ಇಬ್ರಿಯ 11:7 - ಕೊಡವ ಬೈಬಲ್

⁷ ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 11:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:14

ಅಕ್ಕ ಲೋಟ ಪೊರಮೆ ಪೋಯಿತ್‌ ತಾಂಡ ಮೂಡಿ ಮಕ್ಕಕ್‌ ಗೊತ್ತ್‌ಮಾಡ್‌ನ ಮೈಮಂಗಡ ಪಕ್ಕ ಪೋಯಿತ್: ನಿಂಗ ಎದ್ದಿತ್‌ ಈ ಜಾಗತ್‌ನ ಬುಟ್ಟಿತ್‌ ಪೋಯಿರಿ. ಯೆಹೋವ ಈ ಪಟ್ಟಣತ್‌ನ ನಾಶಮಾಡ್‌ವಕ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಆಚೇಂಗಿ ಅಯಿಂಗ ಲೋಟ ತಮಾಶಿ ಮಾಡಿಯಂಡುಂಡ್‍ೕಂದ್‌ ಗೇನ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 6:13

ಅಕ್ಕ ದೇವ ನೋಹಂಗ್: ನಾನ್‌ ಈ ಬೂಲೋಕತ್‌ಲ್‌ ಉಳ್ಳ ಎಲ್ಲಾ ಜೀವಜಂತುವಳ ನಾಶಮಾಡುವಿ, ಅಯಿಂಗಡಗೊಂಡ್‌ ಈ ಬೂಮಿಲ್‌ ಅನ್ಯಾಯ ದುಂಬಿತುಂಡ್, ನಾನ್‌ ಅಯಿಂಗಳ ಪಿಂಞ ಈ ಬೂಮಿನ ನಾಶ ಮಾಡುವಿ.

ಆದ್ಯತ್‌ರ ಪುಸ್ತಕ 6:22

ದೇವ ಅಪ್ಪಣೆ ಕೊಡ್‌ತನೆಕೆ ನೋಹ ಎಲ್ಲಾನ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 6:9

ಇದ್‌ ನೋಹಂಡ ವಂಶಾವಳಿ: ಆ ಕಾಲತ್‌ಲ್‌ ಇಂಜ ಜನಡ ಮದ್ಯತ್‌ ನೋಹ, ನೀತಿವಂತಂವೊನಾಯಿತು, ಓರ್‌ ಕುತ್ತವು ಇಲ್ಲತೆ ಬದಿಕಿಯಂಡಿಂಜ ಒರೇ ಮನುಷ್ಯನು ಆಯಿತ್‌ಂಜತ್. ಅಂವೊ ದೇವಡ ಕೂಡೆ ದುಂಬ ಐಕ್ಯತ್‌ಲ್‌ ನಡ್‌ದಂಡಿಂಜತ್.

ಆದ್ಯತ್‌ರ ಪುಸ್ತಕ 7:23

ಬೂಮಿರ ಮೇಲೆ ಜೀವಂತವಾಯಿತ್‌ಂಜ ಮನುಷ್ಯ ಜಾತಿಯ, ಪ್ರಾಣಿಯ, ನೆಲತ್‌ಲ್‌ ಪರ್ಪ ಚೆರಿಯ ಪ್ರಾಣಿಯ ಪಿಂಞ ಪಕ್ಷಿಯ ಎಲ್ಲವು ನಾಶ ಆಯಿಪೋಚಿ; ನೋಹ ಪಿಂಞ ಅಂವೊಂಡ ಕೂಡೆ ಇಂಜ ಜೀವಿಯ ಮಾತ್‌ರ ಬಾಕಿ ಉಳ್‌ಂಜತ್.

ಆದ್ಯತ್‌ರ ಪುಸ್ತಕ 7:5

ಯೆಹೋವ ಆಜ್ಞೆ ಮಾಡ್‌ನನಕೆ ನೋಹ ಎಲ್ಲಾನ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 8:16

ನೀನ್, ನೀಡ ಕೂಡೆ ನೀಡ ಪೊಣ್ಣ್, ನೀಡ ಕ್‌ಣ್ಣ ಮಕ್ಕ, ನೀಡ ಮೈಮಕ್ಕ ಎಲ್ಲಾರು ಹಡಗ್ಯಿಂಜ ಪೊರಟಿತ್‌ ಪೊರಮೆ ಬಕ್ಕಲು.

