ಇಬ್ರಿಯ 2:17 - ಕೊಡವ ಬೈಬಲ್

¹⁷ ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 2:17 ပူးပေါင်းရင်းမြစ်များ

ರೋಮ್ 15:17

ಆನಗುಂಡ್, ನಾನ್ ದೇವಡ ವಿಷಯತ್‍ಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಹಮ್ಮ್ ಪಡುವಕ್ ಕಯ್ಯು.

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ಎಫೆಸ 2:16

ಅಯಿಂಗಕ್ ವಿರೋದವಾಯಿತ್ ಇಂಜ ಪಗೇನ ಅಂವೊ ಶಿಲುಬೇಲ್ ಚತ್ತಿತ್ ನಾಶ ಮಾಡ್‍ಚಿ; ಅನ್ನನೆ ಈ ದಂಡ್ ಜನತ್‍ನ ಒರೇ ತಡಿಯಾಯಿತ್ ದೇವಡ ಪಕ್ಕ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನತ್‍ನ ಕೊಂಡ್ ಬಾತ್.

ಕೊಲೊಸ್ಸೆ 1:21

ಒರ್ ಕಾಲತ್‍ಲ್ ನಿಂಗ ದೇವಡಯಿಂಜ ಬೋರೆಯಾಯಿತ್ ಪೋಯಿತ್ ಇಂಜಿರ, ನಿಂಗಡ ಗೇನತ್‍ಲ್ ಕೆಟ್ಟದ್‍ನ ಮಾಡಿಯಂಡಿಂಜಗುಂಡ್ ಅಂವೊಂಗ್ ವಿರೋದಿಯಳಾಯಿತ್ ಇಂಜಿರ,

ಇಬ್ರಿಯ 10:21

ಪಿಂಞ ದೇವಡ ಮನೆರ ಮೇಲೆ ಅದಿಕಾರಿಯಾಯಿತುಳ್ಳ ಮಹಾ ಯಾಜಕನಾನ ಒಬ್ಬ ನಂಗಕಾಯಿತ್ ಉಂಡ್.

ಇಬ್ರಿಯ 2:11

ಎನ್ನನೆ ಎಣ್ಣ್‌ಚೇಂಗಿ, ಪವಿತ್ರ ಮಾಡ್‌ವಂವೊನು, ಪವಿತ್ರ ಆಪಯಿಂಗ ಎಲ್ಲಾರ್‌ಕು ಒರೇ ಅಪ್ಪ ಉಂಡ್; ಇದ್‍ನಗುಂಡ್ ಪವಿತ್ರ ಆಪಯಿಂಗಳ ತಾಂಡ ಅಣ್ಣತಮ್ಮಣಂಗಾಂದ್ ಕಾಕುವಕ್ ಯೇಸುಕ್ ಞಾಣ ಆಪುಲೆ.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 2:16

ಅನ್ನನೆ, ಅಂವೊ ದೂತಂಗಕ್ ಸಹಾಯ ಮಾಡತೆ, ಅಬ್ರಹಾಮಂಡ ಸಂತಾನಕಾರಂಗಕ್ ಸಹಾಯ ಮಾಡ್‍ಚಿ.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:2

ಮೋಶೆ ದೇವಡ ಮನೆಲ್ ಎಲ್ಲಾ ವಿಷಯತ್‍ಲು ಸತ್ಯವಂತಂವೊನಾಯಿತ್ ಇಂಜನೆಕೆ, ಇಂವೊನು ಸಹ ಅಂವೊನ ನೇಮಿಚಿಟ್ಟಂವೊಂಗ್ ಸತ್ಯವಂತಂವೊನಾಯಿತುಂಡ್.

ಇಬ್ರಿಯ 3:5

ಮೋಶೆ ಒರ್ ಸೇವಕನಾಯಿತ್ ದೇವಡ ಮನೆಲ್ ಎಲ್ಲಾ ವಿಷಯತ್‍ಲು ಸತ್ಯವಂತಂವೊನಾಯಿತ್ಂಜತ್; ಅಂವೊ, ಬಪ್ಪ ಕಾಲತ್‍ಲ್ ಎಣ್ಣ್‌ವಕುಳ್ಳ ವಿಷಯಂಗಕೆಲ್ಲಾ ಸಾಕ್ಷಿಯಾಯಿತ್ ಇಂಜತ್.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 5:1

ಮನುಷ್ಯಂಗಡಿಂಜ ಗೊತ್ತ್ ಮಾಡ್‍ನ ಏದ್ ಮಹಾ ಯಾಜಕನು, ಮನುಷ್ಯಂಗಕಾಯಿತ್ ದೇವಡ ಕಾರ್ಯತ್‍ನ ಮಾಡ್‌ವಕ್ ನೇಮಿಚಿಟ್ಟಿತುಂಡ್. ಅಂವೊ ಕಾಣಿಕೆ ಪಿಂಞ ಪಾಪಕಾಯಿತ್ ಕೊಡ್‍ಪ ಬಲಿನ ಅರ್ಪಿಚಿಡಂಡು.

