ಇಬ್ರಿಯ 12:2 - ಕೊಡವ ಬೈಬಲ್

² ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 12:2 ပူးပေါင်းရင်းမြစ်များ

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮಾರ್ಕ 14:36

ನಾಡ ಅಪ್ಪ, ನೀಕ್ ಎಲ್ಲಾ ಮಾಡ್‌ವಕ್ ಕಯ್ಯು. ಈ ಪಾತ್ರತ್‍ನ ನಾಡ ಪಕ್ಕತ್ಂಜ ನೀಕಿರ್, ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 15:28

ಕಳ್ಳಂಗಡ ಕೂಡೆ ಒಬ್ಬನಾಯಿತ್ ಗೇನ ಮಾಡ್‌ವಾಂದ್ ಎಣ್ಣುವ ದೇವಡ ವಾಕ್ಯ ಅಕ್ಕ ಪೂರ್ತಿಯಾಚಿ.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಮಾರ್ಕ 9:12

ಅಕ್ಕು, ಎಲ್ಲಾನೂ ಸರಿಕೂಟ್‌ವಕಾಯಿತ್ ಎಲೀಯ ಮಿಂಞ ಬಪ್ಪ. ಆಚೇಂಗಿ ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಎಲ್ಲಾಡಗುಂಡ್ ತ್‍ಕ್ಕಾರ ಆಪಾಂದ್ ಒಳ್‌ದಿತುಂಡಲ್ಲಾ! ಅದ್ ಎನ್ನನೇಂದ್ ಯೇಸು ಕ್‍ೕಟತ್.

ಮಾರ್ಕ 9:24

ಒಮ್ಮಕೆ ಕ್‍ಣ್ಣಂಡ ಅಪ್ಪ: ನಾಕ್ ನಿಂಗಡ ಮೇಲೆ ನಂಬಿಕೆ ಉಂಡ್, ಆಚೇಂಗಿ ಅದ್ ಪೋರಾ. ನಾನ್ ನಿಂಗಡ ಮೇಲೆ ದುಂಬ ನಂಬಿಕೆ ಇಡ್‍ವನೆಕೆ ಸಹಾಯಮಾಡಡೂಂದ್ ಕಣ್ಣೀರ್‌ಲ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:5

ಅಕ್ಕ ಅಪೊಸ್ತಲಂಗ: ಒಡೆಯನ ನೋಟಿತ್, ನಂಗಡ ನಂಬಿಕೇನ ಸ್ತಿರಮಾಡ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:26

ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಮಹಿಮೆಪಡ್‍ವಕ್ ಮಿಂಞ ಇನ್ನನೆಲ್ಲ ಕಷ್ಟ ಅನುಬವಿಚಿಡಡೂಂದ್ ನಿಂಗಕ್ ಗೊತ್ತ್‌ಲ್ಲೆಯಾಂದ್ ಪ್ರಶ್ನೆ ಇಟ್ಟತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 12:24

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಒರ್ ಗೋದಿರ ಕಾಳ್ ನೆಲಕ್ ಬುದ್ದಿತ್ ಚಾವತೆ ಪೋಚೇಂಗಿ ಅದ್ ಒರ್ ಕಾಳಾ‍ಯಿತ್ ಮಾತ್ರ ಇಪ್ಪ, ಆಚೇಂಗಿ ಅದ್ ಚತ್ತತೇಂಗಿ, ದುಂಬ ಫಲತ್‍ನ ತಪ್ಪ.

ಯೋಹಾನ 12:32

ನನ್ನ ಕೊಡಿಕ್ ನೇತುವಕ, ಎಲ್ಲಾರ್‌ನ ನಾನ್ ನಾಡ ಪಕ್ಕ ಬಲ್‍ಚಿರುವೀಂದ್ ಎಣ್ಣ್‌ಚಿ.

ಯೋಹಾನ 13:3

ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್:

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 8:56

ನಿಂಗಡ ಮುತ್ತಜ್ಜನಾನ ಅಬ್ರಹಾಮ ನಾನ್ ಬಪ್ಪ ದಿವಸತ್‍ನ ಕಾಂಬಕ್ ಕುಶೀಲ್ ಇಂಜತ್, ಅದ್‍ನ ಕಂಡಿತ್ ಅಂವೊಂಗ್ ಕುಶಿ ಆಚೀಂದ್ ಎಣ್ಣ್‌ಚಿ.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

1 ಕೊರಿಂಥ 1:18

ಯೇಸು ಶಿಲುಬೇಲ್ ಚತ್ತತ್‍ೕಂದ್ ಎಣ್ಣುವ ಸುದ್ದಿ, ನಾಶವಾಯಿತ್ ಪೋಯಂಡುಳ್ಳ ಜನಕ್ ಪುಚ್ಚಿ ತಕ್ಕ್‌ರನೆಕೆ ಉಂಡ್, ಆಚೇಂಗಿ ರಕ್ಷಣೆ ಕ್‍ಟ್ಟಿತುಳ್ಳ ನಂಗಕ್ ಆ ಸುದ್ದಿ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

ಎಫೆಸ 2:16

ಅಯಿಂಗಕ್ ವಿರೋದವಾಯಿತ್ ಇಂಜ ಪಗೇನ ಅಂವೊ ಶಿಲುಬೇಲ್ ಚತ್ತಿತ್ ನಾಶ ಮಾಡ್‍ಚಿ; ಅನ್ನನೆ ಈ ದಂಡ್ ಜನತ್‍ನ ಒರೇ ತಡಿಯಾಯಿತ್ ದೇವಡ ಪಕ್ಕ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನತ್‍ನ ಕೊಂಡ್ ಬಾತ್.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 1:13

ಅದಲ್ಲತೆ, ನಾನ್ ನೀಡ ವಿರೋದಿಯಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳ್‌ತಾಂದ್ ದೇವ ಅಂವೊಂಡ ದೂತಂಗಡಲ್ಲಿ ದಾರ್‍ಕಾಚೇಂಗಿಯು ಎಕ್ಕಾಚೇಂಗಿಯು ಎಣ್ಣಿತುಂಡಾ?