ಜ್ಞಾನತ್‌ರ ಪಡಿಮ 22:3

ವಿವೇಕ ಉಳ್ಳಂವೊ ಕ್‍ೕಡ್‌ನ ಕಂಡಿತ್‌ ಆ ಬಟ್ಟೆನೇ ಬುಟ್ಟಿತ್‌ ಪೋಪ. ಆಚೇಂಗಿ ಸಾದು ಮನುಷ್ಯ ಕ್‍ೕಡ್‌ರ ಬಟ್ಟೆಲ್‌ ನೇರೆ ಪೋಯಿತ್‌ ತೊಂದರೆಕ್‌ ಚಿಕ್ಕಿಯೊವ.

ಜ್ಞಾನತ್‌ರ ಪಡಿಮ 27:12

ವಿವೇಕ ಉಳ್ಳಂವೊ ಕ್‍ೕಡ್‌ನ ಕಂಡಿತ್‌ ಆ ಬಟ್ಟೆನೇ ಬುಟ್ಟಿತ್‌ ಪೋಪ. ಆಚೇಂಗಿ ಸಾದು ಮನುಷ್ಯ ಕ್‍ೕಡ್‌ರ ಬಟ್ಟೆಲ್‌ ನೇರೆ ಪೋಯಿತ್‌ ತೊಂದರೆಕ್‌ ಚಿಕ್ಕಿಯೊವ.

ಮತ್ತಾಯ 2:12

ಪಿಂಞ ದೇವ ಅಯಿಂಗಕ್ ಸ್ವಪ್ನತ್‌ಲ್: ನಿಂಗ ಹೆರೋದ ರಾಜಂಡ ಪಕ್ಕ ಪೋಂಡಾಂದ್ ಎಚ್ಚರ ಮಾಡ್‍ನಗುಂಡ್ ಅಯಿಂಗ ಅಲ್ಲಿಂಜ ಬೋರೆ ಬಟ್ಟೇಕಾಲೆ ಅಯಿಂಗಡ ಊರ್‌ಕ್ ಪೋಚಿ.

ಮತ್ತಾಯ 24:15

ಇಂಞು ಎಣ್ಣಕ, ಪ್ರವಾದಿಯಾನ ದಾನಿಯೇಲ ಎಣ್ಣ್‌ನನೆಕೆ: ಇದ್‍ನ ಓದ್‍ವಂವೊ, ಅರ್ಥ ಮಾಡಿಯಡ್, ಪಾಳ್ ಮಾಡ್‌ವ ಅಸಹ್ಯ ವಸ್ತು, ಪವಿತ್ರ ಜಾಗತ್‍ಲ್ ನಿಪ್ಪದ್‌ನ ನಿಂಗ ಕಾಂಬಕ,

ಮತ್ತಾಯ 24:25

ಆಚೇಂಗಿ, ನಾನ್ ಇದ್‍ನೆಲ್ಲ ಆಪಕ್ ಮಿಂಞಲೇ ಎಣ್ಣಿ ತಂದಿಯೆ.

ಮತ್ತಾಯ 24:38

ಎನ್ನನೆ ಎಣ್ಣ್‌ಚೇಂಗಿ ಜಲಪ್ರಳಯ ಬಪ್ಪಕ್ ಮಿಂಞ, ನೋಹ ಕಪ್ಪಲ್‍ರ ಒಳ್‍ಕ್ ಪೋಪಕತ್ತನೆ ಜನ ಉಂಡಿತ್, ಕುಡಿಚಿತ್ ಮಂಗಲ ಕಯಿಚಂಡ್ ಮಂಗಲ ಮಾಡಿ ಕೊಡ್‌ತಂಡ್ ಇಂಜತ್.

