ಇಬ್ರಿಯ 13:2 - ಕೊಡವ ಬೈಬಲ್

² ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.

ಇಬ್ರಿಯ 13:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:1

ಪಿಂಞ ಅಬ್ರಹಾಮ ಮಜ್ಜಣ ನೇರತ್‌ಲ್‌ ತಾಂಡ ಗುಡಾರತ್‌ರ ಪಡಿಲ್‌ ಅಳ್‌ತಿತ್‌ ಇಪ್ಪಕ, ಯೆಹೋವ ಮಮ್ರೆ ತೋಟತ್‌ರ ಪಕ್ಕತ್‌ ಅಂವೊಂಗ್‌ ಕಾಂಬ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 19:1

ಬಯಿಟಾಪಕ ಆ ದಂಡ್‌ ದೂತಂಗಳೂ ಸೊದೋಮ್‌ ಪಟ್ಟಣಕ್‌ ಬಾತ್. ಆ ಸಮಯತ್‌ಲ್‌ ಸೊದೋಮ್‌ ಪಟ್ಟಣತ್‌ರ ಪಡಿರ ಪಕ್ಕ ಲೋಟ ಅಳ್‌ತಂಡಿಂಜತ್. ಅಂವೊ ಅಯಿಂಗಳ ಕಾಂಬಕ ಎದ್ದಿತ್‌ ಅಯಿಂಗಡ ಮಿಂಞತ್‌ ಮಂಡೆ ಬಗ್ಗಿಚಿಟ್ಟಿತ್:

ಮತ್ತಾಯ 25:35

ಎನ್ನಂಗೆಣ್ಣ್‌ಚೇಂಗಿ, ನಾಕ್ ಕೆಲ ಪಯಿಚಿತ್‌ಪ್ಪಕ, ನಿಂಗ ನಾಕ್ ಉಂಬಕ್ ತಂದಿರ; ನಾಕ್ ಬಾಯರಿಕೆಯಾಯಿತ್‌ಪ್ಪಕ, ಕುಡಿಪಕ್ ನೀರ್ ಕೊಡ್‌ತಿರ. ನಾನ್ ನಿಂಗಕ್ ಪರಿಚಯ ಇಲ್ಲತಂವೊನಾಯಿತಿಪ್ಪಕ, ನಿಂಗಡ ಮನೆಲ್ ಸ್ವೀಕಾರ ಮಾಡಿರ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 25:43

ನಾನ್ ದಾರ್‌ಕು ಗೊತ್ತಿಲ್ಲತಂವೊನಾಯಿತ್‌ಪ್ಪಕ, ನಿಂಗ ನನ್ನ ಮನೆಕ್ ಕೂಟಿತ್‌ಲ್ಲೆ, ಬಟ್ಟೆ ಇಲ್ಲತಿಪ್ಪಕ, ಇಡ್‌ವಕ್ ಬಟ್ಟೆ ತಂದಿತ್‌ಲ್ಲೆ, ನಾನ್ ಕಾಯಿಲೆಲ್ ಪಿಂಞ ಜೈಲ್‍ಲ್ ಇಪ್ಪಕ, ನಿಂಗ ನನ್ನ ನೋಟ್‍ವಕ್ ಬಂದಿತ್‌ಲ್ಲೆ.

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ತಿಮೊಥೆಯ 3:2

ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:8

ಆಂಡ ಬದ್‍ಲ್ ಅಂವೊ ಜನಳ ಸತ್ಕಾರ ಮಾಡ್‍ವಂವೊನಾಯಿತು, ನಲ್ಲದ್‍ನ ಪ್ರೀತಿಚಿಡ್‌ವಂವೊನಾಯಿತು, ತನ್ನಡಕ್ಕ ಉಳ್ಳಂವೊನಾಯಿತು, ನೀತಿವಂತಂವೊನಾಯಿತು ಪವಿತ್ರ ಉಳ್ಳಂವೊನಾಯಿತು, ಶಿಸ್ತ್ ಉಳ್ಳಂವೊನಾಯಿತು ಇರಂಡು.

1 ಪೇತ್ರ 4:9

ಗೊಣಗತೆ, ಮನೆಲ್ ಎಲ್ಲಾರ್‌ನ ಚಾಯಿ ಸತ್ಕಾರ ಮಾಡಂಡು.

3 ಯೋಹಾನ 1:5

ನಾಡ ಪ್ರೀತಿರ ಕೂಟ್‌ಕಾರನೇ, ನೀನ್ ಯೇಸುನ ನಂಬ್‍ನಯಿಂಗಳ ಸತ್ಕಾರ ಮಾಡಿತ್ ಅಯಿಂಗಕ್ ನಂಬಿಕಸ್ತನಾಯಿತ್ ಸೇವೆ ಮಾಡ್‌ವಿಯ. ಅಯಿಂಗಳ ನೀಕ್ ಗೊತ್ತಿಲ್ಲತೇಂಗಿಯು ಮಾಡ್‌ವಿಯಲ್ಲ.