ಇಬ್ರಿಯ 13:24 - ಕೊಡವ ಬೈಬಲ್

²⁴ ನಿಂಗಳ ನಡ್‌ತ್‌ವಯಿಂಗಕ್ ಪಿಂಞ ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ ನಂಗಡ ವಂದನೆ ಎಣ್ಣಿ. ಇತಾಲ್ಯ ದೇಶತ್‍ಲ್ ಉಳ್ಳ ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಇಬ್ರಿಯ 13:24 ပူးပေါင်းရင်းမြစ်များ

ಅಪೊಸ್ತಲ 18:2

ಯೆಹೂದ್ಯ ಜನಯೆಲ್ಲ ರೋಮ್ ರಾಜ್ಯತ್‍ರ ಪ್ರಾಂತ್ಯತ್‍ನ ಬುಟ್ಟಿತ್ ಬೋರೆ ಜಾಗಕ್ ಪೋಂಡೂಂದ್ ಕ್ಲೌದ್ಯ ಚಕ್ರವರ್ತಿ ಹುಕುಮ್ ಕೊಡ್‌ತಿತ್ಂಜತ್. ಆನಗುಂಡ್ ಇತಾಲ್ಯ ರಾಜ್ಯತ್ಂಜ ಬಂದಿತ್ಂಜ, ಪೊಂತ ದೇಶತ್‍ಲ್ ಪುಟ್ಟ್‌ನಂವೊನಾನ ಅಕ್ವಿಲ ಎಣ್ಣುವ ಒರ್ ಯೆಹೂದ್ಯ ಪಿಂಞ ಅಂವೊಂಡ ಪೊಣ್ಣ್ ಪ್ರಿಸ್ಕಿಲ್ಲ ಪುದಿಯದಾಯಿತ್ ಕೊರಿಂಥ ಪಟ್ಟಣಕ್ ಬಂದಿತ್ಂಜತ್. ಪೌಲಂಗ್ ಅಯಿಂಗಳ ಪರಿಚಯ ಆಚಿ.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

1 ಕೊರಿಂಥ 16:16

ಇನ್ನನೆ ಉಳ್ಳಯಿಂಗಕು, ಅಯಿಂಗಡ ಕೂಡೆ ದೇವಡ ಸೇವೇನ ಕಷ್ಟಟತ್‍ಲ್ ಮಾಡಿಯಂಡುಳ್ಳ ಸೇವಕಂಗಕೂ, ಅಯಿಂಗ ಎಣ್ಣ್‌ವಾನ ಕ್‍ೕಟಿತ್ ಅದ್ಂಗ್ ಬಗ್ಗಿತ್ ನಡ್‍ಕಂಡೂಂದ್ ನಿಂಗಕ್ ಬುದ್ದಿ ಎಣ್ಣ್‌ವಿ.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 13:13

ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 4:22

ಯೇಸುನ ನಂಬ್‍ನ ಇಲ್ಲಿಯತ್‍ರ ಎಲ್ಲಾ ಅಣ್ಣತಮ್ಮಣಂಗಳು ನಿಂಗಕ್ ವಂದನೆ ಎಣ್ಣಿಯಂಡುಂಡ್, ಮುಕ್ಯವಾಯಿತ್ ಇಲ್ಲಿಯತ್‍ರ ಕೈಸರಂಡ ಅರಮನೇಲ್ ಸೇವೆ ಮಾಡಿಯಂಡುಳ್ಳ ದೇವಡ ಮಕ್ಕ ವಂದನೆ ಎಣ್ಣಿಯಂಡುಂಡ್.

ಕೊಲೊಸ್ಸೆ 1:2

ಕೊಲೊಸ್ಸೆ ಪಟ್ಟಣತ್‍ಲ್, ದೇವಡ ಮಕ್ಕಳಾಯಿತು, ನಂಬಿಕಸ್ತಯಿಂಗಳಾಯಿತು ಉಳ್ಳ ಕ್ರಿಸ್ತನ ನಂಬಿಯಂಡುಳ್ಳ ಅಣ್ಣತಮ್ಮಣಂಗಕ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.