ಇಬ್ರಿಯ 12:7 - ಕೊಡವ ಬೈಬಲ್

⁷ ನಿಂಗ ಶಿಕ್ಷೆನ ಸಹಿಯಂಡ್ ಇಂಜತೇಂಗಿ, ದೇವ ನಿಂಗಳ ತಾಂಡ ಮಕ್ಕಡನೆಕೆ ನಡ್‍ತ್‍ವ; ಅಪ್ಪಂಡಿಂಜ ಶಿಕ್ಷೆ ಕ್‍ಟ್ಟತ ಮೋಂವೊ ಉಂಡಾ?

ಇಬ್ರಿಯ 12:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:24

ಕೋಲ್‌ನ ಉಪಯೋಗಿಚಿಡತಂವೊ ತಾಂಡ ಮೋಂವೊನ ದ್ವೇಷ ಮಾಡುವ; ಆಚೇಂಗಿ ಅಂವೊನ ಪ್ರೀತಿಚಿಡುವಂವೊ ಅಂವೊಂಗ್‌ ಶಿಕ್ಷೆ ಕೊಡ್‌ಪಕ್‌ ಎಚ್ಚರ ಎಡ್‌ತೊವ.

ಜ್ಞಾನತ್‌ರ ಪಡಿಮ 19:18

ಚಾಯಿಮಾಡುವಕುಳ್ಳ ಸಮಯ ಇಪ್ಪಕಲೇ ನೀಡ ಮೋಂವೊನ ಚಾಯಿಮಾಪ್ಂದುಳ್ಳ ನಂಬಿಕೇಲ್‌ ಶಿಕ್ಷೆ ಕೊಡ್; ಇಲ್ಲತಪೋಚೇಂಗಿ ಅಂವೊಂಡ ನಾಶಕ್‌ ನೀನ್‌ ಕಾರಣ ಆಪಿಯ.

ಜ್ಞಾನತ್‌ರ ಪಡಿಮ 22:15

ಕುಂಞಿಯಡ ಹೃದಯತ್‌ಲ್‌ ಮೂಡತನ ಅಂಟಿಯಂಡಿಪ್ಪ. ಆಚೇಂಗಿ ಶಿಕ್ಷೆ ತಪ್ಪ ಕೋಲ್ಯಿಂಜ ಅದ್‌ ತೊಲಗುವ.

ಜ್ಞಾನತ್‌ರ ಪಡಿಮ 29:15

ಕೋಲ್‌ ಪಿಂಞ ಚೂಕ್ತಕ್ಕ್‌ ಮಕ್ಕಕ್‌ ಜ್ಞಾನತ್‌ನ ತಪ್ಪ. ತಾನ್‌ ಕುಶಿಪಟ್ಟನೆಕೆ ಬುಟ್ಟ ಕುಂಞಿ ತಾಂಡ ಅವ್ವಂಗ್‌ ಞಾಣಕ್‍ೕಡ್‌ನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 29:17

ನೀಡ ಮೋಂವೊಂಗ್‌ ಶಿಕ್ಷೆ ಕೊಡ್, ಅಂವೊ ನಿನ್ನ ಸಮಾದಾನ ಪಡ್‌ತುವ, ನೀಡ ಆತ್ಮಕ್‌ ಸಂತೋಶತ್‌ನ ಉಂಟ್ ಮಾಡುವ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

1 ಕೊರಿಂಥ 11:32

ಆಚೇಂಗಿಯು, ಒಡೆಯ ನಂಗಳ ನ್ಯಾಯತೀರ್ಪ್ ಮಾಡಿತ್ ಶಿಕ್ಷನೆ ತಪ್ಪಗುಂಡ್, ಈ ಲೋಕತ್‍ರ ಕೂಡೆ ನಂಗಳ ಅಂವೊ ಕಂಡನೆ ಮಾಡುಲೆ.