ಇಬ್ರಿಯ 3:8 - ಕೊಡವ ಬೈಬಲ್

⁸ ಮಣಬೂಮಿಲ್ ನಿಂಗಡ ಮುತ್ತಜ್ಜಂಗ ನಾಕ್ ಚೆಡಿ ಬಪ್ಪನೆಕೆ ಮಾಡಿತ್, ನನ್ನ ಪರೀಕ್ಷೆ ಮಾಡ್‍ನನೆಕೆ ನಿಂಗ ನಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡತಿ.

ಇಬ್ರಿಯ 3:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:14

ದೇವಡ ಮಿಂಞತ್‌ ಎಕ್ಕಾಲು ಪೋಡಿಚಿಡುವಂವೊ ಆಶೀರ್ವಾದ ಪಡ್‌ಂದಂವೊ. ಆಚೇಂಗಿ ತಾಂಡ ಹೃದಯತ್‌ನ ಕಠಿಣಪಡ್‌ತ್‌ವಂವೊ ಕ್‍ೕಡ್‌ಕ್‌ ಚಿಕ್ಕಿ ಬೂವ.

ಜ್ಞಾನತ್‌ರ ಪಡಿಮ 29:1

ಒಬ್ಬಂಗ್‌ ದುಂಬಕುರಿ ಎಚ್ಚರ ಮಾಡಿತೂ ಅಂವೊ ತನ್ನ ಕಠಿಣ ಮಾಡಿಯಂಡತೇಂಗಿ ಸಹಾಯಯಿಲ್ಲತೆ ಒಮ್ಮಕೆ ನಾಶ ಆಯಿಪೋಪ.

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಅಪೊಸ್ತಲ 19:9

ಆಚೇಂಗಿ, ಚೆನ್ನ ಜನ ತಂಗಡ ಮನಸ್ಸ್‌ನ ಕಠಿಣ ಮಾಡಿಯಂಡ್ ನಂಬುಲೇಂದ್ ಎಣ್ಣ್‌ಚಿ. ಅಯಿಂಗ, ಎಲ್ಲಾಡ ಮಿಂಞತ್ ಈ ಬಟ್ಟೇರ ಬೋದನೆಕ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರ್ಂದಂಡ್ ಇಂಜತ್. ಅಕ್ಕ ಪೌಲ ಸಬಾಮಂದಿರತ್ಂಜ ಪೋಯಿತ್, ಯೇಸುನ ನಂಬ್‍ನಯಿಂಗಳ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ. ಬಯ್ಯ ತುರನ್ನ ಎಣ್ಣುವ ಒಬ್ಬಂಡ ಪಾಠಶಾಲೆಲ್ ಪ್ರತಿ ದಿನ ಚರ್ಚೆ ಮಾಡಿಯಂಡ್ ಬೋದನೆ ಮಾಡ್‍ಚಿ.

ಅಪೊಸ್ತಲ 7:36

ಇಂವೊನೇ ಅಯಿಂಗಳ ಐಗುಪ್ತ ದೇಶತ್ಂಜ ಪೊರಮೆ ಕಾಕಿಯಂಡ್ ಬಂದಂವೊ. ಇಂವೊ, ಐಗುಪ್ತ ದೇಶತ್‍ಲ್, ಚೋಂದ ಸಮುದ್ರತ್‍ರ ಪಕ್ಕ ಪಿಂಞ ನಾಪದ್ ಕಾಲವಾಯಿತ್ ಮಣಬೂಮಿಲ್ ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅಯಿಂಗಳ ನಡ್‍ತಿಯಂಡ್ ಬಾತ್.

1 ಕೊರಿಂಥ 10:9

ಅಯಿಂಗಡಲ್ಲಿ ಚೆನ್ನ ಜನ ಕ್ರಿಸ್ತನ ಪರೀಕ್ಷೆ ಮಾಡ್‍ಚಿ. ಅಯಿಂಗ ಪಾಂಬ್ ಕಡಿಚಿತ್ ಚತ್ತ್ ಪೋಚಿ. ಅನ್ನನೆ ನಂಗಳು ಕ್ರಿಸ್ತನ ಪರೀಕ್ಷೆ ಮಾಡತೆ ಇಕ್ಕನ.