ಇಬ್ರಿಯ 5:10

ಮೆಲ್ಕಿಜೆದೇಕಂಡ ನೇಮ ಪ್ರಕಾರ ದೇವ ಅಂವೊನ ಮಹಾ ಯಾಜಕನಾಯಿತ್ ಅರಿಚಿಟ್ಟತ್.

ಇಬ್ರಿಯ 5:2

ಅಂವೊನು ಸಹ, ದೇವಡ ಕೂಡೆ ಉಳ್ಳ ಐಕ್ಯತ್‍ಲ್ ಚಾಯಿ ಇಲ್ಲತಂವೊನಾನಗುಂಡ್, ಜ್ಞಾನ ಇಲ್ಲತಯಿಂಗಕು, ಪಾಳ್ ಬಟ್ಟೇಲ್ ಪೋಯಂಡಿಪ್ಪಯಿಂಗಕು ಕನಿಕರ ಕಾಟ್‍ವಂವೊನಾಯಿತುಂಡ್.

ಇಬ್ರಿಯ 5:5

ಅನ್ನನೆ ಕ್ರಿಸ್ತ ಸಹ ಮಹಾ ಯಾಜಕನಾಯಿತ್ ಅಂವೊನಾಯಿತೇ ಈ ಗನತ್‍ನ ಎಡ್‍ತಿತ್‌ಲ್ಲೆ. ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಎಣ್ಣ್‌ನ ದೇವ, ಕ್ರಿಸ್ತನ ಮಹಾ ಯಾಜಕನಾಯಿತ್ ನೇಮಿಚಿಟ್ಟತ್.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಇಬ್ರಿಯ 7:28

ನ್ಯಾಯಪ್ರಮಾಣ, ಬಲ ಇಲ್ಲತ ಮನುಷ್ಯಂಗಳ ಯಾಜಕಂಗಳಾಯಿತ್ ನೇಮಿಚಿಟ್ಟತ್, ನ್ಯಾಯಪ್ರಮಾಣತ್‍ರ ಕಾಲಕ್ ಬಯ್ಯ ಬಂದಿತುಳ್ಳ ಆಣೆರ ತಕ್ಕ್, ಕಾಲಕಾಲಕು ಪೂರ್ತಿಯಾಯಿತ್ ಮಾಡಿತುಳ್ಳ ದೇವಡ ಮೋಂವೊನ ಯಾಜಕನಾಯಿತ್ ನೇಮಿಚಿಟ್ಟತ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಇಬ್ರಿಯ 8:3

ಎಲ್ಲಾ ಮಹಾ ಯಾಜಕನು ಕಾಣಿಕೆ ಪಿಂಞ ಬಲಿನ ಅರ್ಪಿಚಿಡುವಕಾಯಿತ್ ನೇಮಿಚಿಟ್ಟಿತುಂಡ್; ಆನಗುಂಡ್, ಅರ್ಪಣೆ ಮಾಡ್‌ವಕಾಯಿತ್ ಮಾಹಾ ಯಾಜಕನಾನ ಯೇಸುಕ್ ಸಹ ಎಂತೋ ಒಂದ್ ಬೋಂಡಿಯಿಂಜತ್.

ಇಬ್ರಿಯ 9:11

ಕ್ರಿಸ್ತ ಈ ಲೋಕತ್‍ಲ್ ಬಪ್ಪಕುಳ್ಳ ನಲ್ಲ ವಿಷಯಕ್ ಮಹಾ ಯಾಜಕನಾಯಿತ್ ಬಾತ್. ಈ ಲೋಕತ್‍ರ ಒರ್ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಅಲ್ಲ, ಅದ್ಂಗಿಂಜ ಬಲ್ಯದು ಪೂರ್ಣವಾಯಿತುಳ್ಳದುವಾನ ಗುಡಾರತ್‍ರ ಬಟ್ಟೇಲ್ ಅಂವೊ ಬಾತ್. ಅದ್ ಈ ಸೃಷ್ಟಿರ ಕೂಡೆ ಉಳ್ಳದ್ ಅಲ್ಲ.