ಇಬ್ರಿಯ 4:3 - ಕೊಡವ ಬೈಬಲ್

³ ನಂಬ್‍ನ ನಂಗ ಆ ಆರಾಮ್‍ರ ಜಾಗಕ್ ಬಂದಂಡುಂಡ್; ದೇವಡ ಕ್ರಿಯೆ ಈ ಲೋಕಕ್ ಅಡಿಪಾಯ ಇಟ್ಟ ಕಾಲತ್ಂಜ ಪೂರ್ತಿಯಾಯಿತ್ಂಜತ್. ಆಚೇಂಗಿಯು, ಈ ಜನ ಆರಾಮ್‍ಲ್ ಇಪ್ಪಕ್ ನಾನ್ ತಪ್ಪ ಜಾಗಕ್ ಕಂಡಿತವಾಯಿತ್ ಎತ್ತುಲೇಂದ್ ನಾಡ ಚೆಡಿಲ್ ಆಣೆ ಇಟ್ಟಿಯೇಂದ್ ದೇವ ಎಣ್ಣ್‌ಚಿ.

ಇಬ್ರಿಯ 4:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:31

ಅಕ್ಕ ದೇವ ತಾನ್‌ ಸೃಷ್ಟಿ ಮಾಡ್‌ನ ಎಲ್ಲಾನ ಕಂಡತ್, ಅದ್‌ ದುಂಬ ಚಾಯತೆ ಇಂಜತ್. ಇನ್ನನೆ ಬಯಿಟ್ ಪೋಯಿತ್‌ ಪೊಲಾಕ ಆಪಕ, ಅದ್‌ ಆರನೆ ದಿವಸವಾಚಿ.

ಮತ್ತಾಯ 13:35

ನಾನ್ ಕಥೇರ ರೂಪತ್‌ಲ್ ತಕ್ಕ್ ಪರಿಯುವಿ; ಬೂಲೋಕ ಸೃಷ್ಟಿ ಆಪಕಿಂಜ ಮಿಂಞ ಗುಟ್ಟಾಯಿತ್ಂಜಾನೆಲ್ಲ ಅರ್ಥ ಮಾಡಿ ತಪ್ಪೀಂದ್, ಪ್ರವಾದಿ ಎಣ್ಣ್‌ನದ್ ಇಕ್ಕ ನೆರವೇರ್‍ಚಿ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಇಬ್ರಿಯ 3:11

ಈ ಜನ ಆರಾಮ್‍ಲ್ ಇಪ್ಪಕ್ ನಾನ್ ತಪ್ಪ ಜಾಗಕ್ ಕಂಡಿತವಾಯಿತ್ ಎತ್ತುಲೇಂದ್ ನಾಡ ಚೆಡಿಲ್ ಆಣೆ ಇಟ್ಟಿಯೆ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 9:26

ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.

1 ಪೇತ್ರ 1:20

ಅಂವೊ, ಬೂಲೋಕ ಉಂಟಾಪಕ್ ಮಿಂಞಲೇ ಗೊತ್ತ್ ಮಾಡ್‍ನಂವೊನಾಯಿತ್ಂಜತ್. ಆಚೇಂಗಿ, ಈ ಆಕೀರ್ ಕಾಲತ್‍ಲ್ ಅಂವೊಂಡ ಮೂಲಕ ನಿಂಗಕಾಯಿತ್ ಕಾಂಬ್‍ಚಿಟ್ಟತ್.