ಇಬ್ರಿಯ 2:11 - ಕೊಡವ ಬೈಬಲ್

¹¹ ಎನ್ನನೆ ಎಣ್ಣ್‌ಚೇಂಗಿ, ಪವಿತ್ರ ಮಾಡ್‌ವಂವೊನು, ಪವಿತ್ರ ಆಪಯಿಂಗ ಎಲ್ಲಾರ್‌ಕು ಒರೇ ಅಪ್ಪ ಉಂಡ್; ಇದ್‍ನಗುಂಡ್ ಪವಿತ್ರ ಆಪಯಿಂಗಳ ತಾಂಡ ಅಣ್ಣತಮ್ಮಣಂಗಾಂದ್ ಕಾಕುವಕ್ ಯೇಸುಕ್ ಞಾಣ ಆಪುಲೆ.

ಇಬ್ರಿಯ 2:11 ပူးပေါင်းရင်းမြစ်များ

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 28:10

ಅಕ್ಕ ಯೇಸು ಅಯಿಂಗಳ ನೋಟಿತ್, ನಿಂಗಕ್ ಪೋಡಿ ಬೋಂಡ! ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ಅಯಿಂಗಳ ಗಲಿಲಾಯಕ್ ಪೋಪಕ್ ಎಣ್ಣಿ, ಅಲ್ಲಿ ಅಯಿಂಗ ನನ್ನ ಕಾಂಬಾಂದ್ ಎಣ್ಣ್‌ಚಿ.

ಮಾರ್ಕ 3:34

ಯೇಸು ತಾಂಡ ಸುತ್ತ್‌ಲ್ ಅಳ್‌ತಿತ್ ಉಳ್ಳ ಜನಳ ನೋಟಿತ್, ನೋಟಿ, ಇಲ್ಲಿ ಅಳ್‍ತಿತುಳ್ಳ ಜನಳೇ ನಾಡ ಅವ್ವ, ಅಣ್ಣತಮ್ಮಣಂಗ ಪಿಂಞ ಅಕ್ಕತಂಗೆಯ.

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:26

ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಅಂವೊಂಡ ಮಹಿಮೆಲ್, ಅಂವೊಂಡ ಅಪ್ಪಂಡ ಕೀರ್ತಿಲ್ ಪಿಂಞ ಅಂವೊಂಡ ಪವಿತ್ರ ದೂತಂಗಡ ಕೀರ್ತಿಲ್ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

ಅಪೊಸ್ತಲ 17:28

ದೇವಡ ಮೂಲಕವೇ ನಂಗ ಬದ್‍ಕಿಯಂಡ್, ಪೋಯಂಡ್ ಬಂದಂಡ್ ಉಂಡ್. ನಂಗ ದೇವಡ ಮಕ್ಕಾಂದ್ ನಿಂಗಡ ಒರ್ ಕವಿಯೇ ಒಳ್‍ದಿತುಂಡ್.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.

ಇಬ್ರಿಯ 10:10

ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 10:14

ಎನ್ನಂಗೆಣ್ಣ್‌ಚೇಂಗಿ, ಪವಿತ್ರವಾನಯಿಂಗಳಾಯಿತ್ ಮಾಡ್‍ನಯಿಂಗಳ ಒರೇ ಬಲಿರ ಮೂಲಕ ಇಂವೊ ಎಕ್ಕಾಲು ಪೂರ್ತಿ ಮಾಡಿತುಂಡ್.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಇಬ್ರಿಯ 13:12

ಅನ್ನನೆ ಯೇಸು ಸಹ, ತಾಂಡ ಸ್ವಂತ ಚೋರೆರಗುಂಡ್, ಜನತ್‍ನ ಪವಿತ್ರವಾಯಿತ್ ಮಾಡ್‌ವಕ್, ಊರ್‌ರ ಪಡಿರ ಪೊರಮೆ ಕಷ್ಟಪಟ್ಟತ್.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.