ಇಬ್ರಿಯ 12:11 - ಕೊಡವ ಬೈಬಲ್

¹¹ ಏದ್ ಶಿಕ್ಷೆಯು, ಆ ಸಮಯತ್‍ಲ್ ಕುಶಿಯಾಯಿತ್ ಇಪ್ಪುಲೆ, ಕಷ್ಟವಾಯಿತೇ ಇಪ್ಪ. ಆಚೇಂಗಿ, ಅದ್‍ಲ್ ಅಬ್ಯಾಸ ಆನಯಿಂಗಕ್, ಅದ್ ಮಿಂಞಕ್ ನೀತಿ ಪಿಂಞ ಸಮಾದಾನ ಎಣ್ಣುವ ಫಲತ್‍ನ ತಪ್ಪ.

ಇಬ್ರಿಯ 12:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 21:11

ತಾಂಡ ಮೋಂವೊಂಡ ವಿಷಯತ್‌ ಎಣ್ಣ್‌ನ ಈ ಕಾರ್ಯ ಅಬ್ರಹಾಮನ ದುಂಬ ಬೇಜಾರ್‌ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 15:10

ನೀತಿರ ಬಟ್ಟೆನ ಬುಟ್ಟಿತ್‌ ನಡ್‌ಪಯಿಂಗಕ್‌ ಕಠಿಣ ಶಿಕ್ಷೆ ಕ್‌ಟ್ಟುವ. ತಿದ್ದ್‌ವಿಕೆನ ದ್ವೇಷ ಮಾಡ್‌ವಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 19:18

ಚಾಯಿಮಾಡುವಕುಳ್ಳ ಸಮಯ ಇಪ್ಪಕಲೇ ನೀಡ ಮೋಂವೊನ ಚಾಯಿಮಾಪ್ಂದುಳ್ಳ ನಂಬಿಕೇಲ್‌ ಶಿಕ್ಷೆ ಕೊಡ್; ಇಲ್ಲತಪೋಚೇಂಗಿ ಅಂವೊಂಡ ನಾಶಕ್‌ ನೀನ್‌ ಕಾರಣ ಆಪಿಯ.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

2 ಕೊರಿಂಥ 4:17

ಇಂಞು, ಒರ್ ಗಳಿಗೆಲ್ ಕಾಂಗತ ಆಪ ತೂವೆಯಾಯಿತುಳ್ಳ ನಂಗಡ ಈ ಕಷ್ಟ, ನಂಗಕ್ ದುಂಬ ಬಲ್ಯ ನಿತ್ಯ ಗನಪಟ್ಟ ಮಹಿಮೆನ ಉಂಟ್ ಮಾಡ್‌ವ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 12:10

ಅಯಿಂಗ, ಅಯಿಂಗಕ್ ಏದ್ ನಲ್ಲದ್‍ೕಂದ್ ಗೊತ್ತಾಚೋ, ಅದ್ಂಡ ಪ್ರಕಾರ ಚೆನ್ನ ಕಾಲ ಶಿಕ್ಷೆ ಕೊಡ್‍ತ್‍ಚಿ; ಆಚೇಂಗಿ ದೇವ, ತಾಂಡ ಪವಿತ್ರವಾನ ಗುಣಕ್ ನಂಗ ಬಾದ್ಯತೆ ಆಂಡೂಂದ್, ನಂಗಡ ಪ್ರಯೋಜನಕಾಯಿತೇ ನಂಗಕ್ ಶಿಕ್ಷೆ ಕೊಡ್‍ತಂಡುಂಡ್.

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

1 ಪೇತ್ರ 1:6

ಇದ್‍ನ ಗೇನ ಮಾಡಿತ್ ದುಂಬ ಕುಶೀಲ್ ಇರಿ. ಆಚೇಂಗಿಯು, ಇಂಞು ಚೆನ್ನ ಕಾಲಕ್ ಕಷ್ಟತ್‍ನ ಅನುಬವಿಚಿಡುವಕ್ ಅವಸ್ಯ ಉಳ್ಳಾಂಗ್, ಇಕ್ಕ ನಾನಾತರ ಸೋದನೆಲ್ ಕಷ್ಟಪಡ್‌ವಿರ.

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!