ಇಬ್ರಿಯ 13:18 - ಕೊಡವ ಬೈಬಲ್

¹⁸ ನಂಗಕಾಯಿತ್ ಪ್ರಾರ್ಥನೆ ಮಾಡಿ; ನಂಗಕ್ ಶುದ್ದ ಮನಸಾಕ್ಷಿ ಉಂಡ್‍ೕಂದ್ ಗೊತ್ತುಂಡ್, ಪಿಂಞ ಎಲ್ಲಾ ವಿಷಯತ್‍ಲು ಯೋಗ್ಯವಾಯಿತ್ ನಡ್‍ಪಕ್ ನಂಗ ಕುಶೀಲ್ ಉಂಡ್.

ಇಬ್ರಿಯ 13:18 ပူးပေါင်းရင်းမြစ်များ

ಅಪೊಸ್ತಲ 23:1

ಅಕ್ಕ ಪೌಲ: ಯೆಹೂದ್ಯಂಗಡ ಆಲೋಚನೆ ಸಬೆರ ಪೆರಿಯಯಿಂಗಡ ಮೂಡ್‍ಕ್ ನೋಟ್‌ವಂಜಿ: ನಾಡ ಅಣ್ಣತಮ್ಮಣಂಗಳೇ, ನಾನ್ ಈ ದಿವಸಕತ್ತನೆ ನಲ್ಲ ಮನಸಾಕ್ಷಿಯಿಂಜ ದೇವಡ ಮಿಂಞತ್‍ಲ್ ಬದ್‍ಕಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ರೋಮ್ 12:17

ಕೆಟ್ಟದ್ ಮಾಡ್‍ನಯಿಂಗಕ್, ನಿಂಗ ಪುನಃ ಕೆಟ್ಟದ್ ಮಾಡತಿ; ಎಲ್ಲಾಡ ಮಿಂಞತ್ ಏದ್ ಯೋಗ್ಯವಾನದೋ, ಅದ್‍ನ ಮಾಡ್‌ವಕ್ ಎಚ್ಚರತ್‍ಲ್ ಇರಿ.

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ರೋಮ್ 15:30

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ನಾಕಾಯಿತ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆರ ಮೂಲಕ, ನಾಡ ಪೋರಾಟತ್‍ಲ್ ನಿಂಗಳು ಕೂಡೆ ಇರಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಪಿಂಞ ಪವಿತ್ರಾತ್ಮತ್‍ರ ಪ್ರೀತಿರಗುಂಡ್ ನಿಂಗಳ ನಾನ್ ಬೋಡುವಿ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 4:12

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗಡ ಪ್ರತಿ ದಿನ ಬದ್‍ಕ್‍ಲ್ ಚಾಯಿತೆ ಬದ್‍ಕಿಯಂಡ್ ಉಳ್ಳಾನ ಪೊರಮೆ ಉಳ್ಳಯಿಂಗ ಕಾಂಬ, ಪಿಂಞ ಎಲ್ಲಾರು ನಿಂಗಕ್ ಮರ್ಯಾದೆ ತಪ್ಪ. ಅಕ್ಕ ನಿಂಗ ದಾಡ ಮೇಲೆಯು ಬಾರ ಇಟ್ಟಿತ್ ಬದ್‌ಕುವನೆಕೆ ಇಪ್ಪುಲೆ.

1 ಥೆಸಲೊನೀಕ 5:25

ನಂಗಡ ಅಣ್ಣತಮ್ಮಣಂಗಳೇ, ನಂಗಕಾಯಿತ್ ಪ್ರಾರ್ಥನೆ ಮಾಡಿ.

2 ಥೆಸಲೊನೀಕ 3:1

ನಂಗಡ ಅಣ್ಣತಮ್ಮಣಂಗಳೇ, ಕಡೇಕ್ ನಾನ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡ ಪಕ್ಕ ನಂಗ ಬಂದಿತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ವಕ, ಎನ್ನನೆ ಅದ್‍ನ ಎಲ್ಲಾರು ಬೆರಿಯ ನಂಬಿತ್, ಒಡೆಯಂಡ ವಾಕ್ಯ ಪಬ್ಬಿತ್ ಗನಪಡ್‌ವನೆಕೆ, ಬೋರೆ ಜಾಗತ್‍ಲ್ ಸಹ ಪಬ್ಬಿತ್ ಗನಪಡುವಕಾಯಿತ್ ನಿಂಗ ಪ್ರಾರ್ಥನೆ ಮಾಡಿ.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.