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:26

ನೋಹಂಡ ದಿವಸತ್‍ಲ್ ಎನ್ನನೆ ಇಂಜತೋ ಅನ್ನನೆ ಮನುಷ್ಯಕುಮಾರ ಬಪ್ಪ ಸಮಯತ್‍ಲು ಇಪ್ಪ.

ರೋಮ್ 1:17

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

ರೋಮ್ 10:6

ಆಚೇಂಗಿ, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿ ಇನ್ನನೆ ಎಣ್ಣಿಯಂಡುಂಡ್: ಕ್ರಿಸ್ತನ, ಅಡಿಕ್ ಕೊಂಡ್ ಬಪ್ಪಕಾಯಿತ್ ಪರಲೋಕಕ್ ಪತ್ತಿತ್ ಪೋಪಂವೊ ದಾರ್?

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 4:11

ಅದಲ್ಲತೆ, ಅಂವೊಂಗ್ ಸುನ್ನತಿ ಆಪಕ್ ಮಿಂಞ, ನಂಬಿಕೇರ ಮೂಲಕ ಅಂವೊಂಗ್ ಕ್‍ಟ್ಟ್‌ನ ನೀತಿಕ್ ಮುದ್ರೆಯಾಯಿತ್ ಸುನ್ನತಿ ಎಣ್ಣುವ ಗುರ್‍ತ್‍ನ ಅಂವೊಂಗ್ ಕೊಡ್‍ತತ್. ಆನಗುಂಡ್, ಸುನ್ನತಿ ಮಾಡತಯಿಂಗಳಾಯಿತ್ ನಂಬುವ ಎಲ್ಲಾರ್‌ಕು, ನೀತಿರ ಲೆಕ್ಕ ಕ್‍ಟ್ಟಿತ್ ಅಯಿಂಗಕ್ ಸಹ ಅಂವೊ ಅಪ್ಪನಾಯಿತ್ ಇಪ್ಪನೆಕೆ ಆಚಿ.

ರೋಮ್ 4:13

ಅಬ್ರಹಾಮಂಗ್ ಪಿಂಞ ಅಂವೊಂಡ ಸಂತಾನಕಾರಂಗಕ್, ಈ ಲೋಕತ್‍ರ ಹಕ್ಕ್‌ದಾರಂಗಳಾಪಿರಾಂದ್ ಕ್‍ಟ್ಟ್‌ನ ವಾಗ್ದಾನ, ನ್ಯಾಯಪ್ರಮಾಣತ್‍ರ ಮೂಲಕ ಕ್‍ಟ್ಟತೆ, ನಂಬಿಕೇರ ಮೂಲಕ ಬಪ್ಪ ನೀತಿರಗುಂಡ್ ಕ್‍ಟ್ಟ್‌ಚಿ.

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

ಇಬ್ರಿಯ 11:1

ಇಕ್ಕ, ನಂಬಿಕೆ ಎಂತ ಎಣ್ಣ್‌ಚೇಂಗಿ, ಕಂಡಿತವಾಯಿತ್ ಆಪಾಕುಳ್ಳ ನಿರಿಕ್ಷೇರ ದೈರ್ಯವು, ಕಣ್ಣ್‌ಕ್ ಕಾಂಗತ ವಿಷಯತ್‍ರಮೇಲೆ ಉಳ್ಳ ನಿಶ್ಚಯವು ಆಯಿತುಂಡ್.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.

ಇಬ್ರಿಯ 8:5

ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.

2 ಪೇತ್ರ 3:6

ಪಿಂಞ ಜಲಪ್ರಳಯ ಬಂದಿತ್ ಅಕ್ಕತ್‍ರ ಲೋಕತ್‍ನ ಪಾಳ್ ಮಾಡ್‍ಚೀಂದ್ ಅಯಿಂಗಕ್ ಗೊತ್ತ್ಂಜತೇಂಗಿಯು ಬೋಂಡೂಂದೇ ಮರ್ಂದ್ ಪೋಯಿರ್‌ತ್.