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 10:14

ಎನ್ನಂಗೆಣ್ಣ್‌ಚೇಂಗಿ, ಪವಿತ್ರವಾನಯಿಂಗಳಾಯಿತ್ ಮಾಡ್‍ನಯಿಂಗಳ ಒರೇ ಬಲಿರ ಮೂಲಕ ಇಂವೊ ಎಕ್ಕಾಲು ಪೂರ್ತಿ ಮಾಡಿತುಂಡ್.

ಇಬ್ರಿಯ 10:33

ಆ ಕಾಲತ್‍ಲ್ ಚೆನ್ನ ಸಮಯತ್‍ಲ್ ನಿಂಗಳ ಎಲ್ಲಾಡ ಮಿಂಞತ್ ಅವಮಾನ ಮಾಡಿತ್, ಹಿಂಸೆಯು ಮಾಡ್‍ಚಿ. ಚೆನ್ನ ಸಮಯತ್‍ಲ್, ನಿಂಗಡ ಕೂಟ್‌ಲ್ ಇಂಜಯಿಂಗಕ್ ಅನ್ನನೆ ಮಾಡ್‍ಚಿ, ಅದ್‍ನಗುಂಡ್ ನಿಂಗಕ್ ಕಷ್ಟ ಆಚಿ.

ಇಬ್ರಿಯ 11:36

ಬೋರೆ ಚೆನ್ನ ಜನ, ಅವಮಾನ ಪಟ್ಟಂಡ್, ಜನಡ ಕೈಯಿಂಜ ಪೊಯಿತ್ ಕ್‌ಟ್ಟಿಯಂಡ್, ಸರ್ಪಣಿಲ್ ಕೈದಿಯಾಯಿತ್ ಇಂಜಂಡ್ ಜೈಲ್‌ಕ್ ಪೋಚಿ.

ಇಬ್ರಿಯ 12:3

ಆನಗುಂಡ್, ನಿಂಗ ಮನಸ್ಸ್ ಬುಟ್ಟಿತ್ ತಳ್ಂದ್ ಪೋಕತನೆಕೆ, ಪಾಪಿಯಂಗ ಯೇಸುಕ್ ಮಾಡ್‍ನ ಎಲ್ಲಾ ತರ ವಿರೋದತ್‍ನ ಅಂವೊ ಸಹಿಯಂಡ್ ಇಂಜದ್‍ನ ಗೇನ ಮಾಡಿಯೊಳಿ.

ಇಬ್ರಿಯ 13:13

ಆನಗುಂಡ್, ನಂಗ ಅಂವೊಂಡ ಅವಮಾನತ್‍ನ ಎಡ್‍ತಂಡ್, ಗುಡಾರತ್‍ರ ಪೊರಮೆ ಅಂವೊಂಡ ಪಕ್ಕ ಪೋಕನ.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

ಯಾಕೋಬ 2:1

ನಾಡ ಅಣ್ಣತಮ್ಮಣಂಗಳೇ, ಮಹಿಮೇರ ಒಡೆಯ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗ, ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಮರ್ಯಾದೆ ಮಾಡತಿ.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

ಯೂದ ಒಳ್‍ದ್‍ನ ಕಾಗದ 1:21

ದೇವಡ ಪ್ರೀತಿಯಿಂಜ ನಿಂಗಳ ಕಾಪಾಡಿಯಂಡ್, ನಿತ್ಯ ಜೀವಕ್ ನಿಂಗಳ ಕೊಂಡ್ ಬಪ್ಪಕಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕರುಣೆಕ್ ಪಾರಕಾತಂಡಿರಿ.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 1:17

ನಾನ್ ಅಂವೊನ ಕಾಂಬಕ, ಚತ್ತನೆಕೆ ಅಂವೊಂಡ ಕಾಲ್‌ಕ್ ಬುದ್ದ್ ಪೋನ; ಆಚೇಂಗಿ, ಅಂವೊ ತಾಂಡ ಬಲ್‌ತೆ ಕೈಯಿನ ನಾಡ ಮೇಲೆ ಬೆಚ್ಚಿತ್, ನನ್ನ ನೋಟಿತ್: ನೀನ್ ಬೊತ್ತತೆ, ನಾನ್ ಆದ್ಯವು ಆಕೀರು, ಜೀವ ಉಳ್ಳಂವೊನು ಆಯಿತುಂಡ್.

ಪ್ರಕಟನೆ 1:8

ನಾನ್ ಅಲ್ಫಾವು ಓಮೆಗಾವು, ಆದ್ಯವು ಆಕೀರು, ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಸರ್ವ ಶಕ್ತಿವಂತಂವೊನು ಆಯಿತುಳ್ಳ ಒಡೆಯನಾನ ದೇವ ಎಣ್ಣಿಯಂಡ್ ಉಳ್ಳ.

ಪ್ರಕಟನೆ 2:8

ಸ್ಮುರ್ನ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಆದ್ಯವಾಯಿತ್ ಉಳ್ಳಂವೊನು, ಆಕೀರ್ ಆಯಿತ್ ಉಳ್ಳಂವೊನು, ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಿತ್ ಬದ್‍ಕಿಯಂಡ್ ಇಪ್ಪಂವೊನಾಯಿತುಳ್ಳಂವೊ ಎಣ್ಣಿಯಂಡುಳ್ಳ.