ಇಬ್ರಿಯ 13:5 - ಕೊಡವ ಬೈಬಲ್

⁵ ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್‌ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್‍ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!

ಇಬ್ರಿಯ 13:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 28:15

ನಾನ್‌ ನೀಡ ಕೂಡೆ ಇಂಜಿತ್, ನೀನ್‌ ಪೋಪ ಜಾಗತ್‌ಲೆಲ್ಲ ನಾನ್‌ ನಿನ್ನ ಕಾಪಾಡಿತ್, ನಿನ್ನ ಈ ದೇಶಕ್‌ ಪುನಃ ತಿರಿತ್‌ ಕೊಂಡ ಬಪ್ಪಿ. ನಾನ್‌ ನೀಕ್‌ ವಾಗ್ದಾನ ಮಾಡ್‌ನದೆಲ್ಲ ನೆರವೇರಿಚಿಡುವಕತ್ತನೆ ನಿನ್ನ ನಾನ್‌ ಕೈ ಬುಡೆಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 30:31

ಅದ್‌ಂಗ್‌ ಲಾಬಾನ: ನಾನ್‌ ನೀಕ್‌ ಎಂತ ತರಂಡೂಂದ್‌ ಎಣ್ಣ್‍ೕಂದ್‌ ಎಣ್ಣ್‌ಚಿ. ಯಾಕೋಬ: ನಾಕ್‍ ನೀನ್‌ ಒಂದೂ ತರಂಡ. ನಾನ್‌ ಎಣ್ಣ್‌ವನೆಕೆ ನೀನ್‌ ಮಾಡ್‌ಚೇಂಗಿ, ನೀಡ ಎತ್ತ್‌ಕಡ್‌ಚಿಯಳ ನಾನ್‌ ಕಾಪಿ.

ಆದ್ಯತ್‌ರ ಪುಸ್ತಕ 31:5

ಅಯಿಂಗಳ ನೋಟಿತ್: ನಿಂಗಡ ಅಪ್ಪ ಮಿಂಞತ್‌ರನೆಕೆ ಇಲ್ಲೆ. ನಾಡ ವಿಷಯತ್‌ ಅಂವೊಂಡ ಗುಣ ದಂಡ್‌ ಮೂಂದ್‌ ದಿವಸಕ್‌ ಮಿಂಞ ಇಂಜನೆಕೆ ಇಲ್ಲತೆ ಬದ್‌ಲಾಯಿತ್‌ ಉಳ್ಳದ್‌ನ ಕಂಡಂಡುಳ್ಳ. ಆಚೇಂಗಿ ನಾಡ ಅಪ್ಪಂಡ ದೇವ ನಾಡ ಕೂಡೆ ಉಂಡ್.

ಜ್ಞಾನತ್‌ರ ಪಡಿಮ 23:4

ಐಶ್ವರ್ಯವಂತನಾಂಡೂಂದ್‌ ನಯಿಚಿತ್‌ ಪ್ರಯತ್‌ನ ಪಡತೆ; ನೀಡ ಸ್ವಂತ ಬುದ್ದಿರ ಮೇಲೆ ನಂಬಿಕೆ ಇಡತೆ.

ಮತ್ತಾಯ 6:19

ನಿಂಗಡ ಐಶ್ವರ್ಯತ್‍ನ ಈ ಬೂಲೋಕತ್‍ಲ್ ಕೂಟಿ ಬೆಕ್ಕತಿ. ಇಲ್ಲಿ ಕೆದ ಪಿಂಞ ಕಿಲ್ಂಬ್ ಅದ್‍ನ ಪಾಳ್ ಮಾಡ್‌ವ; ಪಿಂಞ ಕಳ್ಳಂಗ ಪಡಿನ ಪೊಳ್‌ಚಿತ್ ಕಟ್ಟಂಡ್ ಪೋಯಿರುವ.

ಮತ್ತಾಯ 6:25

ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಮತ್ತಾಯ 6:34

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಮಾರ್ಕ 7:22

ಬೋಂಡತಾಸೆ, ಎಲ್ಲಾ ಕೆಟ್ಟ ಕೆಲಸ, ಮೋಸ, ಅಯೋಗ್ಯತನ, ಒಟ್ಟೆಕಿಚ್ಚ್, ಬೈಗಳ, ಹಮ್ಮ್, ಬುದ್ದಿ ಕೆಟ್ಟ ಗುಣ ಎಲ್ಲಾ ಮನುಷ್ಯಂಗಡ ಹೃದಯತ್ಂಜೆ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:14

