ಇಬ್ರಿಯ 4:2 - ಕೊಡವ ಬೈಬಲ್

² ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.

ಇಬ್ರಿಯ 4:2 ပူးပေါင်းရင်းမြစ်များ

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ರೋಮ್ 2:25

ನಿಂಗ ನ್ಯಾಯಪ್ರಮಾಣ ಎಣ್ಣುವನೆಕೆ ನಡ್ಂದತೇಂಗಿ, ಸುನ್ನತಿ ಮಾಡ್‍ನದ್ ಪ್ರಯೋಜನವಾಪ. ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್ಂದತೇಂಗಿ, ನಿಂಗಕ್ ಮಾಡ್‍ನ ಸುನ್ನತಿ, ಮಾಡತನೆಕೆ ಆಯಿಪೋಪ.

ರೋಮ್ 3:3

ಅಯಿಂಗಡಲ್ಲಿ ಚೆನ್ನ ಜನ ನಂಬತೆ ಪೋಚೇಂಗಿಯು ಎಂತ? ಅಯಿಂಗಡ ಅಪನಂಬಿಕೆ ದೇವಡ ನಂಬಿಕಸ್ತನಾಯಿತ್‌ಪ್ಪ ಗುಣತ್‍ನ ಪಾಳ್ ಮಾಡ್‌ವಕ್ ಕಯ್ಯುವ?

1 ಕೊರಿಂಥ 13:3

ನಾಡ ಪಕ್ಕ ಉಳ್ಳ ಎಲ್ಲಾನ ಕೊಡ್‍ಪಕ್ ಮನಸ್ಸ್ ಇಂಜತೇಂಗಿಯು, ಅದ್ ಮಾತ್ರ ಅಲ್ಲತೆ, ನಾಡ ತಡೀನ ಚುಡ್‌ವಕ್ ಕೊಡ್‍ಪಕ್ ಮನಸ್ಸ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾಕ್ ಒರ್ ಪ್ರಯೋಜನವು ಇಲ್ಲೆ.

ಗಲಾತ್ಯ 3:2

ನಾನ್ ನಿಂಗಳ ಒಂದ್ ಕ್‍ೕಪಿ; ನಿಂಗ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಗುಂಡ್ ನಿಂಗಕ್ ಪವಿತ್ರಾತ್ಮ ಕ್‍ಟ್ಟ್‌ಚಾ ಅಥವ ನಿಂಗ ಯೇಸು ಕ್ರಿಸ್ತಂಡ ವಿಷಯ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಕ್‍ಟ್ಟ್‌ಚಾ?

ಗಲಾತ್ಯ 3:8

ಇದ್‍ಲ್ಲತೆ, ದೇವ ನಂಬಿಕೇರಗುಂಡ್ ಯೆಹೂದ್ಯ ಅಲ್ಲತೆ ಬೋರೆ ಜನಳ ನೀತಿವಂತಯಿಂಗಳಾಯಿತ್ ಮಾಡ್‌ವಾಂದ್ ದೇವಡ ವಾಕ್ಯ ಮಿಂಞಲೇ ಗೊತ್ತ್ ಮಾಡ್‍ಚಿ. ಆನಗುಂಡ್ ದೇವ ಅಬ್ರಹಾಮಂಗ್ ನೀಡಗುಂಡ್ ಲೋಕತ್‍ರ ಎಲ್ಲಾ ಜಾತಿಯಕ್ ಆಶೀರ್ವಾದ ಕ್‍ಟ್ಟ್‌ವಾಂದ್ ಮಿಂಞಲೇ ಈ ನಲ್ಲ ಸುದ್ದಿನ ಎಣ್ಣ್‌ಚಿ.

ಗಲಾತ್ಯ 4:13

ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನದ್ ನಿಂಗಕ್ ಗೊತ್ತುಂಡಲ್ಲ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

ಇಬ್ರಿಯ 4:6

ಆನಗುಂಡ್ ಇಂಞು ಚೆನ್ನ ಜನ ಆರಾಮ್‍ರ ಜಾಗಕ್ ಪ್ರವೇಶ ಮಾಡ್‍ವದ್ ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯವಾಯಿತುಂಡ್. ದೇವಡ ನಲ್ಲ ಸುದ್ದಿನ ಮಿಂಞಲೇ ಕ್‍ೕಟಯಿಂಗ ಅದ್‍ನ ನಂಬಿತ್‌ಲ್ಲೆ, ಅದ್ಂಗಾಯಿತ್ ಪ್ರವೇಶ ಮಾಡಿತ್‌ಲ್ಲೆ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.