ಇಬ್ರಿಯ 11:6 - ಕೊಡವ ಬೈಬಲ್

⁶ ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.

ಇಬ್ರಿಯ 11:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 11:18

ಒರ್‌ ದುಷ್ಟಂಡ ಆದಾಯ ಮೋಸವಾಯಿತ್‌ಪ್ಪ. ಆಚೇಂಗಿ ನೀತಿನ ಬಿತ್ತ್‌ವಂವೊ ಯೋಗ್ಯವಾನ ಫಲತ್‌ನ ಪಡೆಯುವ.

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಮತ್ತಾಯ 11:26

ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಮತ್ತಾಯ 5:12

ಸಂತೋಷವಾಯಿತ್ ಇರಿ, ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಿಂಗಕಿಂಜ ಮಿಂಞ ಇಂಜ ಪ್ರವಾದಿಯಂಗಕ್ ಸಹ ಅಯಿಂಗ ಇನ್ನನೆ ಹಿಂಸೆ ಮಾಡ್‍ಚಿ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಮಾರ್ಕ 16:17

ನಂಬಿಕೆ ಉಳ್ಳಯಿಂಗಕ್ ಅದ್ಬುತ ಕಾರ್ಯ ಮಾಡ್‌ವಕ್ ನಾನ್ ಶಕ್ತಿ ಕೊಡ್‍ಪಿ. ನಾಡ ಪೆದತ್‍ಲ್ ಅಯಿಂಗ ಕೂಳಿ ಬುಡ್‌ತ್‌ವ, ಪುದಿಯ ತಕ್ಕ್‌ಲ್ ತಕ್ಕ್ ಪರಿಯುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:31

ಅದ್ಂಡ ಬದ್‍ಲ್ ಎಲ್ಲಾಕಿಂಜಿ ಮಿಂಞ ದೇವಡ ರಾಜ್ಯತ್‍ನ ತ್‍ೕಡಿ, ಅಕ್ಕ ಇದ‌ನ್ನೆಲ್ಲ ನಿಂಗಕ್ ಕೂಟಿ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:35

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 8:24

ಅದ್ಂಗಾಯಿತೇ, ನಿಂಗ ನಿಂಗಡ ಪಾಪತ್‍ಲ್ ಚಾವೀರಾಂದ್ ಎಣ್ಣಿಯೆ; ನಾನೇ ಅಂವೋಂದ್ ನಿಂಗ ನಂಬತೆ ಪೋಚೇಂಗಿ, ಕಂಡಿತವಾಯಿತ್ ನಿಂಗಕ್ ಮನ್ನಿಪ್ ಕ್‍ಟ್ಟತೆ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ರೋಮ್ 10:14

ಅಕ್ಕ, ಅಂವೊನ ನಂಬತಯಿಂಗ ಎನ್ನನೆ ಅಂವೊನ ಕಾಕುವ? ಅಂವೊಂಡ ವಿಷಯತ್‍ನ ಇಲ್ಲಿಕತ್ತನೆ ಕ್‍ೕಕತಯಿಂಗ ಎನ್ನನೆ ನಂಬುವ? ದೇವಡ ನಲ್ಲ ಸುದ್ದಿನ ಎಣ್ಣ್‌ವಯಿಂಗ ಇಲ್ಲತಪೋಚೇಂಗಿ, ಎನ್ನನೆ ಅಯಿಂಗಡ ಕೆಮಿಕ್ ಅಂವೊಂಡ ವಿಷಯ ಪೋಪ?

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಇಬ್ರಿಯ 11:26

ಐಗುಪ್ತ ದೇಶತ್‍ರ ಆಸ್ತಿಕಿಂಜ ಕ್ರಿಸ್ತಂಗಾಯಿತ್ ಕ್‍ಟ್ಟುವ ಅವಮಾನತ್‍ನ ಬಲ್ಯ ಆಸ್ತಿಯಾಯಿತ್ ಲೆಕ್ಕ ಮಾಡಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಪ್ರತಿಫಲಕಾಯಿತ್ ನೋಟಿಯಂಡಿಂಜತ್.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

ಇಬ್ರಿಯ 4:2

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.

ಇಬ್ರಿಯ 4:6

ಆನಗುಂಡ್ ಇಂಞು ಚೆನ್ನ ಜನ ಆರಾಮ್‍ರ ಜಾಗಕ್ ಪ್ರವೇಶ ಮಾಡ್‍ವದ್ ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯವಾಯಿತುಂಡ್. ದೇವಡ ನಲ್ಲ ಸುದ್ದಿನ ಮಿಂಞಲೇ ಕ್‍ೕಟಯಿಂಗ ಅದ್‍ನ ನಂಬಿತ್‌ಲ್ಲೆ, ಅದ್ಂಗಾಯಿತ್ ಪ್ರವೇಶ ಮಾಡಿತ್‌ಲ್ಲೆ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

2 ಪೇತ್ರ 1:5

ಈ ಕಾರಣಕಾಯಿತ್, ನಿಂಗ ದುಂಬ ಜಾಗ್ರತೆಲ್, ನಿಂಗಡ ನಂಬಿಕೇರ ಕೂಡೆ ದುಂಬ ನಲ್ಲ ಗುಣತ್‍ನ, ನಲ್ಲ ಗುಣತ್‍ರ ಕೂಡೆ ದೈರ್ಯತ್‍ನ, ದೈರ್ಯತ್‍ರ ಕೂಡೆ ಜ್ಞಾನತ್‍ನ,

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.