ಚೆನ್ನ ಸಿಪಾಯಿಯ ಬಂದಿತ್: ನಂಗ ಎಂತ ಮಾಡಂಡೂಂದ್ ಕ್‍ೕಟತ್. ಅದ್ಂಗ್ ಅಂವೊ: ನಿಂಗ ದಾರ್‌ಕು ತೊಂದರೆ ಕೊಡ್‍ಕತೆ, ಕುತ್ತಪರಿಯತೆ, ದಾಡಗುಂಡ್ ಜಾಸ್ತಿ ದುಡ್ಡ್ ಎಡ್‍ಕತೆ, ನಿಂಗಕ್ ಎಚ್ಚಕ್ ಸಂಬಳ ಉಂಡೋ ಅದ್‍ಲ್ ತೃಪ್ತಿ ಪಟ್ಟೊಳೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

1 ಕೊರಿಂಥ 5:11

ನಾನ್ ನಿಂಗಕ್ ಎಂತ ಒಳ್‍ದಿಯೆ ಎಣ್ಣ್‌ಚೇಂಗಿ, ಯೇಸು ಕ್ರಿಸ್ತನ ನಂಬ್‍ವಂವೋಂದ್ ಎಣ್ಣಿಯಂಡ್, ಆಚೇಂಗಿ ವ್ಯಬಿಚಾರ ಮಾಡಿಯಂಡ್, ದುಡ್ಡ್‌ರ ಮೇಲೆ ಅತಿ ಆಸೆ ಬೆಚ್ಚಂಡ್, ವಿಗ್ರಹ ಆರಾದನೆ ಮಾಡಿಯಂಡ್, ಬಜ್ಜಂಡ್, ಕುಡ್‌ಚಂಡ್, ಜನಳ ವಂಚನೆ ಮಾಡಿಯಂಡ್ ಉಳ್ಳಯಿಂಗಡ ಕೂಡೆ ಕೂಟ್ ಕೂಡತೀಂದ್ ಎಣ್ಣಿಯೆ. ಅಂತ ಜನಡ ಕೂಡೆ ಉಂಬಕ್ ಸಹ ಅಳ್‌ಕತಿ.

1 ಕೊರಿಂಥ 6:10

ಕಳ್ಳಂಗ, ಅತಿ ಆಸೆ ಉಳ್ಳಯಿಂಗ, ಕುಡ್‍ಕಂಗ, ತಪ್ಪಿಲ್ಲತದ್‍ನ ತಪ್ಪ್‍ೕಂದ್ ಎಣ್ಣ್‌ವಯಿಂಗ, ಲೂಟಿಕಾರಂಗ, ಈಂಗ ದಾರೂ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೆ.

2 ಕೊರಿಂಥ 4:9

ಹಿಂಸೆ ಪಟ್ಟಂಡುಂಡೇಂಗಿಯು, ಕೈ ಬುಟ್ಟ ಜನಾಂಗ ಅಲ್ಲ; ಅಡಿಕ್ ತಳ್ಳ್‌ಚೇಂಗಿಯು, ನಾಶ ಆಯಂಡಿಲ್ಲೆ.

ಎಫೆಸ 5:3

ದೇವಡ ಮಕ್ಕಕ್ ಯೋಗ್ಯವಲ್ಲತ ಏದ್ ಲೈಂಗಿಕ ಪಾಪವು, ಅಶುದ್ದ ಕಾರ್ಯವು, ಏದ್ ಬೋಂಡತ ಆಸೆಯು, ಇದ್ಂಡ ಪೆದ ಸಹ ನಿಂಗಡ ಮದ್ಯತ್‍ಲ್ ಇಪ್ಪಕ್ಕಾಗ.

ಎಫೆಸ 5:5

ವ್ಯಬಿಚಾರ ಮಾಡ್‌ವಯಿಂಗ, ಅಶುದ್ದ ಕಾರ್ಯ ಮಾಡ್‌ವಯಿಂಗ, ಅತಿ ಆಸೆಯಾನ ವಿಗ್ರಹ ಆರಾದನೆ ಮಾಡ್‌ವಯಿಂಗಳಾನ ಈಂಗ ದಾರ್‌ಕು ದೇವಡ ರಾಜ್ಯವಾಯಿತುಳ್ಳ ಕ್ರಿಸ್ತಂಡ ರಾಜ್ಯತ್‍ಲ್ ಬಾದ್ಯತೆ ಇಲ್ಲೇಂದ್ ನಿಂಗಕ್ ಗೊತ್ತುಂಡಲ್ಲ?

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.