ಇಬ್ರಿಯ 11:8 - ಕೊಡವ ಬೈಬಲ್

⁸ ನಂಬಿಕೇರ ಮೂಲಕ, ಅಬ್ರಹಾಮ ತಾಂಗ್ ಬಾದ್ಯತೆಯಾಯಿತ್ ಕ್‍ಟ್ಟ್‌ವಕುಳ್ಳ ಜಾಗಕ್ ಪೋಪಕ್ ದೇವ ಕಾಕ್‍ವಕ, ತಗ್ಗಿತ್, ತಾನ್ ಎಲ್ಲಿ ಪೋಯಂಡುಳ್ಳ್‌ಂದ್ ಗೊತ್ತಿಲ್ಲತೆ ಪೊರಟಿತ್ ಪೋಚಿ.

ಇಬ್ರಿಯ 11:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:31

ತೆರಹ ತಾಂಡ ಮೊಂವೊ ಅಬ್ರಾಮನ, ತಾಂಡ ಕ್‌ರ್‌ಮೊಂವೊನಾನ ಹಾರಾನಂಡ ಮೊಂವೊನಾಯಿತ್‌ಂಜ ಲೋಟನ ಪಿಂಞ ಅಮ್ರಾಮಂಡ ಪೊಣ್ಣ್‌ ಸಾರಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೋಂಡೂಂದ್‌ ಕಲ್ದೀಯರ್‌ಡ ಊರ್‌ ಎಣ್ಣುವ ಪಟ್ಟಣತ್‌ಂಜ ಪೊರ್‌ಟತ್. ಆಚೇಂಗಿ, ಅಯಿಂಗ ಹಾರಾನ್‌ ಪಟ್ಟಣಕ್‌ ಬಂದಿತ್‌ ಅಲ್ಲಿಯೇ ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 12:5

ಅಂವೊ ತಾಂಡ ಪೊಣ್ಣ್‌ ಸಾರಯ್, ತಮ್ಮಣನಂಡ ಮೋಂವೊನಾನ ಲೋಟನ ಪಿಂಞ ಹಾರಾನ್‌ಲ್‌ ಸಂಪಾದನೆ ಮಾಡಿತ್‌ಂಜ ಎಲ್ಲಾ ಸೊತ್ತ್‌ನ, ಪಣಿಕಾರಳ ಪಿಂಞ ಪಣಿಕಾರ್ತಿಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೊರ್‌ಟ್ ಪೋಚಿ. ಅಯಿಂಗ ಕಾನಾನ್‌ ದೇಶಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 12:7

ಅಲ್ಲಿ ಯೆಹೋವ ಅಬ್ರಾಮಂಗ್‌ ಕಾಂಬ್‌ಚಿಟ್ಟಂಡ್: ಈ ದೇಶತ್‌ನ ನೀಡ ಸಂತಾನಕಾರಂಗಕ್‌ ತಪ್ಪೀಂದ್‌ ಎಣ್ಣ್‌ಚಿ. ಅಕ್ಕ ಅಂವೊ ತಾಂಗ್‌ ಕಾಂಬ್‌ಚಿಟ್ಟ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 15:5

ದೇವ ಅಬ್ರಾಮನ ಪೊರಮೆ ಕಾಕಿಯಂಡ್‌ ಬಂದಿತ್: ಬಾನತ್‍ನ ನೋಟ್, ಅಲ್ಲಿ ಉಳ್ಳ ಬಾನತ್‌ ಮೀನ್ನ ಲೆಕ್ಕ ಮಾಡುವಕ್‌ ನೀಕ್‌ ಕಯ್ಯುವದಾಚೇಂಗಿ ನೀನ್‌ ಲೆಕ್ಕಮಾಡ್; ನೀಡ ಸಂತಾನವು ಇನ್ನನೆ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:8

ನೀನ್‌ ಪರದೇಶಿಯಾಯಿತ್‌ ವಾಸ ಮಾಡಿಯಂಡುಳ್ಳ ಕಾನಾನ್‌ ದೇಶತ್‌ನೆಲ್ಲಾ ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ಕಾಲಕಾಲಕ್‌ ಸ್ವಂತವಾಯಿತ್‌ ಕೊಡ್‌ತಿತ್‌ ನಾನ್‌ ಅಯಿಂಗಕ್‌ ಯೆಹೋವನಾನ ದೇವನಾಯಿತ್‌ ಇಪ್ಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:13

ದೇವ ನಂಗಳ ನಂಗಡ ಅಪ್ಪಂಡ ಮನೆಯಿಂಜ ದೂರ ಕಾಕಿಯಂಡ್‌ ಬಪ್ಪಕ, ನಾನ್‌ ಅವಕ್: ನಂಗ ಪೋಪ ಜಾಗತ್‌ಲೆಲ್ಲ ನೀನ್‌ ನನ್ನ ಅಣ್ಣಾಂದ್‌ ಎಣ್ಣಿತ್‌ ನಾಕ್‍ ದಯೆ ಮಾಡ್‍ೕಂದ್‌ ನಾನ್‌ ಅವಡ ಪಕ್ಕ ಎಣ್ಣಿತ್‌ಂಜ್ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:18

ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:3

ನೀನ್‌ ಈ ದೇಶತ್‌ಲ್‌ ಚೆನ್ನ ಕಾಲ ವಾಸ ಮಾಡ್. ನಾನ್‌ ನೀಡ ಕೂಡೆ ಇಂಜಿತ್, ನಿನ್ನ ಆಶೀರ್ವಾದ ಮಾಡುವಿ; ನಾನ್‌ ನೀಕು ನೀಡ ಸಂತಾನಕು ಈ ದೇಶತ್‌ನೆಲ್ಲ ತಂದಿತ್‌ ನೀಡ ಅಪ್ಪನಾನ ಅಬ್ರಹಾಮಂಗ್‌ ಮಾಡ್‌ನ ಆಣೆನ ನೆರೆವೇರಿಚಿಡುವಿ.

ಮತ್ತಾಯ 2:21

ಆನಗುಂಡ್, ಯೋಸೇಫ ಕುಂಞಿ ಪಿಂಞ ಅವ್ವನ ಕಾಕಿಯಂಡ್ ಇಸ್ರಾಯೇಲ್‍ಕ್ ಪೋಚಿ.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

ರೋಮ್ 10:16

ಆಚೇಂಗಿಯು ಎಲ್ಲಾರು ದೇವಡ ನಲ್ಲ ಸುದ್ದಿಕ್ ಬಗ್ಗಿಚಿಟ್ಟಿತ್‌ಲ್ಲೆ. ಅದ್ಂಡ ವಿಷಯತ್ ಯೆಶಾಯ ಪ್ರವಾದಿ: ಒಡೆಯನೇ, ನಂಗಡ ಮೂಲಕ ಕ್‍ೕಟದ್‍ನ ನಂಬ್‍ನಯಿಂಗ ದಾರ್‍ೕಂದ್ ಎಣ್ಣಿಯಂಡುಂಡ್.

ರೋಮ್ 6:17

ಮಿಂಞ ನಿಂಗ ಪಾಪತ್‍ರ ಅಡಿಯಾಳಾಯಿತ್ಂಜಿರ, ಇಕ್ಕ ನಿಂಗ, ನಿಂಗಕ್ ಒಪ್ಪ್‌ಚಿಟ್ಟ ಬೋದನೆನ ಪೂರ್ತಿ ಮನಸ್ಸ್‌ಲ್ ಸ್ವೀಕಾರ ಮಾಡ್‍ನಗುಂಡ್ ದೇವಕ್ ವಂದನೆ ಎಣ್ಣಿಯಂಡುಂಡ್.

2 ಕೊರಿಂಥ 10:5

ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್.

ಇಬ್ರಿಯ 11:33

ನಂಬಿಕೇರ ಮೂಲಕ ಅಯಿಂಗ ರಾಜ್ಯಂಗಳ ಗೆದ್ದತ್, ನೀತಿಲ್ ಆಳ್ವಿಕೆ ಮಾಡ್‍ಚಿ, ವಾಗ್ದಾನ ಪಡ್ಂದತ್, ಸಿಂಹತ್‍ರ ಬಾಯಿನ ಮುಚ್ಚತ್.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 3:1

ಅನ್ನನೆ, ಪೊಣ್ಣಾಳುವಳೇ, ನಿಂಗ ನಿಂಗಡ ಸ್ವಂತ ವಡಿಯಂಗಡ ಪಕ್ಕ ಅಡಕತ್‍ಲ್ ಇರಂಡು. ಅಕ್ಕ, ಅಯಿಂಗಡಲ್ಲಿ, ದಾರೇಂಗಿಯು ದೇವಡ ವಾಕ್ಯತ್‍ನ ನಂಬತಯಿಂಗಳಾಯಿತ್ ಇಂಜತೇಂಗಿ, ನಿಂಗಡ ತಕ್ಕ್‌ರಗುಂಡ್ ಅಲ್ಲ, ನಿಂಗಡ ಗುಣತ್‍ರಗುಂಡ್,

1 ಪೇತ್ರ 4:17

ದೇವಡ ನ್ಯಾಯತೀರ್ಪ್ ಅಂವೊಂಡ ಮಕ್ಕಡಲ್ಲಿಯೇ ಸುರು ಆಪಕುಳ್ಳ ಸಮಯವಾಯಿತುಂಡ್; ಅದ್ ನಂಗಡಲ್ಲಿಯೇ ಸುರು ಆಚೇಂಗಿ, ದೇವಡ ನಲ್ಲ ಸುದ್ದಿಕ್ ಕೆಮಿ ಕೊಡ್‌ಕತಯಿಂಗಡ ಸ್ತಿತಿ ಎನ್ನನೆ ಆಯಿತ್‌ಪ್ಪ?