ಇಬ್ರಿಯ 12:25 - ಕೊಡವ ಬೈಬಲ್

²⁵ ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 12:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:24

ನಾನ್‌ ನಿಂಗಳ ಕಾಕ್‌ಚೇಂಗಿಯು ನಿಂಗ ನನ್ನ ತ್‌ಕ್ಕಾರ ಮಾಡುವಿರ; ನಾನ್‌ ನಾಡ ಕೈಯಿನ ನಿಂಗಡ ಪಕ್ಕ ನ್‍ೕಟ್‌ಚೇಂಗಿಯು, ಅದ್‌ಂಗ್‌ ಎಚ್ಚರ ಎಡ್‌ಪಂವೊ ಒಬ್ಬನು ಇಲ್ಲೆ.

ಜ್ಞಾನತ್‌ರ ಪಡಿಮ 1:32

ಪಾಪ ಜನತ್‌ನ (ಸಾದು ಜನತ್‌ನ) ಅಯಿಂಗಡ ಮೂಡತನವೇ ಕೊಂದ್‌ರ್‌ವ, ಮೂಡಂಗ ಅಯಿಂಗಡ ಎಚ್ಚರಯಿಲ್ಲತ ನಡತೆಯಿಂಜ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 13:18

ಬುದ್ದಿತಕ್ಕ್‌ನ ಕಡೆಗಣಿಚಿಡ್‌ವಂವೊಂಗ್‌ ಬಡತನ ಪಿಂಞ ಅವಮಾನ ಆಪ. ಎಚ್ಚರ ತಕ್ಕ್‌ನ ಸ್ವೀಕಾರ ಮಾಡ್‌ವಂವೊಂಗ್‌ ಮರ್ಯಾದಿ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 15:32

ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.

ಜ್ಞಾನತ್‌ರ ಪಡಿಮ 8:33

ನಾಡ ಬೋದನೆನ ಕ್‍ೕಟಿತ್‌ ಜ್ಞಾನವಂತಯಿಂಗಳಾಯಿ. ಅದ್‌ನ ಬುಟ್ಟಿತ್‌ ಪೋಕತಿ.

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 8:4

ಅಕ್ಕ ಯೇಸು ಅಂವೊಂಗ್: ಈ ವಿಷಯತ್‍ನ ದಾರ್‌ಕು ಎಣ್ಣತೆ, ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್, ಅಂವೊ ನಿನ್ನ ಪರೀಕ್ಷೆ ಮಾಡಡ್; ಪಿಂಞ ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 7:35

ನಿನ್ನ ನಂಗಕ್ ಅದಿಕಾರಿಯಾಯಿತು, ನ್ಯಾಯಾದಿಪತಿಯಾಯಿತು ಮಾಡ್‍ನಂವೊ ದಾರ್‍ೕಂದ್ ಕ್‍ೕಟಿತ್, ನಂಗಕ್ ನೀನ್ ಬೋಂಡಾಂದ್ ದಾರ್ ಎಣ್ಣ್‌ಚೋ, ಅಯಿಂಗಕೇ ಈ ಮೋಶೇನ ಅಯಿಂಗಡ ಅದಿಪತಿಯಾಯಿತು, ಅಯಿಂಗಳ ಬುಡ್‍ಗಡೆ ಮಾಡ್‍ವಂವೊನಾಯಿತು, ಪೊದೆಲ್ ಪ್ರತ್ಯಕ್ಷ ಆನ ದೇವದೂತಂಡ ಮೂಲಕ ನೇಮಿಚಿಟ್ಟತ್.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

2 ತಿಮೊಥೆಯ 4:4

ಅಯಿಂಗ, ಸತ್ಯಕ್ ಕೆಮಿ ಕೊಡ್‍ಕತೆ, ಕಟ್ಟ್‌ಕಥೇನ ಕ್‍ೕಪಕ್ ಪೋಪ.

ಇಬ್ರಿಯ 1:1

ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 12:19

ವಾಲಗತ್‍ರ ಸದ್ದ್‌ರ ಕಡೆಯು, ಅಥವ ತಕ್ಕ್ ಪರಿಯುವ ಸದ್ದ್‌ರ ಕಡೆಯು ನಿಂಗ ಬಂದಿತ್ ಎತ್ತಿತ್‌ಲ್ಲೆ. ಆ ಸದ್ದ್‌ನ ಕ್‍ೕಟಯಿಂಗ ಇಂಞು ಮಿಂಞಕ್ ಅದ್‍ನ ನಂಗಕ್ ಎಣ್ಣುವದ್ ಬೋಂಡಾಂದ್ ಬೋಡ್‍ಚಿ.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

ಇಬ್ರಿಯ 3:17

ಅಲ್ಲತೆ, ದಾಡ ಕೂಡೆ ದೇವ ನಾಪದ್ ಕಾಲ ಚೆಡಿಲ್ ಇಂಜತ್? ಪಾಪ ಮಾಡ್‍ನಯಿಂಗಡ ಕೂಡೆ ತಾನೇ? ಅಯಿಂಗಡ ಚಾವ್ ತಡಿ ಮಣಬೂಮಿಲ್ ಬುದ್ದ್ ಪೋಚಲ್ಲಾ?

ಇಬ್ರಿಯ 8:5

ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.