ಇಬ್ರಿಯ 2:8 - ಕೊಡವ ಬೈಬಲ್

⁸ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್ ಇಟ್ಟಿತುಂಡ್‍ೕಂದ್ ಎಣ್ಣ್‌ನ ವಿಷಯತ್, ಅಂವೊ ಅಂವೊಂಡ ಕಾಲ್‍ರ ಅಡಿಕ್ ಇಡತೆ ವಸ್ತು ಒಂದು ಇಲ್ಲೆ; ಅನ್ನನೆ ಇಂಜತೇಂಗಿಯು, ಇಕ್ಕಲು ಸಕಲವು ಅಂವೊಂಡ ಕಾಲ್‍ರ ಅಡಿಕ್ ಬಂದನೆಕೆ ನಂಗ ಕಂಡಂಡಿಲ್ಲೆ.

ಇಬ್ರಿಯ 2:8 ပူးပေါင်းရင်းမြစ်များ

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಯೋಹಾನ 13:3

ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್:

ಯೋಹಾನ 3:35

ಅಪ್ಪನಾನ ದೇವ ತಾಂಡ ಮೋಂವೊನ ಪ್ರೀತಿ ಮಾಡಿತ್, ತಾಂಡ ಮೋಂವೊಂಡ ಕೈಕ್ ಎಲ್ಲಾನ ಒಪ್ಪ್‌ಚಿಟ್ಟತ್.

1 ಕೊರಿಂಥ 15:27

ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ, ದೇವ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್ ಇಡ್‌ವ. ಆಚೇಂಗಿ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್‍ೕಂದ್ ಎಣ್ಣ್‌ವಕ, ಎಲ್ಲಾನ ಕ್ರಿಸ್ತಂಡ ಕಾಲ್‍ರ ಅಡಿಕ್ ಬೂವನೆಕೆ ಮಾಡ್‍ನ ದೇವನ, ಅದ್‍ಲ್ ಕೂಟ್‍ಲೆ.

ಇಬ್ರಿಯ 1:13

ಅದಲ್ಲತೆ, ನಾನ್ ನೀಡ ವಿರೋದಿಯಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳ್‌ತಾಂದ್ ದೇವ ಅಂವೊಂಡ ದೂತಂಗಡಲ್ಲಿ ದಾರ್‍ಕಾಚೇಂಗಿಯು ಎಕ್ಕಾಚೇಂಗಿಯು ಎಣ್ಣಿತುಂಡಾ?

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 2:5

ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ವಿಷಯತ್‍ನ ನಂಗ ತಕ್ಕ್ ಪರ್ಂದಂಡುಂಡಲ್ಲಾ? ಅದ್‍ನ ದೂತಂಗಡ ಅದಿಕಾರತ್‍ರ ಅಡಿಕ್ ದೇವ ಕೊಡ್‍ತಿತ್‌ಲ್ಲೆ.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,