ಇಬ್ರಿಯ 3:13 - ಕೊಡವ ಬೈಬಲ್

¹³ ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

ಇಬ್ರಿಯ 3:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

ಯಾಕೋಬ 1:14

ಆಚೇಂಗಿ ಒಬ್ಬೊಬ್ಬನು ತಾಂಡ ಸ್ವಂತ ಇಚ್ಛೆರಗುಂಡ್ ಬಲ್‍ಚಿಪೋಯಿತ್, ಬುದ್ದಿತ್ ಸೋದನೆ ಪಟ್ಟಂಡುಂಡ್.