ಇಬ್ರಿಯ 13:17 - ಕೊಡವ ಬೈಬಲ್

¹⁷ ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:9

ಅದ್‌ಂಗ್‌ ಯೆಹೋವಂಡ ದೇವದೂತ ಅವಕ್: ನೀನ್‌ ನೀಡ ಎಜಮಾನಿರ ಪಕ್ಕ ತಿರಿತ್‌ ಪೋ. ಅವಡ ಅದಿಕಾರಕ್‌ ತಗ್ಗಿತ್‌ ನಡೇಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 5:13

ನಾಡ ಉಪಾದ್ಯಂಡ ತಕ್ಕ್‌ನ ನಾನ್‌ ಕ್‍ೕಕತೆ, ಅಯಿಂಗಡ ಉಪದೇಶಕ್‌ ಕೆಮಿ ಕೊಡ್‌ಕತೆ ಪೋನನಲ್ಲಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2

ಎಜಮಾನ ಅಂವೊನ ಕಾಕುವಂಜಿ, ಇದೆಂತ್, ನೀಡ ವಿಷಯತ್‍ನ ನಾನ್ ಕ್‍ೕಟಂಡುಳ್ಳದ್? ನೀಡ ಲೆಕ್ಕತ್‍ನ ನಾಡ ಪಕ್ಕ ಒಪ್ಪ್‌ಚಿಡ್, ನೀನ್ ಇಂಞು ಮಿಂಞಕ್ ನಾಡ ಆಸ್ತಿರ ಲೆಕ್ಕತ್‍ನ ನೋಟ್‌ವಕ್ಕಾಗಾಂದ್ ಎಣ್ಣ್‌ಚಿ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ರೋಮ್ 14:12

ಆನಗುಂಡ್ ನಂಗ ಒಬ್ಬೊಬ್ಬನು ದೇವಡ ಮಿಂಞತ್ ನಂಗಡ ವಿಷಯತ್ ಲೆಕ್ಕ ಕೊಡ್‍ಕಂಡು.

1 ಕೊರಿಂಥ 16:16

ಇನ್ನನೆ ಉಳ್ಳಯಿಂಗಕು, ಅಯಿಂಗಡ ಕೂಡೆ ದೇವಡ ಸೇವೇನ ಕಷ್ಟಟತ್‍ಲ್ ಮಾಡಿಯಂಡುಳ್ಳ ಸೇವಕಂಗಕೂ, ಅಯಿಂಗ ಎಣ್ಣ್‌ವಾನ ಕ್‍ೕಟಿತ್ ಅದ್ಂಗ್ ಬಗ್ಗಿತ್ ನಡ್‍ಕಂಡೂಂದ್ ನಿಂಗಕ್ ಬುದ್ದಿ ಎಣ್ಣ್‌ವಿ.

ಎಫೆಸ 5:21

ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 1:4

ನಾನ್ ಅನ್ನನೆ ಎಕ್ಕಾಲು ನಿಂಗಕಾಯಿತ್ ಬೋಡ್‌ವಕ ನಾನ್ ಅಚ್ಚಕ್ ಕುಶೀಲ್ ನಿಂಗ ಎಲ್ಲಾರ್‍ಕಾಯಿತ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಫಿಲಿಪ್ಪಿ 2:16

ಜೀವ ತಪ್ಪ ದೇವಡ ತಕ್ಕ್‌ನ ಗಟ್ಟಿಯಾಯಿತ್ ಪುಡ್‍ಚೊಳಿ! ಯೇಸು ಕ್ರಿಸ್ತ ತಿರಿತ್ ಬಪ್ಪ ದಿವಸತ್‍ಲ್ ನಾಕ್ ನಿಂಗಡ ಮದ್ಯತ್‍ಲ್ ಕ್‍ಟ್ಟ್‌ನ ಕಷ್ಟನಷ್ಟ ಒಂದು ಪಾಳಾಯಿ ಪೋಯಿತ್‌ಲ್ಲೇಂದ್ ನಾಕ್ ಕುಶಿ ಆಪ.

ಫಿಲಿಪ್ಪಿ 2:29

ಆನಗುಂಡ್, ಒಡೆಯಂಡ ಪ್ರೀತಿಲ್ ದುಂಬಿತ್, ಅಂವೊನ ಚಾಯಿತೆ ಸತ್ಕಾರ ಮಾಡಿತ್, ಇನ್ನನೆ ಉಳ್ಳಯಿಂಗಕ್ ಕೊಡ್‍ಪ ಮರ್ಯಾದೆನ ಕೊಡ್‍ಕಂಡು.

ಫಿಲಿಪ್ಪಿ 3:18

ಎನ್ನಂಗೆಣ್ಣ್‌ಚೇಂಗಿ, ದುಂಬ ಜನ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗೆಲ್ಲಾ ಕ್ರಿಸ್ತಂಡ ಶಿಲುಬೇರ ಬೋದನೆಕ್ ವಿರೋದವಾಯಿತ್ ಬದ್‍ಕಿಯಂಡುಂಡ್. ಅಯಿಂಗಡ ವಿಷಯ ನಾನ್ ನಿಂಗಕ್ ಮಿಂಞಲೇ ದುಂಬ ಎಣ್ಣಿತುಂಡ್. ಇಕ್ಕ ಪುನಃ ನಾನ್ ನಿಂಗಕ್ ಮೊರಟಂಡ್ ಎಣ್ಣ್‌ವಿ.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

1 ತಿಮೊಥೆಯ 5:17

ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

ಇಬ್ರಿಯ 13:24

ನಿಂಗಳ ನಡ್‌ತ್‌ವಯಿಂಗಕ್ ಪಿಂಞ ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ ನಂಗಡ ವಂದನೆ ಎಣ್ಣಿ. ಇತಾಲ್ಯ ದೇಶತ್‍ಲ್ ಉಳ್ಳ ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.

ಯಾಕೋಬ 4:7

ಆನಗುಂಡ್ ನಿಂಗ ನಿಂಗಳ ದೇವಕ್ ಅರ್ಪಿಚಿಡಿ, ಸೈತಾನಂಗ್ ಎದ್‍ರ್ ನಿಲ್ಲಿ. ಅನ್ನನೆ ಮಾಡ್‍ಚೇಂಗಿ ಸೈತಾನ ನಿಂಗಳ ಬುಟ್ಟಿತ್ ಓಡಿ ಪೋಯಿರ್‌ವ.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.