ಇಬ್ರಿಯ 3:5 - ಕೊಡವ ಬೈಬಲ್

⁵ ಮೋಶೆ ಒರ್ ಸೇವಕನಾಯಿತ್ ದೇವಡ ಮನೆಲ್ ಎಲ್ಲಾ ವಿಷಯತ್‍ಲು ಸತ್ಯವಂತಂವೊನಾಯಿತ್ಂಜತ್; ಅಂವೊ, ಬಪ್ಪ ಕಾಲತ್‍ಲ್ ಎಣ್ಣ್‌ವಕುಳ್ಳ ವಿಷಯಂಗಕೆಲ್ಲಾ ಸಾಕ್ಷಿಯಾಯಿತ್ ಇಂಜತ್.

ಇಬ್ರಿಯ 3:5 ပူးပေါင်းရင်းမြစ်များ

ಮತ್ತಾಯ 24:45

ಅನ್ನನಾಚೇಂಗಿ ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಉಂಬಕ್ ಕೂಳ್ ಕೊಡ್‍ಪನೆಕೆ, ಅಯಿಂಗಡ ಮೇಲೆ ಎಜಮಾನ ನೇಮಿಚಿಟ್ಟ ಅದಿಕಾರಿಯಾಯಿತುಳ್ಳ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಮತ್ತಾಯ 25:21

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಲ್ಲ ಪಿಂಞ ನಂಬಿಕಸ್ತನಾನ ಆಳ್. ಚೆರಿಯ ವಿಷಯತ್‍ಲು ನೀನ್ ನಂಬಿಕೆ ಕಾಟಿತುಳ್ಳಿಯ, ನಿನ್ನ ನಾನ್ ಬಲ್ಯ ಕೆಲಸಕ್ ಅದಿಕಾರಿಯಾಯಿತ್ ಮಾಡ್‌ವಿ, ಇಕ್ಕ ಬಾ, ನೀಡ ಎಜಮಾನಂಡ ಕುಶೀಲ್ ಪ್ರವೇಶ ಮಾಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:27

ಪಿಂಞ ಯೇಸು ಅಂವೊಂಡ ವಿಷಯತ್‍ನ ಮೋಶೇರ ನ್ಯಾಯಪ್ರಮಾಣತ್ಂಜ ಪ್ರವಾದಿಯಂಗ ಒಳ್‍ದ್‍ನ ಪುಸ್ತಕಕತ್ತನೆ ದೇವಡ ವಾಕ್ಯತ್‍ಲ್ ಎಂತದೆಲ್ಲ ಒಳ್‍ದಿತುಂಡೋ ಅದ್‍ನೆಲ್ಲ ಅಯಿಂಗಕ್ ವಿವರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 7:37

ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.

ರೋಮ್ 3:21

ಇನ್ನನೆ ಇಪ್ಪಕ, ನ್ಯಾಯಪ್ರಮಾಣ ಇಲ್ಲತೆ, ದೇವಡ ನೀತಿನ ಎಲ್ಲಾರು ಕಾಂಬನೆಕೆ ಮಾಡಿರ್‌ತ್; ಅದ್ಂಡ ವಿಷಯತ್ ನ್ಯಾಯಪ್ರಮಾಣವು, ಪ್ರವಾದಿಯಂಗಳು ಸಾಕ್ಷಿ ಕೊಡ್‍ತಂಡುಂಡ್.

1 ಕೊರಿಂಥ 4:2

ಅನ್ನನೆ ಉಳ್ಳಂವೊ, ಅಂವೊಂಗ್ ಒಪ್ಪ್‌ಚಿಟ್ಟ ವಿಷಯತ್‍ಲ್ ನಂಬಿಕಸ್ತನಾಯಿತ್ ಇಪ್ಪದ್ ಅಂವೊಂಡ ಜವಾಬ್ದಾರಿ ಆಪ.

1 ತಿಮೊಥೆಯ 1:12

ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

ಇಬ್ರಿಯ 1:1

ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.

ಇಬ್ರಿಯ 3:2

ಮೋಶೆ ದೇವಡ ಮನೆಲ್ ಎಲ್ಲಾ ವಿಷಯತ್‍ಲು ಸತ್ಯವಂತಂವೊನಾಯಿತ್ ಇಂಜನೆಕೆ, ಇಂವೊನು ಸಹ ಅಂವೊನ ನೇಮಿಚಿಟ್ಟಂವೊಂಗ್ ಸತ್ಯವಂತಂವೊನಾಯಿತುಂಡ್.

ಇಬ್ರಿಯ 3:4

ಎನ್ನಂಗೆಣ್ಣ್‌ಚೇಂಗಿ, ಏದ್ ಮನೇಕು ಅದ್‍ನ ಕೆಟ್ಟ್‌ವಂವೊ ಒಬ್ಬ ಉಂಡ್, ಆಚೇಂಗಿ, ಎಲ್ಲಾನ ಕೆಟ್ಟ್‌ನಂವೊ ದೇವ ಒಬ್ಬನೇ.

ಇಬ್ರಿಯ 8:5

ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.