ಇಬ್ರಿಯ 5:12 - ಕೊಡವ ಬೈಬಲ್

¹² ನಿಂಗಡ ಕ್ರಿಸ್ತ ಬದ್‍ಕ್‍ನ ನೋಟ್‍ಚೇಂಗಿ, ಇಕ್ಕ ನಿಂಗ ಉಪಾದ್ಯಂಗಳಾಯಿತ್ ಇಕ್ಕಂಡು. ಆಚೇಂಗಿ ನಿಂಗಕೇ, ದೇವಡ ವಾಕ್ಯತ್‍ರ ಅಡಿಪಾಯತ್‍ನ ಬೋರೆಯಿಂಗ ಬೋದನೆ ಮಾಡ್‌ವನೆಕೆ ಉಂಡ್. ನಿಂಗ ಪಾಲ್ ಕುಡಿಪ ಕುಂಞಿರನೆಕೆ ಉಳ್ಳಿರ, ಗಟ್ಟಿಯಾನ ಆಹಾರತ್‍ನ ಉಂಬಕ್ ಕಯಿಂಜಂಡಿಲ್ಲೆ.

ಇಬ್ರಿಯ 5:12 ပူးပေါင်းရင်းမြစ်များ

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮಾರ್ಕ 9:19

ಅದ್ಂಗ್ ಯೇಸು: ನಂಬಿಕೆ ಇಲ್ಲತ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

1 ಕೊರಿಂಥ 14:19

ಆಚೇಂಗಿಯು, ಸಬೆರ ಆರಾದನೆಕ್ ಬಪ್ಪಕ, ಜನಕ್ ಗೊತ್ತಿಲ್ಲತ ಬಾಷೆಲ್ ಪತ್ತಾಯಿರ ತಕ್ಕ್ ಪರಿಯುವಕಿಂಜ, ಜನಕ್ ಬುದ್ದಿ ಎಣ್ಣುವನೆಕೆ, ಅಯಿಂಗಕ್ ಗೊತ್ತುಳ್ಳ ಬಾಷೆಲ್ ಒರ್ ಅಂಜ್ ತಕ್ಕ್ ಪರಿವದ್ ನಾಕ್ ದುಂಬ ಕುಶಿ.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

ಗಲಾತ್ಯ 4:3

ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್‌ಪ್ಪಕ, ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್.

ಫಿಲಿಪ್ಪಿ 3:1

ನಾಡ ಅಣ್ಣತಮ್ಮಣಂಗಳೇ, ಆಕೀರ್‌ಕ್ ನಿಂಗಡ ಪಕ್ಕ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಿಂಗ ಕ್ರಿಸ್ತಂಗ್ ಸ್ವಂತವಾನಗುಂಡ್ ಕುಶಿ ಪಡಿರಿ. ಪುನಃ ಪುನಃ ನಾನ್ ಇನ್ನನೆ ಒಳ್‍ದ್‍ವಕ್ ನಾಕ್ ಕಷ್ಟ ಆಪುಲೆ. ಇದ್‍ನ ಒಳ್‍ದ್‍ವದ್ ನಿಂಗಕ್ ನಲ್ಲದ್‍ೕಂದ್ ಗೇನ ಮಾಡಿಯೊಳಿ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

ಇಬ್ರಿಯ 10:32

ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

ಇಬ್ರಿಯ 5:11

ಈ ಮೆಲ್ಕಿಜೆದೇಕಂಡ ವಿಷಯತ್‍ನ ನಂಗಕ್ ಎಣ್ಣ್‌ವಕ್ ಇಂಞು ದುಂಬ ಉಂಡ್. ಆಚೇಂಗಿ, ಅರ್ಥ ಮಾಡ್‌ವಕ್ ನಿಂಗ ಕಷ್ಟಟಪಡುವಗುಂಡ್ ಆ ವಿಷಯತ್‍ನ ನಿಂಗಕ್ ವಿವರಿಚಿಡುವದ್ ಕಷ್ಟ ಆಪ.

ಇಬ್ರಿಯ 5:13

ಪಾಲ್ ಮಾತ್ರ ಕುಡಿಪಯಿಂಗ ಕುಂಞಿಯಾಯಿತ್ ಉಳ್ಳಗುಂಡ್, ನೀತಿರ ವಾಕ್ಯತ್‍ರ ಬೋದನೆ ಅಯಿಂಗಕ್ ಅಬ್ಯಾಸ ಇಲ್ಲೆ.

ಇಬ್ರಿಯ 6:1

ಆನಗುಂಡ್, ಕ್ರಿಸ್ತಂಡ ವಿಷಯತ್ ನಿಂಗ ಕ್‍ೕಟಿತುಳ್ಳ ಅಡಿಪಾಯತ್‍ರ ಬೋದನಲೇ ನಂಗ ನಿಂದಂಡಿಪ್ಪಕ್ಕಾಗ. ಅದ್ಂಡ ಬದ್‍ಲ್, ನಂಗಳ ಚಾವ್‍ಕ್ ಬಲ್‍ಚಂಡ್ ಪೋಪ ಪಾಪತ್‍ರ ಕೆಲಸತ್‍ನ ಕಳೆಯುವ ಪಶ್ಚಾತಾಪ, ದೇವಡ ಮೇಲೆ ಇಡ್‌ವ ನಂಬಿಕೆ,

1 ಪೇತ್ರ 2:2

ಒರ್ ಪುಟ್ಟ್‌ನ ಕುಂಞಿರನೆಕೆ, ರಕ್ಷಣೆಲ್ ಬೊಳಿಯುವಕ್, ಆತ್ಮೀಯ ಪಾಲಾಯಿತ್ ಉಳ್ಳ ಶುದ್ದವಾನ ದೇವಡ ವಾಕ್ಯತ್‍ನ ಕುಡಿಪಕ್ ಕುಶಿಪಡಿ.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.