ಇಬ್ರಿಯ 3:12 - ಕೊಡವ ಬೈಬಲ್

¹² ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

ಇಬ್ರಿಯ 3:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಜ್ಞಾನತ್‌ರ ಪಡಿಮ 1:32

ಪಾಪ ಜನತ್‌ನ (ಸಾದು ಜನತ್‌ನ) ಅಯಿಂಗಡ ಮೂಡತನವೇ ಕೊಂದ್‌ರ್‌ವ, ಮೂಡಂಗ ಅಯಿಂಗಡ ಎಚ್ಚರಯಿಲ್ಲತ ನಡತೆಯಿಂಜ ನಾಶ ಆಯಿಪೋಪ.

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮತ್ತಾಯ 24:4

ಅದ್ಂಗ್ ಯೇಸು: ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್ ಇರಿ.

ಮಾರ್ಕ 13:23

ನಿಂಗ ಎಚ್ಚರತ್‍ಲ್ ಇರಿ! ಇದಾ! ನಾನ್ ಇದ್‍ನೆಲ್ಲ ಆಪಕ್ ಮಿಂಞಲೇ ಎಣ್ಣಿ ತಂದಿಯೆ.

ಮಾರ್ಕ 13:33

ಆ ಕಾಲ ಎಕ್ಕ ಬಪ್ಪಾಂದ್ ನಿಂಗಕ್ ಗೊತ್ತಿಲ್ಲತಗುಂಡ್, ಎಲ್ಲಾರು ಎಚ್ಚರತ್‍ಲ್ ಪಾರಕಾತಂಡ್, ಪ್ರಾರ್ಥನೆ ಮಾಡಿಯಂಡಿರಿ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:8

ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ.

ರೋಮ್ 11:21

ನಾಡ್‍ರ ಒಲಿವ ಮರತ್‍ರ ಕೊಂಬ್‍ನ ದೇವ ತಪ್ಪ್‌ಚಿಡ್‌ವಕ್ ಬುಟ್ಟಿತ್ತ್‌ಲ್ಲೆ. ಅಕ್ಕ, ನಿಂಗಳ ಸಹ ಅಂವೊ ಬುಡ್‍ಲೇಂದ್ ಎಚ್ಚರತ್‍ಲ್ ಇರಂಡು.

1 ಕೊರಿಂಥ 10:12

ಆನಗುಂಡ್ ಒಬ್ಬ, ನಾನ್ ದೇವ ಎಣ್ಣ್‌ವನೆಕೆ ಮಾಡಿಯಂಡುಂಡ್, ದೇವಡ ಮೇಲೆ ಉಳ್ಳ ನಂಬಿಕೇಲ್ ನಾನ್ ದೃಡವಾಯಿತ್ ನಿಂದಂಡುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊ ಅಡಿಕ್ ಬೂವತನೆಕೆ ಎಚ್ಚರತ್‍ಲ್ ಇರಡ್.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.

ಇಬ್ರಿಯ 10:31

ಜೀವವಾಯಿತುಳ್ಳ ದೇವಡ ಕೈಯಿಲ್ ಚಿಕ್ಕಿ ಪೋಪದ್ ಎಚ್ಚಕ್ ಬಯಂಕರವಾಯಿತ್‌ಪ್ಪ.

ಇಬ್ರಿಯ 10:38

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

ಇಬ್ರಿಯ 12:22

ಆಚೇಂಗಿ ನಿಂಗ, ಚೀಯೋನ್‌ ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:10

ಆನಗುಂಡ್, ಆ ಸಂತಾನಕಾರಂಗಡ ಮೇಲೆ ನಾಕ್ ದುಂಬ ಚೆಡಿ ಆಯಿತ್, ಅಯಿಂಗಡ ಹೃದಯ ಎಕ್ಕಾಲು ನನ್ನ ಬುಟ್ಟಿತ್ ಪೋಪ, ನಾಡ ಬಟ್ಟೆ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣಿತ್,

ಇಬ್ರಿಯ 3:19

ಆನಗುಂಡ್, ಅಪನಂಬಿಕೇರಗುಂಡೇ ನಂಗಡ ಮುತ್ತಜ್ಜಂಗ ಆರಾಮ್‍ರ ಜಾಗತ್‍ನ ಎತ್ತ್‌ವಕ್ ಕಯ್ಯತೆ ಆಚೀಂದ್ ನಂಗಕ್ ಗೊತ್ತಾಯಂಡುಂಡ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.