟ್ಟೇಲ್ ಪೋಯಂಡಿಪ್ಪಯಿಂಗಕು ಕನಿಕರ ಕಾಟ್‍ವಂವೊನಾಯಿತುಂಡ್.

ಇಬ್ರಿಯ 5:2 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

2 ಕೊರಿಂಥ 11:30

ನಾನ್ ಹೊಗಳ್‌ಚಿಡ್‍ವದಾಚೇಂಗಿ, ನಾಕ್ ಎದ್‍ಲ್ ಬಲ ಇಲ್ಲತ ಉಂಡೋ ಅದ್‍ಲ್ ಹೊಗಳ್‌ಚಿಡುವಿ.

2 ಕೊರಿಂಥ 12:5

ಇಂವೊಂಡ ವಿಷಯತ್ ಹೊಗಳುವಿ; ಆಚೇಂಗಿಯು ನಾಡ ವಿಷಯತ್, ನಾಡ ಬಲಹೀನವಾನ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುಲೆ.

ಗಲಾತ್ಯ 4:13

ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನದ್ ನಿಂಗಕ್ ಗೊತ್ತುಂಡಲ್ಲ.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.

ಇಬ್ರಿಯ 12:13

ನಡ್‍ಪಕಾಯಿತ್ ಬಟ್ಟೇನ ಚಾಯಿ ತಯಾರ್ ಮಾಡಿಯೊಳಿ, ಅಕ್ಕ ಬಲ ಇಲ್ಲತಯಿಂಗ ಪಿಂಞ ಕುಂಟಂಗ ನಡ್‍ಪಕ ಬುದ್ದ್‌ಪೋಕತೆ, ಅಯಿಂಗ ವಾಸಿಯಾಪ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 2:18

ಅನ್ನನೆ, ಅಂವೊ ತಾನೆ ಪರೀಕ್ಷೆಪಟ್ಟಿತ್ ಕಷ್ಟಪಟ್ಟಗುಂಡ್, ನಂಗಕ್ ಪರೀಕ್ಷೆ ಬಪ್ಪಕ, ಸಹಾಯ ಮಾಡ್‌ವಕ್ ಶಕ್ತಿವಂತಂವೊನಾಯಿತುಂಡ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 7:28

ನ್ಯಾಯಪ್ರಮಾಣ, ಬಲ ಇಲ್ಲತ ಮನುಷ್ಯಂಗಳ ಯಾಜಕಂಗಳಾಯಿತ್ ನೇಮಿಚಿಟ್ಟತ್, ನ್ಯಾಯಪ್ರಮಾಣತ್‍ರ ಕಾಲಕ್ ಬಯ್ಯ ಬಂದಿತುಳ್ಳ ಆಣೆರ ತಕ್ಕ್, ಕಾಲಕಾಲಕು ಪೂರ್ತಿಯಾಯಿತ್ ಮಾಡಿತುಳ್ಳ ದೇವಡ ಮೋಂವೊನ ಯಾಜಕನಾಯಿತ್ ನೇಮಿಚಿಟ್ಟತ್.

ಇಬ್ರಿಯ 9:7

ದಂಡನೆ ಕೋಂಬರೆರ ಒಳ್‍ಕ್ ಮಹಾ ಯಾಜಕ ಮಾತ್ರ, ಕಾಲಕ್ ಒಮ್ಮ ಚೋರೆನ ಕೈಯಿಲ್ ಎಡ್‍ತಂಡ್ ಒಳ್‍ಕ್ ಪೋಪ. ಆ ಚೋರೆನ ತಾಂಗಾಯಿತ್ ಪಿಂಞ ಜನ ಮಾಡ್‍ನ ಪಾಪಕಾಯಿತ್ ಅರ್ಪಿಚಿಡುವ.

ಯಾಕೋಬ 5:19

ನಾಡ ಅಣ್ಣತಮ್ಮಣಂಗಳೇ, ನಿಂಗಡಲ್ಲಿ ಒಬ್ಬ ದೇವಡ ಸತ್ಯತ್ಂಜ ದೂರ ಪೋಯಿತ್ ಪಾಳಾಯಿಪೋಯಂಡಿಪ್ಪಕ, ಅಂವೊನ ಇಂಞೊಬ್ಬ ನಲ್ಲ ಬಟ್ಟೇಕ್ ಕಾಕಿಯಂಡ್ ಬಾತೇಂಗಿ,

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.