ಇಬ್ರಿಯ 2:1 - ಕೊಡವ ಬೈಬಲ್

¹ ಆನಗುಂಡ್, ನಂಗ ಕ್‍ೕಟಿತುಳ್ಳ ವಿಷಯತ್ಂಜ ಜಾರತನೆಕೆ, ಅದ್‍ನ ದುಂಬ ಎಚ್ಚರತ್‍ಲ್ ನೋಟಂಡು.

ಇಬ್ರಿಯ 2:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 3:21

ನಾಡ ಮೋನೇ, ನೇರಾನ ಜ್ಞಾನತ್‌ನ ಪಿಂಞ ನಲ್ಲ ಆಲೋಚನೇನ ಬದ್ರವಾಯಿತ್‌ ಬೆಚ್ಚ, ಅದ್‌ ನೀಡ ಕಣ್ಣ್‌ಯಿಂಜ ದೂರ ಪೋಪಕ್‌ ಬುಡತೆ.

ಮತ್ತಾಯ 16:9

ಇಂಞು ನಿಂಗಕ್ ಗೊತ್ತ್‌ಲ್ಲೆಯಾ? ನಾಡ ಪಕ್ಕ ಇಂಜ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ನಾನ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಇಂಜತ್?

ಮಾರ್ಕ 8:18

ನಿಂಗಕ್ ಕಣ್ಣ್ ಇಂಜಿತು ಕಾಂಬ್‌ಲೆಯಾ? ನಿಂಗಕ್ ಕೆಮಿ ಇಂಜಿತು ಕ್‍ೕಪ್‌ಲೆಯಾ? ನಿಂಗ ಮರ್ಂದ್ ಪೋಯಿತುಳ್ಳಿರಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:15

ನಲ್ಲ ಮಣ್ಣ್‌ಕ್ ಬಿತ್ತ್‌ನ ಜನ ಕುಶೀಲ್ ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್‍ನ ಅಯಿಂಗಡ ನಲ್ಲ ಪಿಂಞ ಸತ್ಯವಾನ ಹೃದಯತ್‍ಲ್ ಬೆಚ್ಚಿತ್ ತಾಳ್ಮೆಯಿಂಜ ಫಲ ಕೊಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:44

ಈ ತಕ್ಕ್‌ನ ಚಾಯಿತೆ ಕ್‍ೕಳಿ; ಮನುಷ್ಯಕುಮಾರನ ಪುಡ್‌ಚಿತ್ ಮನುಷ್ಯಂಗಡ ಕೈಕ್ ಕೊಡ್‍ಪಾಂದ್ ಎಣ್ಣ್‌ಚಿ.

ಯೋಹಾನ 8:59

ಅಕ್ಕ, ಅಯಿಂಗ ಯೇಸುರ ಮೇಲೆ ಕಲ್ಲ್ ಕನಿಪಕ್, ಕಲ್ಲ್‌ನ ಎಡ್‍ತಿತ್ ನೋಟಿಯಂಡ್ ಇಂಜತ್. ಆಚೇಂಗಿ ಯೇಸು ಅಯಿಂಗಡ ಕಣ್ಣ್‌ಕ್ ಕಾಂಗತನೆಕೆ ದೇವಾಲಯತ್‍ನ ಬುಟ್ಟಿತ್ ಪೊರಮೆ ಪೋಯಿರ್‌ತ್.

ಇಬ್ರಿಯ 12:5

ನಾಡ ಮೋನೇ, ಒಡೆಯಂಡ ಶಿಕ್ಷೆನ ನೀನ್ ಸಾದಾರಣವಾಯಿತ್ ಗೇನ ಮಾಡತೆ, ಅಂವೊ ಜೋರ್‍ಮಾಡ್‌ವಕ, ತಳ್ಂದ್ ಪೋಪಕ್ಕಾಗ.

2 ಪೇತ್ರ 1:15

ಆನಗುಂಡ್, ನಾನ್ ಈ ಲೋಕತ್ಂಜ ಪೋನ ಪಿಂಞ ನಿಂಗ ಇದ್‍ನೆಲ್ಲಾ ಗೇನತ್‍ಲ್ ಬೆಚ್ಚಂಡಿಪ್ಪಕಾಯಿತ್ ಪ್ರಯತ್ನಪಟ್ಟಂಡುಂಡ್.

2 ಪೇತ್ರ 3:1

ಪ್ರೀತಿರ ಜನಳೇ, ನಾನ್ ನಿಂಗಕ್ ಇಕ್ಕ ಒಳ್‍ದ್‍ವದ್ ದಂಡನೆ ಕಾಗದ. ನಾನ್ ಒಳ್‍ದ್‍ನ ಈ ದಂಡ್ ಕಾಗದ‍ತ್‍ಲು, ನಿಂಗಡ ಮನಸ್ಸ್‌ರ ಞಾಪಕತ್‍ನ ಎಪ್ಪ್‌ಚಿಡ್‌ವಕ್ ಪಿಂಞ ಚೆನ್ನ ವಿಷಯತ್‍ನ ಗೇನ ಮಾಡ್‍ಚಿಡ್‌ವಕ್ ನಾನ್ ಪೇಚಾಡಿಯಂಡುಂಡ್.